ഒരുമിച്ച് അപ്പീല്‍ ചെയ്യാം.......... ശക്തമായിത്തന്നെ...2

ശിക്ഷാവിധി ഔദ്യോഗികമായി പ്രഖ്യാപിക്കാന്‍ വിളിച്ചു ചേര്‍ത്ത പത്ര സമ്മേളനത്തില്‍ ഇന്ത്യന്‍ ജേണലിസ്റുകളുയര്‍ത്തിയ ഒരു ചോദ്യത്തിനും വ്യക്തമായ മറുപടി നല്‍കാന്‍ മൈക്ക് ഡെന്നെസ്സിനോ യുണൈറ്റഡ് ക്രിക്കറ്റ് ബോര്‍ഡ് ചീഫ് എക്സിക്യൂട്ടീവ് ഗയിലര്‍ മജോളയ്ക്കോ കഴിഞ്ഞില്ല. ചോദ്യശരങ്ങളേറ്റ് പുളഞ്ഞ മൈക്ക് ഡെന്നെസ്സിന് ആകെ പറയാനുണ്ടായിരുന്നത് തന്റെ തീരുമാനം അന്തിമമാമെന്നും ഐ സി സിയ്ക്കു പോലും ഒന്നും ചെയ്യാനാവില്ലെന്നുമാണ്. ഐ സി സിയാകട്ടെ വഴുവഴുപ്പന്‍ നയം പുലര്‍ത്തുകയും ചെയ്യുന്നു.

കളിക്കളത്തിലെ ഈ വിവേചനത്തിനു നേരെ രാജ്യമെങ്ങുമുള്ള കായികസ്നേഹികള്‍ പ്രതിഷേധ സ്വരമുയര്‍ത്തിക്കഴിഞ്ഞു. രാജ്യമൊന്നടങ്കം കളിക്കാര്‍ക്കു പിന്നിലുണ്ട്. മയക്കം വിട്ടുണര്‍ന്ന് പ്രതികരിച്ച ക്രിക്കറ്റ് കണ്‍ട്രോള്‍ ബോര്‍ഡും പതിവില്ലാത്തവിധം ഇഛാശക്തി പ്രകടമാക്കി. ഇനിയങ്ങനെ വിട്ടുകൊടുക്കേണ്ടെന്നു തന്നെയാണ് എല്ലാവരുടെയും തീരുമാനം. ഇന്ത്യയോട് തുടര്‍ന്നു വരുന്ന ഈ അനീതിയ്ക്കെതിരെ ശക്തമായിത്തന്നെ അപ്പീലുയര്‍ത്തണം. രാജ്യവും സര്‍ക്കാരും ബോര്‍ഡും മാധ്യമങ്ങളും ഈ യുദ്ധത്തില്‍ കളിക്കാര്‍ക്കൊപ്പമുണ്ട് . അവര്‍ ജയിച്ചു വരുകതന്നെ ചെയ്യും.

2