മുരളിയ്ക്കെന്തേ ഈ ഹാലിളക്കം

മുന്‍ യുഡിഎഫ് ഭരണകാലത്തേതില്‍ നിന്നും വ്യത്യസ്തമായി മന്ത്രിയും പ്രതിപക്ഷ യൂണിയനുകളും തമ്മില്‍ ഇപ്പോള്‍ കാര്യമായ അഭിപ്രായ വ്യത്യാസങ്ങളൊന്നുമില്ല. എല്ലാവരെയും യോജിപ്പിച്ചു കൊണ്ട് പോകാന്‍ താരമന്ത്രി ആവുന്നത്ര ശ്രമിക്കുന്നുമുണ്ട്.കെഎസ്ആര്‍ടിസിയെ ലാഭത്തിലാക്കാന്‍ കൊണ്ടു പിടിച്ച ശ്രമം നടക്കുന്നതിനിടയിലാണ് മുരളീധരന്‍ ഗതാഗത മന്ത്രിയ്ക്ക് താക്കീത് നല്‍കിയിരിക്കുന്നത്.

സമവായവും ചര്‍ച്ചയുമാണ് ഗണേശ് കുമാറിന്റെ തുറുപ്പു ചീട്ട്. ആവേശത്തളളിച്ച കൊണ്ട് ആരെയും വെറുപ്പിക്കാതിരിക്കാന്‍ അദ്ദേഹം ആവുന്നത്ര ശ്രമിക്കുന്നുമുണ്ട്. വളരെ പതിയെ കേരള രാഷ്ട്രീയത്തില്‍ തന്റേതായ ഇടം നേടുകയെന്നതാണ് ഗണേശ് കുമാറിന്റെ ഉന്നം.

ഒരു സുപ്രഭാതത്തില്‍ കെ. മുരളീധരന്‍ ഗതാഗത വകുപ്പിനെതിരെ ചാടിക്കടിക്കാന്‍ വന്നതിന്റെ കാരണമെന്താവാം? തന്റെ എതിരാളിയായി ഗണേഷിനെയാണോ മുരളി കാണുന്നുണ്ടോ? കരുണാകരന് വിരോധമില്ലാത്തതുകൊണ്ട് ഗണേശ് കോണ്‍ഗ്രസിലേയ്ക്ക് വരുമെന്ന് മുരളി ഭയക്കുന്നുണ്ടോ? ഭാവിയില്‍ ഒരു പത്മജ-ഗണേശ് അച്ചുതണ്ട് രൂപം കൊളളുമെന്ന് മുരളി കരുതുന്നുണ്ടോ?

കേരളാ കോണ്‍ഗ്രസ് (ബി) യുഡിഎഫ് യോഗത്തില്‍ പങ്കെടുത്തില്ലെങ്കില്‍ അക്കാര്യം പറയേണ്ടത് യുഡിഎഫ് നേതാക്കളാണ്. മുന്നണി തീരൂമാനം നടപ്പാക്കുന്നില്ലെങ്കില്‍ വിശദീകരണം ചോദിക്കേണ്ട ബാദ്ധ്യത യുഡിഎഫ് കണ്‍വീനര്‍ക്കാണ്്. ഇവരാരും മിണ്ടാതിരിക്കെയാണ് മുരളി വളളിച്ചൂരലുമായി ഇറങ്ങിയത്.

1