ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
  • search

ഇത് ആത്മാര്‍ത്ഥതയോ അതോ ഇരട്ട മുഖമോ?...2

  • By Staff
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    ഇത് ആത്മാര്‍ത്ഥതയോ അതോ ഇരട്ട മുഖമോ?...2

    കേരളത്തിലെ തൊഴിലില്ലാപ്പടയ്ക്ക് ഓരോ പിഎസ്സി പരീക്ഷയും പ്രതീക്ഷയുടെ ഉല്‍സവങ്ങളാണ്. നിരന്തരമായ തയ്യാറെടുപ്പോടെ ഓരോ പരീക്ഷയെയും സമീപിക്കുന്ന ലക്ഷക്കണക്കിന് തൊഴിലന്വേഷകര്‍ കേരളത്തിലുണ്ട്. ട്യൂട്ടോറിയല്‍ കോളെജുകളിലെ അദ്ധ്യാപകരുടെ ഒറ്റപ്രതീക്ഷയാണ് ഈ പരീക്ഷകള്‍. തൊഴില്‍ വീഥിയിലും തൊഴില്‍ വാര്‍ത്തയിലും പിഎസ്സി വിജ്ഞാപനം വരുന്നതു മുതല്‍ തുടങ്ങുന്നു അവരുടെ തയ്യാറെടുപ്പുകള്‍.

    ഒന്നിച്ച് അപേക്ഷകളയയ്ക്കല്‍. അതിനു ശേഷമുളള കമ്പയിന്‍സ്റഡി. കണക്കും ഇംഗ്ലീഷും അറിയാവുന്നവര്‍ കേമന്മാരാകുന്ന ചെറിയ പഠനസംഘങ്ങള്‍. പത്രങ്ങള്‍ പരതിയും പുസ്തകങ്ങള്‍ തപ്പിയും അറിയാവുന്നവരോട് അന്വേഷിച്ചുമൊക്കെ ശേഖരിക്കുന്ന പൊതുവിജ്ഞാനത്തിന്റെ തുണ്ടുകളുമായി പരീക്ഷാ ദിവസമെത്താന്‍ കാത്തിരിക്കുന്നവര്‍ എത്രയാണെന്ന് ആന്റണിയ്ക്ക് നന്നായി അറിയില്ലേ?

    റാങ്ക് ലിസ്റില്‍ പേരു വരുന്നവര്‍ക്ക് നാട്ടില്‍ ഐഎഎസിന് തിരഞ്ഞെടുക്കപ്പെട്ടവരുടെ വിലയാണ് കിട്ടുന്നത്. ഒഴിവുകളുടെ എണ്ണം തിരയലാണ് പിന്നെ ജോലി. സംവരണത്തിന്റെ ശതമാനമന്വേഷിച്ച് തന്റെ ഊഴമെത്തുന്ന ദിനവും കാത്തിരിക്കുന്നവര്‍. ഒടുവിലൊരുനാള്‍ അഡ്വൈസ് മെമ്മൊയുമായി പോസ്റ്മാന്‍ എത്തുന്ന ദിനം. നാട്ടിലും വീട്ടിലും പിന്നെ ഉല്‍സവമാണ്.

    ലോട്ടറിയടിക്കുന്നവനേക്കാള്‍ ഭാഗ്യം വേണം സര്‍ക്കാര്‍ ജോലി കിട്ടാനെന്നു കരുതുന്ന സമൂഹത്തില്‍ ജോലി കിട്ടിയെന്നുറപ്പിച്ചു നടന്ന ആയിരക്കണക്കിന് ചെറുപ്പക്കാരുടെ ജീവിത സ്വപ്നമാണ് ആന്റണി ചവിട്ടിയരച്ചത്. വകുപ്പുകളില്‍ വരുന്ന ഒഴിവുകള്‍ യഥാസമയം തങ്ങളെ അറിയിക്കാറില്ലെന്ന പിഎസ്സിയുടെ വെളിപ്പെടുത്തലും ഇതോടൊപ്പം ചേര്‍ത്തു വായിക്കണം. ചുരുക്കത്തില്‍ സംസ്ഥാനത്ത് ഇപ്പോള്‍ നിലനില്‍ക്കുന്നത് അപ്രഖ്യാപിത നിയമന നിരോധനമാണ്.

    ഒരു വശത്ത് തൊഴിലില്ലാത്തവര്‍ക്കു വേണ്ടി പരസ്യമായി കരയുക. മറുവശത്ത് ടെസ്റ് എഴുതി വിജയിച്ച് നിയമന ഉത്തരവ് കിട്ടിയവരോടു പോലും ജോലിയില്ല, പോയി വേറെ പണി നോക്ക് എന്നു പറയുക. ഈ രണ്ടു വേഷവും ഒരു മനസാക്ഷിക്കുത്തുമില്ലാതെ ആന്റണി ആടുന്നത് എന്ത് വിരോധാഭാസമാണ്. കരുണാകരന്‍ പോലും ഇത്ര വരികയില്ല.

    2


    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more