രശ്മികയുമല്ല കൃതിയുമല്ല, ജൂനിയര്‍ നടിമാരില്‍ പ്രതിഫലത്തില്‍ മുന്നില്‍ ഇവര്‍; വാങ്ങുന്നത് ഇത്ര

Updated: Wednesday, February 28, 2024, 20:50 [IST]

ബോളിവുഡില്‍ വമ്പന്‍ പ്രതിഫലം വാങ്ങുന്ന ധാരാളം പേരുണ്ട്. ദീപിക പദുക്കോണാണ് അക്കാര്യത്തില്‍ ഒന്നാമതുള്ളത്. എന്നാല്‍ ബോളിവുഡില്‍ സൂപ്പര്‍ താര നടിമാര്‍ക്ക് പിന്നില്‍ വരുന്ന ജൂനിയര്‍ നടിമാരുണ്ട്. കൃതി സനോണ്‍, സാറാ അലി ഖാന്‍, രശ്മിക മന്ദാന, പോലുള്ള നടിമാര്‍ ഈ നിരയില്‍ വരുന്നതാണ്. എന്നാല്‍ ഇവരുടെ പ്രതിഫലം എത്രയാണെന്ന് അറിയുമോ?

പല ദക്ഷിണേന്ത്യന്‍ സിനിമാ നടിമാരേക്കാളും ഉയര്‍ന്ന പ്രതിഫലമാണ് ഇവര്‍ വാങ്ങുന്നത്. ബോളിവുഡിലെ അടുത്ത സൂപ്പര്‍ താര നായികമാരാകും ഇവരെന്ന് ഉറപ്പാണ്. അത്തരത്തില്‍ മൂന്ന് നടിമാരുടെ പ്രതിഫലമാണ് യുവനിരയില്‍ ഉയര്‍ന്ന് നില്‍ക്കുന്നത് അത് ആരൊക്കെയാണെന്ന് നോക്കാം.

അനന്യ പാണ്ഡെ, സാറാ അലി ഖാന്‍, ജാന്‍വി കപൂര്‍ എന്നിവരാണ് പ്രതിഫലത്തില്‍ മുന്നില്‍ നില്‍ക്കുന്നത്. ജാന്‍വി 2018ല്‍ ധഡക്ക് എന്ന ചിത്രത്തിലൂടെയാണ് അരങ്ങേറിയത്. സാറ അലി ഖാന്‍ കേദാര്‍ നാഥിലൂടെയും അരങ്ങേറി. അനന്യ പാണ്ഡെ സ്റ്റുഡന്റ് ഓഫ് ദ ഇയറിന്റെ സീക്വലിലൂടെയായിരുന്നു ബോളിവുഡില്‍ എത്തിയത്. സാറ അലി ഖാനാണ് ഇതില്‍ വലിയ വിജയങ്ങള്‍ നേടിയ നടി. സിമ്പ പോലുള്ള വമ്പന്‍ ഹിറ്റുകള്‍ നടിയുടെ പേരിലുണ്ട്.

സര സര ഹട്‌കെ ബ്ലോക്ബസ്റ്ററായി മാറുകയും ചെയ്തു. അഭിനയത്തിലൂടെയാണ് നടി കൂടുതല്‍ വരുമാനം കണ്ടെത്തുന്നത്. മൂന്ന് കോടിയാണ് നടിയുടെ പ്രതിഫലം. ഒരു കോടി ഓരോ പരസ്യ ചിത്രത്തിനുമായും നടി വാങ്ങുന്നത്. ഇന്‍സ്റ്റഗ്രാം പ്രമോഷനായി 35 ലക്ഷവും സാറയ്ക്ക് ലഭിക്കുനനുണ്ട്. 41 കോടിയാണ് നടിയുടെ ആസ്തി.

ബോളിവുഡില്‍ ഏറ്റവും കൂടുതല്‍ ട്രോളിംഗ് നേരിട്ട നടിയാണ് അനന്യ പാണ്ഡെ. എന്നാല്‍ നടി പ്രകടനം കൊണ്ട് മെച്ചപ്പെടുകയായിരുന്നു. അനന്യ ഒരു ചിത്രത്തിനായി മൂന്ന് കോടിയാണ് പ്രതിഫലം വാങ്ങുന്നത്. ബോളിവുഡ് നടന്‍ ചങ്കി പാണ്ഡെയുടെ മകള്‍ കൂടിയാണ് അനന്യ. ഒടിടിയില്‍ അരങ്ങേറ്റം കുറിക്കാന്‍ ഒരുങ്ങുകയാണ് നടി.

കോള്‍ മി ബേ എന്നാണ് ഈ ചിത്രത്തിന്റെപേര്. വന്‍ തുകയാണ് ഈ ചിത്രത്തിനായി ആമസോണ്‍ നടിക്ക് നല്‍കുന്നത. പരസ്യ ചിത്രങ്ങള്‍ക്കായി 60 ലക്ഷമാണ് നടി വാങ്ങുന്നത്. ഇന്‍സ്റ്റഗ്രാം പ്രമോഷന് 50 ലക്ഷവും നടിക്ക് ലഭിക്കുന്നുണ്ട്. 74 കോടിയാണ് അനന്യയുടെ പ്രതിഫലം. ബിഎംഡബ്ല്യു 7 സീരീസ് അടക്കമുള്ള കാറുകളും നടിക്കുണ്ട്.

അതേസമയം ഇവരേക്കാള്‍ എല്ലാം മുന്നിലാണ് ജാന്‍വി കപൂര്‍. നിലവില്‍ വമ്പന്‍ പ്രൊജക്ടുകള്‍ എല്ലാം നടിയെ തേടി വരുന്നുണ്ട്. ജൂനിയര്‍ എന്‍ടിആറിനൊപ്പം ദേവരയിലാണ് നടി ഇപ്പോള്‍ അഭിനയിക്കുന്നത്. അഞ്ച് കോടിയാണ് ഒരു ചിത്രത്തിനായി ജാന്‍വി പ്രതിഫലമായി വാങ്ങുന്നത്. യുവനിരയില്‍ കൂടുതല്‍ പ്രതിഫലവും ജാന്‍വിക്കാണ്.

ഒരു പരസ്യ ചിത്രത്തിനായി രണ്ടര മുതല്‍ മൂന്ന് കോടി വരെയാണ് നടി വാങ്ങുന്നത്. ഇന്‍സ്റ്റഗ്രാം പോസ്റ്റിനായി 70 മുതല്‍ 80 ലക്ഷവും നടിക്ക് ലഭിക്കും. 82 കോടിയാണ് ജാന്‍വിയുടെ ആസ്തി. അടുത്തിടെ 39 കോടിക്ക് ഒരു സ്ഥലവും ജുഹുവില്‍ നടി വാങ്ങിയിരുന്നു. നിരവധി ആഡംബര കാറുകളും ജാന്‍വിക്ക് സ്വന്തമായിട്ടുണ്ട്.