ദര്ശന്റെ ഭാര്യയും മകനും ജയിലിലെത്തി, പൊട്ടിക്കരഞ്ഞ് ദര്ശന്; ജാമ്യാപേക്ഷയുടെ വിവരങ്ങള് കൈമാറി
ബെംഗളൂരു: ഭാര്യയെയും മകനെയും കണ്ടതിന് പിന്നാലെ പൊട്ടിക്കരഞ്ഞ് കന്നഡ സൂപ്പര് താരം ദര്ശന്. ആരാധകനായ രേണുകാസ്വാമിയെ കൊലപ്പെടുത്തിയ കേസില് അറസ്റ്റിലായ ദര്ശന് ഇപ്പോല് ബെംഗളൂരുവിലെ പരപ്പന അഗ്രഹാര ജയിലിലാണ് ഉള്ളത്. ദര്ശനെ കാണാന് പതിനഞ്ചുകാരനായ മകനും ഭാര്യ വിജയലക്ഷ്മിയും ജയിലില് എത്തിയിരുന്നു.
ഈ സമയം വളരെ വൈകാരിക മുഹൂര്ത്തങ്ങളാണ് അരങ്ങേറിയത്. ദര്ശന് ഇവര്ക്ക് മുന്നില് വെച്ച് പൊട്ടിക്കരയുകയായിരുന്നു. നടനും സുഹൃത്തുമായ വിനോദ് പ്രഭാകറും ദര്ശനെ ജയിലില് കാണാനെത്തിയിരുന്നു. അതേസമയം ദര്ശനെ കണ്ട ശേഷം മാധ്യമങ്ങളോട് പ്രതികരിക്കാതെയാണ് ഭാര്യ വിജയലക്ഷ്മി മടങ്ങിയത്.
അതേസമയം ഭാര്യയെയും മകനെയും കണ്ട ദര്ശന് ഇവരുമായി സംസാരിക്കുകയും, മകനെ ആലിംഗനം ചെയ്യുകയും ചെയ്തു. വിജയലക്ഷ്മി ദര്ശന്റെ ജാമ്യാപേക്ഷയെ കുറിച്ചുള്ള കാര്യങ്ങളാണ് അറിയിച്ചത്. അതേസമയം ദര്ശനെ കണ്ടതായി വിനോദ് പ്രഭാകര് സ്ഥിരീകരിച്ചിട്ടുണ്ട്. താന് ദര്ശനെ കണ്ടതായും സംസാരിച്ചതായും അദ്ദേഹം പറഞ്ഞു.
മാധ്യമങ്ങളോട് പ്രതികരിക്കവേയാണ് ഇക്കാര്യം അദ്ദേഹം വ്യക്തമാക്കിയത്. ദര്ശന് അധികം സംസാരിച്ചില്ല. ഒന്നോ രണ്ടോ സെക്കന്ഡുകളാണ് സംസാരിച്ചത്. തന്നെ ടൈഗര് എന്നാണ് അഭിസംബോധന ചെയ്തത്. ദര്ശനെ താന് ബോസ് എന്നാണ് അഭിസംബോധന ചെയ്തത്. ദര്ശനുമായി ഹസ്തദാനം ചെയ്ത ശേഷം ജയിലില് നിന്ന് മടങ്ങിയെന്നും വിനോദ് പറഞ്ഞു.
രേണുകാസ്വാമിയുടെ കുടുംബത്തിന് എല്ലാ കാര്യങ്ങളെയും നേരിടാനുള്ള ധൈര്യം ലഭിക്കട്ടെ. ഈ ദുരന്തം ഒരിക്കലും സംഭവിക്കാന് പാടില്ലായിരുന്നുവെന്നും വിനോദ് പറഞ്ഞു. അതേസമയം രേണുകാസ്വാമി രണ്ട് ദിവസത്തോളം ക്രൂരമായ മര്ദനത്തിന് ഇരയായതായി പോലീസ് നേരത്തെ പറഞ്ഞിരുന്നു.
ചുവരിന് നേരെ അദ്ദേഹത്തെ എറിഞ്ഞുവെന്നും, വൈദ്യുതാഘാതമേല്പ്പിച്ചുവെന്നും പോലീസ് റിപ്പോര്ട്ടില് പറയുന്നുണ്ട്. ദര്ശന്റെ സുഹൃത്തും പങ്കാളിയുമായ പവിത്ര ഗൗഡയ്ക്ക് മോശം സന്ദേശങ്ങള് അയച്ചതിന്റെ പ്രതികാരത്തിലാണ് രേണുകാസ്വാമിയെ കൊലപ്പെടുത്തിയതെന്നാണ് കണ്ടെത്തല്. ബെംഗളൂരുവിലെ അഴുക്കുചാലില് നിന്നാണ് രേണുകാസ്വാമിയുടെ മൃതദേഹം കണ്ടെത്തിയത്.
പോലീസ് ദര്ശന്റെ അനുയായികളെ അറസ്റ്റ് ചെയ്തതിന് പിന്നാലെ അദ്ദേഹത്തിനെതിരെ മൊഴിയുണ്ടായിരുന്നു. പവിത്ര ഗൗഡയുടെ നിര്ദേശപ്രകാരമാണ് ദര്ശന് രേണുകാസ്വാമിയെ കൊലപ്പെടുത്തിയതെന്നാണ് പോലീസിന്റെ കണ്ടെത്തല്. അതേസമയം ദര്ശന്റെ മറ്റൊരു ആരാധകനെ കര്ണാടക പോലീസ് ഇന്ന് അറസ്റ്റ് ചെയ്തിട്ടുണ്ട്.
രേണുകാസ്വാമി കൊലപാതക കേസില് ഒരു സിനിമ നിര്മാതാവിനെ ഭീഷണിപ്പെടുത്തിയെന്ന പരാതിയിലാണ് ഇയാളെ അറസ്റ്റ് ചെയ്തിരിക്കുന്നത്. ചേതന് എന്നയാളാണ് അറസ്റ്റിലായത്. ഇയാളെ തമിഴ്നാട്ടിലെ കോയമ്പത്തൂരില് നിന്നാണ് പോലീസ് അറസ്റ്റ് ചെയ്തത്. മറ്റൊരു പ്രതിയായ നാഗേഷിന് വേണ്ടിയും പോലീസ് തിരച്ചില് ആരംഭിച്ചിട്ടുണ്ട്.
-
ബെംഗളൂരു മെട്രോയുടെ ഏഴയലത്ത് വരില്ല ലണ്ടന് മെട്രോ; അനുഭവം പറഞ്ഞ് യുവതി; കാരണങ്ങള് ഇതാണ് -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google