സലാറിൽ പ്രഭാസിനൊപ്പം റോക്കി ഭായിയും..? യാഷിന്റെ വരവിനെ കുറിച്ച് മറുപടി നൽകി നിർമ്മാതാവ്...
സിനിമാ പ്രേമികൾ ഏറെ ആകാംഷയോടെ കാത്തിരിക്കുന്ന പ്രശാന്ത് നീൽ ചിത്രമാണ് സലാർ. കെജിഎഫ് ഫ്രാഞ്ചൈസിയിലെ രണ്ട് ബ്രഹ്മാണ്ഡ ചിത്രങ്ങളുടെ വിജയത്തിന് ശേഷം നീൽ ഒരുക്കുന്ന ഈ ചിത്രത്തിൽ സൂപ്പർ സ്റ്റാർ പ്രഭാസാണ് നായകൻ. മലയാളത്തിന്റെ സ്വന്തം പൃഥ്വിരാജും ചിത്രത്തിൽ ഒരു പ്രധാന വേഷം അവതരിപ്പിക്കുന്നുണ്ട്. രണ്ട് ഭാഗങ്ങളിലായി പുറത്തിറങ്ങുന്ന ചിത്രത്തിന്റെ ഒന്നാം ഭാഗം ഡിസംബർ 22ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിന് എത്തും.
എന്നാൽ കഴിഞ്ഞ ദിവസങ്ങളിൽ ഒക്കെ ചിത്രവുമായി ബന്ധപ്പെട്ട് ഏറ്റവും കൂടുതൽ ഉയർന്ന അഭ്യൂഹമാണ് കന്നഡ സൂപ്പർ സ്റ്റാർ യാഷ് ചിത്രത്തിൽ ഒരു അതിഥി വേഷം അവതരിപ്പിക്കുമെന്ന്. കെജിഎഫുമായി ചിത്രത്തിന് ബന്ധമില്ലെന്നും, ഇത് മറ്റൊരു കഥയാണെന്നും പ്രശാന്ത് നീൽ വ്യക്തമാക്കിയിട്ടും യാഷിന്റെ സാന്നിധ്യത്തെ കുറിച്ച് വാർത്തകൾ പരന്നിരുന്നു.
ഇപ്പോഴിതാ ഇതിൽ പ്രതികരണവുമായി ചിത്രത്തിന്റെ നിർമാതാവായ വിജയ് കിരാഗണ്ടൂർ രംഗത്ത് വന്നിരിക്കുകയാണ്. ഇന്ത്യാ ടുഡേയ്ക്ക് നൽകിയ പ്രത്യേക അഭിമുഖത്തിലാണ് അദ്ദേഹം യാഷിന്റെ സാന്നിധ്യത്തെ കുറിച്ചുള്ള അഭ്യൂഹങ്ങൾക്ക് വിരാമമിട്ടത്. സിനിമയിൽ യാഷ് ഉണ്ടാകില്ലെന്നാണ് അദ്ദേഹം പറഞ്ഞത്.
'കെജിഎഫുമായി ചിത്രത്തിന് ഒരു ബന്ധവുമില്ലെന്ന് പ്രശാന്ത് തന്നെ ഇതിനകം വ്യക്തമാക്കി കഴിഞ്ഞതാണ്. അതിനാൽ തന്നെ ചിത്രത്തിൽ യാഷ് ഉണ്ടാവില്ല' വിജയ് വ്യക്തമാക്കി. ഇതോടെ റെബൽ സ്റ്റാർ പ്രഭാസിനെയും, റോക്കിങ് സ്റ്റാർ യാഷിനെയും ഒരുമിച്ച് സ്ക്രീനിൽ കാണാമെന്ന ആരാധകരുടെ പ്രതീക്ഷയാണ് ഇല്ലാതായിരിക്കുന്നത്.
അതേസമയം, ഉഗ്രം, കെജിഎഫ് 1, 2 എന്നീ വമ്പൻ ഹിറ്റുകൾക്ക് ശേഷം പ്രശാന്ത് നീൽ സംവിധാനം ചെയ്യുന്ന ഏറ്റവും പുതിയ ചിത്രമാണ് 'സലാർ'. ഹൊംബാലെ ഫിലിംസാണ് ചിത്രത്തിന്റെ നിര്മ്മാണം. ശ്രുതി ഹസനാണ് ചിത്രത്തിൽ നായിക. പൃഥ്വി വരദ രാജ മന്നാർ എന്ന കഥാപാത്രത്തെ അവതരിപ്പിക്കുന്ന ചിത്രത്തിൽ മീനാക്ഷി ചൗധരി, ഈശ്വരി റാവു, ജഗപതി ബാബു തുടങ്ങിയ വൻ താരനിര തന്നെ അണിനിരക്കുന്നുണ്ട്.
ഹോളിവുഡ് ചിത്രം 'അക്വാമാന്:ആന്ഡ് ദ ലോസ് കിംഗ്ഡ്', ഷാരൂഖ് ഖാൻ- രാജ്കുമാർ ഹിറാനി ചിത്രമായ 'ഡങ്കി', മലയാളത്തിൽ നിന്ന് മോഹൻലാൽ-ജീത്തു ജോസഫ് ചിത്രമായ 'നേര്' എന്നിവയും സലാറിനൊപ്പമാണ് റിലീസ്. പൃഥ്വിരാജ് പ്രൊഡക്ഷൻസാണ് സലാർ കേരളത്തിൽ പ്രദർശനത്തിന് എത്തിക്കുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google