സോണിയയുടെ തനിനിറം...3

പിറ്റേന്ന് സോണിയ ടിവിയില്‍ പ്രത്യക്ഷപ്പെടുകയായിരുന്നു. ഭൂരിപക്ഷത്തിന് വേണ്ട 272 എംപിമാരുടെ പിന്തുണയുളള താന്‍ പ്രധാനമന്ത്രിയാകാന്‍ തയ്യാറാണെന്ന് സോണിയ പ്രഖ്യാപിക്കുകയും ചെയ്തു. പക്ഷെ സോണിയയെ പിന്തുണക്കാന്‍ ജയലളിത കൂട്ടാക്കിയില്ല. അങ്ങിനെ സോണിയയുടെ മോഹം പൊലിഞ്ഞു. (അന്ന് ആ ചതി ചെയ്തതുകൊണ്ട് ജയലളിതയെ സോണിയയ്ക്ക് ഇപ്പോഴും പേടിയാണ്. ദില്ലിയില്‍ സോണിയയെ സന്ദര്‍ശിക്കാന്‍ വരുന്ന ജയലളിതയെ വീട്ടില്‍ നിന്നിറങ്ങിച്ചെന്ന് സ്വീകരിക്കാന്‍ സോണിയ തയ്യാറാകുന്നത് അതുകൊണ്ടാണത്രെ.)

2001ല്‍ വീണ്ടും കമല്‍നാഥിനെ കൂട്ടുപിടിച്ച് ബിജെപി സര്‍ക്കാരിനെ അട്ടിമറിക്കാന്‍ സോണിയ ശ്രമിച്ചിരുന്നു. അത് ബിജെപി മുളയിലേ നുള്ളിക്കളഞ്ഞു.

സോണിയ കൗശലക്കാരിയാണെന്ന് ബിജെപിയ്ക്കറിയാം. തങ്ങളെ അരച്ചുകുടിക്കാന്‍ ദാഹമുള്ളവളാണെന്നും വാജ്പേയിക്കറിയാം. അതുകൊണ്ട് പി.സി. അലക്സാണ്ടര്‍ ഒഴിച്ച് മറ്റാരായാലും കോണ്‍ഗ്രസ് പിന്തുണയ്ക്കാം എന്ന സോണിയയുടെ അപേക്ഷ വാജ്പേയി തള്ളിക്കളഞ്ഞെന്നാണ് സംസാരം. പകരം ബിജെപി സ്ഥാനാര്‍ത്ഥി പി.സി. അലക്സാണ്ടര്‍ തന്നെയാണെന്ന് വാജ്പേയി ഉറപ്പിച്ചുപറയുകയും ചെയ്തത്രേ. ഇനി എന്തു കരുക്കളാണ് സോണിയ നീക്കാന്‍ പോകുന്നതെന്ന് കണ്ടറിയണം?

3