എന്റെ പൊന്നോ, രജനിയോ വിജയിയോ അല്ല, പ്രഭാസിന്റെ പ്രതിഫലം അതുക്കും മേലേ; ബജറ്റും ഞെട്ടിക്കും
എസ്എസ് രാജമൗലിയുടെ ബാഹുബലി പുറത്തിറങ്ങിയതോടെ രാജ്യം മുഴുവന് തരംഗമായ നടനാണ് പ്രഭാസ്. താരത്തിന്റെ ചിത്രങ്ങളെല്ലാം ഇപ്പോള് പാന് ഇന്ത്യനാണ്. എല്ലാ ഭാഷകളിലും ചിത്രങ്ങള് ഇറങ്ങാറുണ്ട്. അവസാനമായി ഇറങ്ങിയ സലാറും ഹിന്ദിയില് മികച്ച ഓപ്പണിംഗ് ദിന കളക്ഷനാണ് നേടിയിരിക്കുന്നത്. നിലവില് ഇന്ത്യയില് ഷാരൂഖ് ഖാനോ അതിന് മുകളിലോ നില്ക്കുന്ന താരമാണ് പ്രഭാസ്.
ഷാരൂഖിന്റെ ഡങ്കിയെ ക്ലാഷില് താരം വീഴ്ത്തിയിരിക്കുകയാണ്. പ്രഭാസ് ദിനത്തിന്റെ ആദ്യ ദിന കളക്ഷന് ഡങ്കിക്ക് രണ്ട് ദിവസം എടുത്തിട്ടും സ്വന്തമാക്കാന് സാധിച്ചിട്ടില്ല. അതില് നിന്ന് പ്രഭാസിന്റെ സ്റ്റാര് പവര് നമുക്ക് മനസ്സിലാക്കാന് സാധിക്കും. നിലവില് തെലുങ്കില് ഏറ്റവും വലിയ താരവും പ്രഭാസാണ്. ബാഹുബലിക്ക് ശേഷം പ്രേക്ഷകനെ തൃപ്തിപ്പെടുത്തുന്ന ചിത്രങ്ങള് പ്രഭാസില് നിന്ന് വന്നിട്ടില്ലായിരുന്നു.
രാധേ ശ്യാം, ആദിപുരുഷ് എന്നീ ചിത്രങ്ങള് വലിയ പരാജയമാവുകയും ചെയ്തു. എന്നാല് സലാര് ഈ പ്രശ്നങ്ങളെല്ലാം പരിഹരിച്ചിരിക്കുകയാണ്. മികച്ച റിവ്യൂകളാണ് സലാറിന് ലഭിച്ചത്. ബോക്സോഫീസില് അത് കാണാനും സാധിക്കുന്നുണ്ട്. വലിയ കളക്ഷനാണ് ചിത്രത്തിന് ലഭിച്ചത്. ആഗോള തലത്തില് രണ്ട് ദിവസം കൊണ്ട് 200 കോടി നേടാനും ചിത്രത്തിന് സാധിച്ചിട്ടുണ്ട്.
റിലീസ് ദിനത്തില് തന്നെ 95 കോടിയാണ് ചിത്രം നേടിയത്. ഇത് ഷാരൂഖ് ചിത്രം നേടിയതിലും ഇരട്ടിയായിരുന്നു. ആന്ധ്രപ്രദേശിലും, തെലങ്കാനയിലുമാണ് ചിത്രം കൂടുതല് കളക്ഷന് വാരിയത്. ഈ വര്ഷം ഏറ്റവും വലിയ ബോക്സോഫീസ് വിജയങ്ങളായ പഠാന്, ജവാന്, ആനിമല് എന്നിവയുടെ കളക്ഷനെല്ലാം സലാറിന് പിന്നിലാണ്. അതേസമയം ഇന്ത്യന് സിനിമയില് എതിരാളികള് ഇല്ലാതെയാണ് പ്രഭാസ് ചിത്രം കുതിക്കുന്നത്.
താരപ്രതിഭയ്ക്ക് മങ്ങലേറ്റിരുന്നെങ്കിലും അത് തിരിച്ചുപിടിച്ചിരിക്കുകയാണ്. പ്രഭാസിന്റെ പ്രതിഫലം ഇപ്പോള് എല്ലാവരേക്കാളും കുതിച്ചുയര്ന്നിരിക്കുകയാണ്. സലാര് അടക്കമുള്ള ചിത്രങ്ങളില് പ്രഭാസ് വാങ്ങിയത് നൂറ് കോടി രൂപയാണ്. ഷാരൂഖ് ഖാന്, രജനീകാന്ത് എന്നിവര് വാങ്ങുന്ന പ്രതിഫലമാണിത്. എന്നാല് ജയിലറിന് ശേഷം രജനീകാന്തും വിജയിയുമെല്ലാം പ്രതിഫലം ഉയര്ത്തിയിരുന്നു. എന്നാല് പ്രഭാസിന്റെ പ്രതിഫലം ഇവരേക്കാള് എല്ലാം ഉയരത്തിലാണ്.
പ്രഭാസിന് നൂറ് കോടി പ്രതിഫലം മാത്രമല്ല സലാറിന്റെ ലാഭവിഹിതത്തില് നിന്ന് പത്ത് ശതമാനവും ലഭിക്കും. 150 കോടിക്ക് മുകളില് എന്തായാലും താരത്തിന് കിട്ടുമെന്ന് ഉറപ്പായിട്ടുണ്ട്. ഇനി വരാനിരിക്കുന്ന പ്രഭാസ് ചിത്രമാണ് കല്ക്കി 2898 എഡി എന്ന ചിത്രം. ഇത് നാഗ് അശ്വിനാണ് സംവിധാനം ചെയ്യുന്നത്. ദീപിക പദുക്കോണാണ് ചിത്രത്തില് നായികയായി എത്തുന്നത്. അമിതാഭ് ബച്ചനും ചിത്രത്തിലുണ്ട്. വില്ലനായി കമല്ഹാസനാണ് എത്തുന്നത്.
ഈ ചിത്രത്തിനായി പ്രഭാസ് വാങ്ങുന്ന പ്രതിഫലം ഇപ്പോള് വലിയ ചര്ച്ചയായിരിക്കുകയാണ്. 250 കോടിക്ക് മുകളിലാണ് പ്രതിഫലമെന്നാണ് റിപ്പോര്ട്ട്. ചിത്രത്തിന്റെ ബജറ്റ് 600 കോടി രൂപ വരും. ഇന്ത്യന് സിനിമയിലെ തന്നെ ഏറ്റവും ചെലവേറിയ ചിത്രമായും ഇത് മാറും. അതേസമയം സലാറും കല്ക്കിയും കൂടി 1000 കോടിയാണ് നിര്മിക്കാനായി ചെലവിട്ടത്. എന്നാല് പുഷ്പയ്ക്കായി 330 കോടി വാങ്ങുന്ന അല്ലു അര്ജുനാണ് ഇന്ത്യയില് ഏറ്റവും പ്രതിഫലം പറ്റുന്ന താരം.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google