ആരോടും മമത പതിവില്ല... കോട്ടയത്തിന് ഇത്തവണ ആരോട് മമത?
കോട്ടയം: ജില്ലയുടെ ആസ്ഥാനമായ കോട്ടയം നിയോജകമണ്ഡലം ആരോടും പ്രത്യേകിച്ച് മമത കാട്ടാത്ത മണ്ഡലമാണ്. കൂടുതല് മന്ത്രിമാരെ സംഭാവന ചെയ്ത മണ്ഡലമെന്ന വിശേഷണവും കോട്ടയത്തിനിണങ്ങും. ഇപ്പോള് മന്ത്രി സ്ഥാനത്തുള്ള തിരുവഞ്ചൂര് രാധാകൃഷ്ണനടക്കം നാലു മന്ത്രിമാരെ മധ്യതിരുവിതാംകൂറിലെ ഈ മണ്ഡലം സംഭാവന ചെയ്തിട്ടുണ്ട്.
അഡ്വ എംപി ഗോവിന്ദന് നായര്, എന് ശ്രീനിവാസന്, ടികെ രാമകൃഷ്ണന് എന്നിവരാണ് മണ്ഡലത്തെ പ്രതിനിധീകരിച്ച മറ്റ് മന്ത്രിമാര്. ഇപ്പോള് എല്എഡിഎഫ് മുന്നണിയില് ഘടക കക്ഷികളായി തോള് ചേര്ന്നു നില്ക്കുന്ന സിപിഐയും സിപിഎമ്മും പരസ്പരം ഏറ്റുമുട്ടിയ ചരിത്രവും മണ്ഡലത്തിനുണ്ട്.
അടിയന്തരാവസ്ഥയ്ക്ക് ശേഷം 1977-ല് നടന്ന തിരഞ്ഞെടുപ്പിലായിരുന്നു ആ മത്സരം. സിപിഎമ്മിലെ സിറ്റിങ് എംഎല്എ ആയിരുന്ന എം തോമസിനെ 3576 വോട്ടുകള്ക്ക് മലര്ത്തിയടിച്ചു കൊണ്ട് വിജയക്കൊടി പാറിച്ചത് സിപിഐയിലെ പിപി ജോര്ജ് ആയിരുന്നു. യുഡിഎഫ് പിന്തുണയോടെയാണ് ജോര്ജ് ജയിച്ചത്.
1957-ല് കോണ്ഗ്രസിലെ ഗോവിന്ദന് നായരെ 2271 വോട്ടിന് തോല്പിച്ച സിപിഐയിലെ പി ഭാസ്കരന് നായരാണ് കോട്ടയത്തെ ആദ്യ എംഎല്എ. ഏറ്റവും കൂടുതല് കാലം കോട്ടയം മണ്ഡലത്തെ പ്രതിനിധീകരിച്ചത് സിപിഎമ്മിലെ ടികെ രാമകൃഷ്ണനാണ്. 1987, 1991, 1996 വര്ഷങ്ങളിലായി മൂന്ന് തവണ തുടര്ച്ചയായി അദ്ദേഹം തിരഞ്ഞെടുക്കപ്പെട്ടു. സിപിഎം പ്രതിനിധിയായി എംകെ ജോര്ജ് 1965ലും 1966ലും രണ്ട് തവണ തിരഞ്ഞെടുക്കപ്പെട്ടതൊഴിച്ചാല് ബാക്കി എല്ലാവര്ക്കും ഒറ്റത്തവണ മാത്രമാണ് കോട്ടയംകാര് അവസരം നല്കിയത്.
കോണ്ഗ്രസിനൊപ്പം കേരള കോണ്ഗ്രസി എമ്മിനും ഏറെ വളക്കൂറുള്ള മണ്ണാണ് കോട്ടയത്തേത്. എല്ലാക്കാലവും ജില്ല യുഡിഎഫിനൊപ്പമാണ് നിന്നിട്ടുള്ളതും. രാജീവ് ഗാന്ധിയുടെ വധത്തെ തുടര്ന്നുണ്ടായ സഹതാപ തരംഗത്തില് ജില്ല, യുഡിഎഫ് തൂത്തു വാരിയെങ്കിലും കോട്ടയം മാത്രം എല്ഡിഎഫിനൊപ്പം നിന്നുവെന്നതും ചരിത്രത്തിന്റെ ഭാഗം. കോണ്ഗ്രസിന്റെ അന്നത്തെ യുവമുഖം ചെറിയാന്ഫിലിപ്പിനാണ് കാലിടിറിയത്. അന്ന് ടികെ രാമകൃഷ്ണന് വിജയിച്ചു.
ഏറെക്കാലവും ഇടതുപക്ഷത്തിനൊപ്പം നിന്ന മണ്ഡലമാണിത്. എന്നാല് ഇടതു കുത്തക അവകാശപ്പെടാനാകാത്ത വിധം യുഡിഎഫും ഇടയ്ക്കിടെ മുന്നേറ്റം നടത്തി. കോട്ടയം നഗരസഭയും പനച്ചിക്കാട്, വിജയപുരം ഗ്രാമപഞ്ചായത്തുകളും ചേര്ന്നതാണ് കോട്ടയം നിയോജകമണ്ഡലം. വിജയപുരവും കോട്ടയം നഗരസഭയും ഭരിക്കുന്നത് യുഡിഎഫാണ്. പനച്ചിക്കാട് എല്ഡിഎഫ് ഭരിക്കുന്നു.
വികസന മുന്നേറ്റം കാട്ടി വിജയം ആവര്ത്തിക്കാനാകുമെന്ന ആത്മവിശ്വാസമാണ് യുഡിഎഫിന്. കൂടുതല് കാലം ചുവപ്പണിഞ്ഞ മണ്ഡലത്തില് ഇക്കുറിയും വിജയം തന്നെയാണ് എല്ഡിഎഫ് ലക്ഷ്യം.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google