Click it and Unblock the Notifications
Just In
Don't Miss
-
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
ശോഭനയുടെ പെരുമാറ്റം; ബാലചന്ദ്രമേനോൻ ദേഷ്യപ്പെട്ട് ബിസ്കറ്റ് വലിച്ചെറിഞ്ഞു; അനുഭവങ്ങൾ പങ്കുവെച്ച് വിജി തമ്പി -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ് -
പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
കോണ്‍ഗ്രസ്സിന് നാണമില്ലേ... മാണിയെ രക്ഷിയ്ക്കാന്‍ ഒരുകോടി ചെലവിട്ടവരാണ്
ബാര്‍ ഉടമയായ ബിജു രമേശ് ബാര്‍ കോഴ ആരോപണം ഉന്നയിച്ച നാള്‍ മുതല്‍ കെഎം മാണിയെ താങ്ങി നടക്കുകയായിരുന്നു മുഖ്യമന്ത്രി ഉമ്മന്‍ ചാണ്ടിയും കോണ്‍ഗ്രസ്, യുഡിഎഫ് നേതാക്കളും. മാണിയ്‌ക്കെതിരെ തുടരന്വേഷണത്തിന് വിജിലന്‍സ് കോടതി ഉത്തരവിട്ടപ്പോള്‍ പോലും ആ പിന്തുണ നിര്‍ബാധം തുടര്‍ന്നു.
എന്നിട്ടാണ് ഇപ്പോള്‍ മാണി രാജിവയ്ക്കണം എന്ന് ആവശ്യപ്പെട്ട് മുറവിളി കൂട്ടുന്നത്. മാണിയെ രക്ഷിയ്ക്കാന്‍ വേണ്ടി സര്‍ക്കാര്‍ സംവിധാനങ്ങളും പൊതു ഖജനാവിലെ പണവും ചെലവിട്ടതിന് ശേഷമാണ് ഈ നാടകം എന്നും ഓര്‍ക്കണം. എത്ര ലക്ഷമാണ് മാണിയെ രക്ഷിയ്ക്കാന്‍ സര്‍ക്കാര്‍ ഇതുവരെ ചെലവാക്കിയത്?
കേസൊന്നും വേണ്ട
ബിജു രമേശിന്റെ ആരോപണത്തിന് മേല്‍ ഒരു അന്വേഷണത്തിന്റേയും ആവശ്യമില്ലെന്ന് പരസ്യമായി പറഞ്ഞ ആളാണ് നമ്മുടെ മുഖ്യമന്ത്രി ഉമ്മന്‍ ചാണ്ടി. ആ ഉമ്മന്‍ ചാണ്ടി തന്നെ ഇപ്പോള്‍ രാജി ആവശ്യവുമായി നില്‍ക്കുന്നു.
രാജി വേണ്ടേ വേണ്ട
കെഎം മാണിയ്‌ക്കെതിരെ തുടരന്വേഷണത്തിന് വിജിലന്‍സ് കോടതി ഉത്തരവിട്ടപ്പോഴും ഉമ്മന്‍ ചാണ്ടി കൂടെ ഉണ്ടായിരുന്നു. തുടരന്വേഷണ ഉത്തരവിന്റെ പേരില്‍ രാജി വേണ്ടെന്നായിരുന്നു നിലപാട്.
മാണിയെ രക്ഷിയ്ക്കാന്‍
കെഎം മാണിയെ രക്ഷിയ്ക്കാനുള്ള ശ്രമത്തിന് സര്‍ക്കാര്‍ സംവിധാനങ്ങള്‍ തന്നെയാണ് ഉപയോഗിച്ചത്. പ്രത്യേകിച്ച് വിജിലന്‍സ് വകുപ്പ്.
നിയമോപദേശത്തിന് എത്ര ലക്ഷം
കെഎം മാണിയ്‌ക്കെതിരെ കേസ് എടുക്കേണ്ടെന്ന് വിജിലന്‍സിന് നിയമോപദേശം ലഭിച്ചത് മുതിര്‍ന്ന സുപ്രീം കോടതി അഭിഭാഷകരില്‍ നിന്നാണ്. അതും ലക്ഷങ്ങള്‍ പ്രതിഫലം നല്‍കിക്കൊണ്ട്.
42.5 ലക്ഷം രൂപ?
നിയമോപദേശം തേടിക്കൊണ്ട് വിജിലന്‍സ് ഡയറക്ടര്‍ സമീപിച്ചത് മുതിര്‍ന്ന് സുപ്രീം കോടതി അഭിഭാഷകരായ നാഗേശ്വര റാവുവിനേയും മോഹന്‍ പരാശരനനേയും ആയിരുന്നു. രണ്ട് പേര്‍ക്കുമായി 42.5 ലക്ഷം രൂപ പ്രതിഫലം നല്‍കിയെന്നാണ് റിപ്പോര്‍ട്ട്.
കപില്‍ സിബല്‍
മുതിര്‍ന്ന കോണ്‍ഗ്രസ് നേതാവും സുപ്രീം കോടതിയിലെ വിലപിടിച്ച അഭിഭാഷകനും ആണ് കപില്‍ സിബല്‍. വിജിലന്‍സ് കോടതിയുടെ വിധിയ്‌ക്കെതിരെ ഹൈക്കോടതിയെ സമീപിയ്ക്കാന്‍ കപില്‍ സിബലിന്റെ സേവനമാണ് സര്‍ക്കാര്‍ നേടിയത്.
സിറ്റിംഗിന് ഏഴര ലക്ഷം
ഒരു സിറ്റിംഗിന് ഏഴര ലക്ഷം രൂപ പ്രതിഫലം വാങ്ങുന്ന വക്കീല്‍ ആണ് കപില്‍ സിബല്‍. കേരളത്തില്‍ വരുമ്പോള്‍ ചെലവ് അതിലൊന്നും ഒതുങ്ങില്ലല്ലോ.
ഇരുപത് ലക്ഷം
കപില്‍ സിബലിനെ കേരളത്തില്‍ കൊണ്ടുവരാന്‍ ഏതാണ്ട് 20 ലക്ഷം രൂപ ചെലവ് വന്നിട്ടുണ്ടെന്നാണ് റിപ്പോര്‍ട്ട്. ഇതും സംസ്ഥാന സര്‍ക്കാരിന്റെ ഖജനാവില്‍ നിന്ന് തന്നെയാണ് കൊടുത്തിട്ടുള്ളത്.
ഒരു കോടി?
സുപ്രീം കോടതി അഭിഭാഷകരുടെ നിയമോപദേശവും, കപില്‍ സിബലിന്റെ വാദവും പിന്നെ തുടര്‍ച്ചയായ അപ്പീലുകളും... എല്ലാം കൂടി ഒരു കോടി രൂപയോളം ഈ കേസില്‍ ഇതുവരെ ചെലവാക്കിയിട്ടുണ്ടെന്നാണ് സ്ഥിരീകരിയ്ക്കാത്ത റിപ്പോര്‍ട്ടുകള്‍.
