കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഹസനൊരുത്തനില്ലായിരുന്നെങ്കില്‍.......2

  • By Staff
Google Oneindia Malayalam News

സ്വാഭാവികമായും പ്രതിപക്ഷം ബഹളം തുടങ്ങി. കോഴിക്കേസും സുപ്പി പ്രശ്നവും പോലെ സര്‍ക്കാര്‍ ഉരുണ്ടുകളിയും തുടങ്ങി. അന്വേഷണം നടത്താന്‍ ചീഫ് സെക്രട്ടറിയെ നിയമിക്കുക. കുറ്റം ചെയ്തവരുടെ സദുദ്ദേശം മുന്‍നിര്‍ത്തി അവരെ ശിക്ഷിക്കില്ലെന്ന് പരസ്യമായി പറയുക. ഇതൊക്കെയാണ് സര്‍ക്കാര്‍ പരിപാടികള്‍.

അപ്പോഴാണ് ജനാബ് ഹസന്‍ സാഹിബ് യമകണ്ടന്‍ ആരോപണവുമായി വരുന്നത്. കുട്ടപ്പന്റെ ജാതി പട്ടികയാണത്രേ. അതുകൊണ്ടാണു പോലും പ്രതിപക്ഷം കുട്ടപ്പന്റെ ചോരയ്ക്കായി ദാഹിയ്ക്കുന്നത്. വെളളാപ്പളളി നടേശനും അദ്ദേഹത്തിന്റെ മെഗാഫോണായ പത്രവും ഈ ആരോപണം ഏറ്റു പിടിച്ചിട്ടുണ്ട്. (പട്ടികജാതിക്കാരുടെ ഫണ്ടില്‍ പട്ടികജാതിക്കാരല്ലാത്തവര്‍ക്ക് എന്തിത്ര ചൊറിച്ചില്‍ എന്നാണ് പത്രം ചോദിക്കുന്നത്. ഞങ്ങടെ പൊലീസ് ഞങ്ങളെ തല്ലിയാല്‍ നിങ്ങക്കെന്താ കോങ്ക്രസേ എന്ന പഴയ മാര്‍ക്സിസ്റ് മുദ്രാവാക്യം മാത്രമാണ് ഈ ചോദ്യത്തിന് ബദലായി ഭൂമിമലയാളത്തിലുളളത്).

ഏതായാലും ഹസനവര്‍കളുടെ മാര്‍ഗം ഇനി എല്ലാര്‍ക്കും പരീക്ഷിക്കാവുന്നതേയുളളൂ. ആന്റണിയ്ക്കെതിരെ അച്യുതാനന്ദനോ തിരിച്ചോ ആരോപണം ഉന്നയിക്കുമ്പോള്‍, അത് ഈഴവനും അച്ചായനും തമ്മിലുളള പാരവെപ്പായി ചിത്രീകരിച്ചാല്‍ സംഭവം ജോറാകും. ഫണ്ട് തിരിമറി ചെയ്തത് അത്ര നന്നായില്ലെന്ന് സ്പീക്കറും പറഞ്ഞിരുന്നു. കുട്ടപ്പനും സ്പീക്കറും തമ്മില്‍ പഴയൊരു ലിഫ്റ്റ് പ്രശ്നവുമുണ്ട്. ഹസന്റെ അമ്പ് ആര്‍ക്കൊക്കെയാണ് കൊളളുന്നത്? അല്ലേലും ഈ പുളളിയൊരു വില്ലാളി വീരന്‍ തന്നേയ്...........

2

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X