ഉണ്ണി മുകുന്ദനും ശശികുമാറിനും മുകളില് സൂരിയുടെ പ്രതിഫലം?; ഗരുഡന് വാങ്ങുന്ന പ്രതിഫലം ഇത്ര
തമിഴ് സിനിമയില് കോമഡി താരമായി എത്തിയ നടനാണ് സൂരി. സൂപ്പര് താര ചിത്രങ്ങളിലെല്ലാം സൂരിയുടെ കോമഡി പ്രകടനങ്ങള് ഏറെ ശ്രദ്ധിക്കപ്പെട്ടിരുന്നു. അടുത്തിടെ വെട്രിമാരന്റെ വിടുതലൈ എന്ന ചിത്രത്തിലൂടെ നായകനായും സൂരി അരങ്ങേറ്റം നടത്തിയിരുന്നു. താരത്തിന്റെ നിരവധി ചിത്രങ്ങള് അണിയറയില് ഒരുങ്ങുന്നുണ്ട്.
വിടുതലൈയുടെ രണ്ടാം ഭാഗവും വരാനുണ്ട്. വിജയ് സേതുപതി അടക്കമുള്ളവരുടെ കൂടെയാണ് താരം അഭിനയിക്കുന്നത്. അതേസമയം വെട്രിമാരന്റെ തന്നെ നിര്മാണത്തില് അദ്ദേഹത്തിന്റെ അസോസിയേറ്റായിരുന്നു ദുരൈ സെന്തില്കുമാര് സംവിധാനം ചെയ്യുന്ന ഗരുഡനിലും സൂരിയാണ് നായകന്. ഇതിന്റെ ടീസര് നേരത്തെ ഏറെ ശ്രദ്ധിക്കപ്പെട്ടിരുന്നു.
ഗരുഡന് ഒരു മള്ട്ടിസ്റ്റാര് ചിത്രം കൂടിയാണ്. ശശികുമാറും മലയാളത്തിന്റെ സ്വന്തം ഉണ്ണി മുകുന്ദനുമാണ് പ്രധാന വേഷങ്ങള് കൈകാര്യം ചെയ്യുന്നത്. അധികാരവും വിശ്വാസവും, കൂറുമെല്ലാം ചിത്രത്തിന്റെ ഇതിവൃത്തമാകുമെന്നാണ് ടീസര് നല്കുന്ന സൂചന. ഇതൊരു ഗ്രാമീണ ആക്ഷന് ചിത്രം കൂടിയാണ്.
കൊടി പോലുള്ള വലിയ ഹിറ്റുകള് ഉള്ള സംവിധായകനാണ് ദുരൈ സെന്തില് കുമാര്. ഒപ്പം വെട്രിമാരനും കൂടി ചേരുന്നതോടെ പ്രതീക്ഷകള് ഏറെയാണ്. അതേസമയം ചിത്രത്തിന്റെ റിലീസ് തിയതി മാത്രം അണിയറപ്രവര്ത്തകര് പ്രഖ്യാപിച്ചിട്ടില്ല. ചിത്രത്തിലെ പ്രതിഫലത്തിന്റെ കാര്യമാണ് ഇപ്പോള് സോഷ്യല് മീഡിയയില് അടക്കം വൈറലായിരിക്കുന്നത്.
ചിത്രത്തിലെ പ്രധാന നായക നടന്മാരില് ഒരാളായ ശശികുമാറിനേക്കാള് കൂടുതല് പ്രതിഫലമാണ് സൂരിക്ക് ലഭിക്കുന്നതെന്നാണ് റിപ്പോര്ട്ട്. അത് മാത്രമല്ല ഉണ്ണി മുകുന്ദനേക്കാളും പ്രതിഫലമുണ്ടെന്നും സൂചനയുണ്ട്. വരുത്തപ്പെടാത്ത വാലിബര് സംഘം, ദേസിംഗ് രാജ, ജീവ, വേതാളം, ജില്ല തുടങ്ങിയ വമ്പന് ഹിറ്റുകളുടെ ഭാഗമായിട്ടുള്ള സൂരിക്ക് ലഭിക്കുന്ന പ്രതിഫലമാണ് തമിഴകത്ത് ചര്ച്ചയായിരിക്കുന്നത്.
താരത്തിന്റെ മാര്ക്കറ്റ് വിടുതലൈയുടെ വിജയത്തോടെ ഉയര്ന്നിരിക്കുകയാണ് എന്ന് ഇതിലൂടെ വ്യക്തമാണ്. നിലവില് സൂരി ഇപ്പോള് കോമഡി ചിത്രങ്ങള് ചെയ്യുന്നില്ല. പകരം കൂടുതല് സീരിയസായിട്ടുള്ള റോളുകളും, സിനിമകളുമാണ് തിരഞ്ഞെടുക്കുന്നത്. ഇമേജ് മാറ്റത്തിന്റെ ഭാഗമായിട്ടാണിത്.
ഗരുഡനില് കൂടുതല് പ്രാധാന്യം സൂരിക്കായിരിക്കുമെന്ന് ഇതിലൂടെ വ്യക്തമാണ്. താരത്തിന്റെ പ്രതിഫലം എട്ട് കോടിയാണ്. വിടുതലൈയില് ഇതിലും കുറവാണ് പ്രതിഫലമെന്നാണ് റിപ്പോര്ട്ട്. സൂരി വിടുതലൈക്കായി സിക്സ് പാക്ക് വരെ ഉണ്ടാക്കിയിരുന്നു. അടിമുടി മാറ്റം ഈ ചിത്രത്തിലും പ്രതീക്ഷിക്കാം. അതേസമയം ശശികുമാറിന് വെറും രണ്ട് കോടിയാണ് പ്രതിഫലം. ശശികുമാര് തമിഴില് മാര്ക്കറ്റുള്ള നടനാണ്.
അടുത്തിടെ വലിയൊരു ഹിറ്റും താരം സമ്മാനിച്ചിരുന്നു. എന്നിട്ടും സൂരിക്ക് ഉയര്ന്ന പ്രതിഫലം ലഭിച്ചത് വെട്രിമാരന് താരത്തിലുള്ള വിശ്വാസം കൊണ്ടാണ്. ഉണ്ണി മുകുന്ദന് സാധാരണ 75 ലക്ഷം മുതല് 2 കോടി വരെയാണ് മലയാളം സിനിമയില് പ്രതിഫലമായി വാങ്ങാറുള്ളത്. ഐഎംഡിബി ഡാറ്റയിലാണ് ഇക്കാര്യമുള്ളത്. തമിഴില് ഇതിനേക്കാള് കൂടുതല് പ്രതിഫലം ലഭിക്കാനും സാധ്യതയില്ല. അതുകൊണ്ട് സൂരി തന്നെയായിരിക്കും ഉണ്ണിയേക്കാള് കൂടുതല് പ്രതിഫലം വാങ്ങുന്നത്.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google