ഒരു ചിത്രത്തിന് 10 കോടി വരെ പ്രതിഫലം, ഭർത്താവിനേക്കാൾ സമ്പന്ന; ഐശ്വര്യ റായുടെ ആസ്തി 800 കോടി?
ഇന്ത്യൻ സിനിമയിൽ എന്നല്ല ലോക സിനിമയിൽ പോലും പകരം വയ്ക്കാനില്ലാത്ത അത്ഭുതമാണ് ഐശ്വര്യ റായ് എന്ന താരം. സൗന്ദര്യം കൊണ്ട് ലോകത്തിലെ ഒന്നാമത്തെ വ്യക്തി ആയപ്പോഴും അഭിനയ മികവ് കൊണ്ട് അതേയളവിൽ വിസ്മയിപ്പിക്കാൻ അവർക്ക് കഴിഞ്ഞിരുന്നു. ഒരു തലമുറയുടെ മുഴുവൻ സൗന്ദര്യ സങ്കൽപവും പേറുന്നയാൾ കൂടിയാണ് ഐശ്വര്യ. ഇതൊക്കെയും കരിയറിൽ അവർ ഉണ്ടാക്കിയ വിശേഷണങ്ങളും നേട്ടങ്ങളും മാത്രമാണ്.
എന്നാൽ പലർക്കും അറിയാത്ത മറ്റൊരു കാര്യമുണ്ട്. ബോളിവുഡിലെ എന്നല്ല ഇന്ത്യൻ സിനിമയിലെ തന്നെ ഏറ്റവും സമ്പന്നയായ നടിമാരിൽ ഒരാളാണ് ഐശ്വര്യ റായ്. ആഗോള തലത്തിൽ തന്നെ ശ്രദ്ധിക്കപ്പെടുന്ന തലത്തിലേക്ക് വളർന്നിട്ടുള്ള ഐശ്വര്യയ്ക്ക് അതിന് അനുസൃതമായ പ്രതിഫലം ലഭിക്കുക സ്വാഭാവികമാണ്. അതിനൊപ്പം ഫാഷൻ, മോഡലിംഗ് രംഗത്ത് കൂടി തന്റെ വ്യക്തിമുദ്ര പതിപ്പിച്ചിട്ടുള്ള വിശ്വസുന്ദരിയുടെ ആസ്തി കേട്ടാൽ ആരുമൊന്ന് ഞെട്ടും.
ഭർത്താവും ബോളിവുഡിലെ പ്രമുഖ നടനുമായ അഭിഷേക് ബച്ചനേക്കാൾ സമ്പന്നയാണ് ഐശ്വര്യ റായ് എന്ന പ്രത്യേകത കൂടിയുണ്ട്. ഏകദേശം 800 കോടിയിലധികം രൂപയുടെ ആസ്തി താരത്തിന്റെ പേരിലുണ്ടെന്നാണ് കരുതപ്പെടുന്നത്. അത് ഐശ്വര്യയെ ഇന്ത്യൻ സിനിമയിലെ തന്നെ ഏറ്റവും വിജയകരമായ വ്യക്തികളിൽ ഒരാളായി മാറ്റുന്നു. കേവലം അഭിനേത്രി എന്ന നിലയിൽ മാത്രം ലഭിച്ച പ്രതിഫലമല്ല ഈ സമ്പത്തിന്റെ അടിസ്ഥാനം.
ഐശ്വര്യ സംരംഭകത്വത്തിലും അല്ലാതെ മറ്റ് വിവിധ കമ്പനികളിലും നിക്ഷേപം നടത്തുകയും അതുവഴി അവരുടെ ഗണ്യമായ ആസ്തി ഉയർത്തുകയും ചെയ്യുന്നുണ്ട് എന്നതാണ് പ്രത്യേകത. കൂടാതെ ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ ഒരാളാണ് നിലവിൽ ഐശ്വര്യ റായി ബച്ചൻ. ഒരു സിനിമയ്ക്ക് അവരുടെ പ്രതിഫലം 10 കോടി രൂപ വരെയാണ്. വിവാഹ ശേഷവും വലിയൊരു കുട്ടിയുടെ അമ്മയായെങ്കിലും ഈ പ്രശസ്തിക്ക് ഒട്ടും ഇടിവ് ഉണ്ടായിട്ടില്ല.
സിനിമയ്ക്ക് പുറമേ മറ്റ് വരുമാനം
അഭിനേത്രി എന്നതിലുപരി ഐശ്വര്യ ഒരുപാട് ബ്രാൻഡുകളുടെ മുഖം കൂടിയാണ്. ഇന്ത്യയിലും അന്തർദേശീയ തലത്തിലും ഒട്ടേറെ ബ്രാൻഡുകൾക്ക് അംഗീകാരം നൽകുന്നതിന് അവർ പ്രതിദിനം 6-7 കോടി രൂപ വരെ ഈടാക്കുന്നു എന്നാണ് കരുതപ്പെടുന്നത്. ഇത് ഇന്ത്യയ്ക്ക് പുറത്ത് കൂടിയുള്ള അവരുടെ സ്വീകാര്യതയെ എടുത്തുകാട്ടുന്ന ഘടകമാണ്.
ഐശ്വര്യയുടെ സാമ്പത്തിക വൈദഗ്ധ്യം അവരുടെ തന്ത്രപരമായ നിക്ഷേപങ്ങളിലൂടെയും വ്യക്തമാണ്. 2021-ൽ അവർ ഒരു പോഷകാഹാര കേന്ദ്രീകൃത ആരോഗ്യ സംരക്ഷണ കമ്പനിയിൽ 5 കോടി രൂപ നിക്ഷേപിച്ചിരുന്നു. ഇത് കൂടാതെ കോടിക്കണക്കിന് രൂപ അവർ മറ്റ് സ്റ്റാർട്ടപ്പുകൾ ഉൾപ്പെടയുള്ള സ്ഥാപനങ്ങളിലും നിക്ഷേപിച്ചിട്ടുണ്ട്.
ആഡംബര ജീവിതം
ഐശ്വര്യ റായുടെ ആഡംബര ജീവിതം എക്കാലവും പ്രശസ്തമാണ്. ഏറ്റവും ആഡംബര പൂർണവും അതിലേറെ വിലയേറിയതുമായ വസ്തുവകകൾ അവരുടെ പേരിലുണ്ട്. മുംബൈയിലെ വില കൂടിയ മേഖലയായ ജുഹുവിലെ ആഡംബര ബംഗ്ലാവായ ജൽസയിലാണ് ഐശ്വര്യ റായ് കഴിയുന്നത്. അതല്ലാതെ രാജ്യത്തെ വിവിധ ഇടങ്ങളിൽ വില കൂടിയ റിയൽ എസ്റ്റേറ്റ് പ്രോപ്പർട്ടികൾ അവർക്ക് സ്വന്തമായുണ്ട്. ഇതിന് പുറമേ കോടികൾ വിലമതിക്കുന്ന ആഡംബര വാഹനങ്ങളുടെ നീണ്ട നിരയും താരത്തിന് സ്വന്തം.
Click it and Unblock the Notifications
Sign in with Google