• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എന്‍ഡിഎ നേടുമെന്ന് എക്സിറ്റ് പോള്‍

  • By Staff

ദില്ലി: ആദ്യഘട്ടവോട്ടെടുപ്പിന്റെ അടിസ്ഥാനത്തില്‍ നടത്തിയ എക്സിറ്റ്പോള്‍ സൂചിപ്പിയ്ക്കുന്നത് ഇക്കുറി ബിജെപി നേതൃത്വത്തിലുള്ള എന്‍ഡിഎ അധികാരത്തിലെത്തുമെന്നാണ്. പ്രണോയ് റോയിയുടെ നേതൃത്വത്തിലുള്ള എന്‍ഡിടിവിയും ഇന്ത്യന്‍ എക്സ് പ്രസും ചേര്‍ന്ന് നടത്തിയ എക്സിറ്റ് പോളില്‍ 260 മുതല്‍ 280 സീറ്റുകള്‍ വരെ എന്‍ഡിഎ നേടുമെന്ന് പ്രവചിയ്ക്കുന്നു. അതേ സമയം കോണ്‍ഗ്രസ് മുന്നണിയ്ക്ക് 160 മുതല്‍ 180 വരെ സീറ്റുകളേ കിട്ടൂ.

മുന്‍പ് രണ്ടു തവണ നടത്തിയ അഭിപ്രായവോട്ടെടുപ്പുകളും കഴിഞ്ഞ ദിവസം 13 സംസ്ഥാനങ്ങളിലായി 140 ലോക്സഭാ സീറ്റുകളിലേക്ക് നടന്ന ആദ്യഘട്ട വോട്ടെടുപ്പിന്റെ എക്സിറ്റ് പോള്‍ ഫലവും സംയോജിപ്പിച്ച് നടത്തിയ പഠനത്തിലാണ് എന്‍ഡിഎയുടെ വിജയം പ്രവചിയ്ക്കുന്നത്.

ഒന്നാംഘട്ട വോട്ടെടുപ്പുകള്‍ നല്കുന്ന സൂചന മഹാരാഷ്ട്രയും കര്‍ണ്ണാടകവും ബിജെപി നേതൃത്വത്തിലുള്ള എന്‍ഡിഎയ്ക്ക് അനുകൂലമാവുമെന്നാണ്. അതേ സമയം ബീഹാറില്‍ ലാലുപ്രസാദ് യാദവും രാംവിലാസ് പസ്വാനും ചേര്‍ന്നുള്ള മുന്നണി ഭൂരിഭാഗം സീറ്റുകളും കയ്യടക്കും. ആന്ധ്രയില്‍ കോണ്‍ഗ്രസ്-തെലുങ്കാന സഖ്യം ചന്ദ്രബാബു നായിഡുവിനെ തോല്പിച്ച് ഭൂരിഭാഗം സീറ്റു നേടുമെന്നും എക്സിറ്റ് പോള്‍ പറയുന്നു.

മഹാരാഷ്ട്രയില്‍ ആദ്യഘട്ട വോട്ടെടുപ്പ് നടന്ന 24 സീറ്റുകളില്‍ 15 ഉം ബിജെപി-സേന സഖ്യം കയ്യടക്കും. കോണ്‍ഗ്രസ്-എന്‍സിപി സഖ്യം വെറും എട്ട് സീറ്റുകള്‍ മാത്രമേ നേടൂ. ആന്ധ്രയില്‍ ആദ്യഘട്ട വോട്ടെടുപ്പ് നടന്ന 21 സീറ്റുകളില്‍ 17ഉം കോണ്‍ഗ്രസ്-തെലുങ്കാന സഖ്യം നേടുമെന്നും എക്സിറ്റ് പോള്‍ ഫലം സൂചിപ്പിയ്ക്കുന്നു.

ബിഹാറില്‍ ആര്‍ജെഡി- രാം വിലാസ് പസ്വാന്‍ സഖ്യം ആദ്യഘട്ട വോട്ടെടുപ്പ് നടന്ന 11ല്‍ ഏഴ് സീറ്റുകളും നേടും. കര്‍ണ്ണാടകയില്‍ 15 സീറ്റുകളില്‍ 11 ഉം എന്‍ഡിഎ സഖ്യം നേടും. ഇവിടെ കോണ്‍ഗ്രസിന് കനത്ത തിരിച്ചടി ലഭിയ്ക്കുമെന്നും പറയുന്നു.

ഛത്തീസ്ഗഡില്‍ ബിജെപി തൂത്തുവാരും. ഒറീസ്സയില്‍ ബിജെപി-ബിജെഡി സഖ്യം അവരുടെ മേധാവിത്വം നിലനിര്‍ത്തും. പക്ഷെ നരേന്ദ്രമോഡിയുടെ ഗുജറാത്തില്‍ കോണ്‍ഗ്രസ് നില മെച്ചപ്പെടുത്തുമെന്നാണ് സൂചന.

എസി നീല്‍സന്റെ സഹായത്തോടെയാണ് എന്‍ഡിടിവിയും ഇന്ത്യന്‍ എക്സ്പ്രസും എക്സിറ്റ് പോള്‍ നടത്തിയത്. ആദ്യഘട്ട വോട്ടെടുപ്പ് നടന്ന 140ല്‍ 57 മണ്ഡലങ്ങളിലെ 23,096 പേരില്‍ നിന്നുള്ള അഭിപ്രായത്തിന്റെ അടിസ്ഥാനത്തിലാണ് എക്സിറ്റ് പോള്‍ നടത്തിയത്.

മറ്റ് ടിവി ചാനലുകള്‍ നടത്തിയ എക്സിറ്റ് പോള്‍ ഫലങ്ങള്‍ ചുവടെ(ആദ്യഘട്ടവോട്ടെടുപ്പ് നടന്ന 140 മണ്ഡലങ്ങളാണ് ഇതില്‍ ഉള്‍പ്പെടുത്തിയിട്ടുള്ളത്):

ആജ് തക്:

എന്‍ഡിഎ: 93

കോണ്‍ഗ്രസ്സഖ്യം: 44

മറ്റുള്ളവര്‍: 3

സീ-തലീം:

എന്‍ഡിഎ: 63-78

കോണ്‍ഗ്രസ് സഖ്യം: 37-50

മറ്റുള്ളവര്‍: 16

സ്റാര്‍ ന്യൂസ്:

എന്‍ഡിഎ: 80

കോണ്‍ഗ്രസ് സഖ്യം: 53

മറ്റുള്ളവര്‍: 7

സഹാറ-ഡിആര്‍എസ്:

എന്‍ഡിഎ: 82

കോണ്‍ഗ്രസ് സഖ്യം: 55

മറ്റുള്ളവര്‍: 3

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more