ഈ ശമ്പളം കൊണ്ട് ജീവിക്കാനാകുമോ? മെമ്പര്ക്ക് 7,000 രൂപ പ്രസിഡന്റിന് 13,500... ശമ്പളക്കണക്കുകൾ ഇങ്ങനെ
തിരുവനന്തപുരം: തദ്ദേശ സ്ഥാപനങ്ങളിലെ ജനപ്രതിനിധികള് എന്ന് പറഞ്ഞാല് നാടിന്റെ ഓരോ അനക്കവും അറിയുന്നവരാണ്. എന്തിനും ഏതിനും മുന്നില് നിന്ന് നയിക്കേണ്ടി വരുന്നവര്. ഊണിലും ഉറക്കത്തിലും നാട്ടുകാരുടെ ഒരു വിളിയ്ക്ക് കാതോര്ത്തിരിക്കുന്നവര്.
എന്നാല് എന്താണ് ഇവര്ക്ക് കിട്ടുന്ന പ്രതിഫലം? എന്തായാലും അതിനെ സര്ക്കാര് വിളിക്കുന്നത് ശമ്പളം എന്നല്ല, ഓണറേറിയം എന്നാണ്. വാര്ഡ് മെമ്പര് മുതല് കോര്പ്പറേഷന് ചെയര്മാന് വരെയുള്ളവരുടെ ശമ്പളങ്ങള് ഒന്ന് പരിശോധിക്കം...
ഗ്രാമപ്പഞ്ചായത്തില്
ഒരു ഗ്രാമപ്പഞ്ചായത്ത് അംഗത്തിന് പ്രതിമാസം ലഭിക്കുന്ന ഓണറേറിയും ഏഴായിരം (7,000) രൂപ മാത്രമാണ്. എന്നാല് പ്രസിഡന്റിന്റെ സ്ഥിതി അല്പം കൂടി മെച്ചമാണ്- പ്രതിമാസം 13,200 രൂപയാണ് ഓണറേറിയം. വൈസ് പ്രസിഡന്റിന് ലഭിക്കുക 10,600 രൂപയാണ്. സ്ഥിരം സമിതി അധ്യക്ഷന്മാര്ക്ക് 8,200 രൂപയും.
ബ്ലോക്ക് പഞ്ചായത്ത്
ബ്ലോക്ക് പഞ്ചായത്തുകളില് അംഗങ്ങള്ക്ക് ലഭിക്കുക പ്രതിമാസം 7,600 രൂപയാണ്. സ്ഥിരം സമിതി അംഗങ്ങള്ക്ക് 8,800 രൂപയും. വൈസ് പ്രസിഡന്റിന് 12,000 രൂപ ലഭിക്കുമ്പോള് ബ്ലോക്ക് പഞ്ചായത്ത് പ്രസിഡന്റിന് 14,600 രൂപ ഓണറേറിയം ആയി ലഭിക്കും.
ജില്ലാ പഞ്ചായത്ത്
ജില്ലാ പഞ്ചായത്തുകളില് പ്രസിഡന്റിന് ലഭിക്കുന്ന ഓണറേറിയം 15,800 രൂപയാണ്. തദ്ദേശ സ്ഥാപനങ്ങളിലെ ജനപ്രതിനിധികള്ക്ക് ലഭിക്കുന്ന ഏറ്റവും ഉയര്ന്ന തുകയും ഇത് തന്നെ. ജില്ലാ പഞ്ചായത്ത് അംഗങ്ങള് 8,800 രൂപ ലഭിക്കുമ്പോള് സ്ഥിരം സമിതി അംഗങ്ങള്ക്ക് 9,400 രൂപ ലഭിക്കും. വൈസ് പ്രസിഡന്റിന് 13,200 രൂപയാണ് ഓണറേറിയം.
മുനിസിപ്പാലിറ്റി
മുനിസിപ്പാലിറ്റികളില് വാര്ഡ് മെമ്പര്മാര് അല്ല, കൗണ്സിലര്മാര് ആണ്. ഒരു മുനിസിപ്പല് കൗണ്സിലര്ക്ക് 7,600 രൂപയാണ് ഓണറേറിയം. സ്ഥിരം സമിതി അധ്യക്ഷന്മാര് 9,400 രൂപയും വൈസ് ചെയര്മാന് 12,000 രൂപയും ലഭിക്കും. ചെയര്മാന്/ചെയര്പേഴ്സണ് ലഭിക്കുക 14,600 രൂപയാണ്.
കോര്പ്പറേഷനില് എത്തുമ്പോള്
കോര്പ്പറേഷനുകളില് എത്തുമ്പോള് പ്രസിഡന്റോ ചെയര്മാനോ അല്ല മേയര് ആണ് ഭരണ സാരഥി. ജില്ലാ പഞ്ചായത്ത് പ്രസിഡന്റിന് തുല്യമായ ഓണറേറിയം ആണ് മേയര്മാര്ക്ക് ലഭിക്കുക- 15,800 രൂപ. ഡെപ്യൂട്ടി മേയര്ക്ക് 13,200 രൂപയും സ്ഥിരം സമിതി അധ്യക്ഷന്മാര്ക്ക് 9,400 രൂപയും ഓണറേറിയം ആയി ലഭിക്കും. കോര്പ്പറേഷന് കൗണ്സിലര്മാര്ക്ക് ലഭിക്കുക 8,200 രൂപയാണ്.
പിന്നെയുള്ളത് ഹാജര് ബത്ത
ഓണറേറിയം കൂടാതെ തദ്ദേശ സ്ഥാപനങ്ങളിലെ ദനപ്രതിനിധികള്ക്ക് ലഭിക്കുക ഹാജര് ബത്തയാണ്. ത്രിതല പഞ്ചായത്തുകളിലെ പ്രസിഡന്റ്, വൈസ് പ്രസിഡന്റുമാര്ക്കും നഗരസഭ ചെയര്മാന്, വൈസ് ചെയര്മാര്മാര്ക്കും പിന്നെ കോര്പ്പറേഷന് മേയര്, ഡെപ്യൂട്ടി മേയര്, സ്ഥിരം സമിതി ചെയര്മാന്മാര്ക്കും 250 രൂപ വീതമാണ് ഒരു യോഗത്തില് പങ്കെടുത്താല് ഹാജര് ബത്ത ലഭിക്കുക. സാധാരണ കൗണ്സിലര്മാര്ക്ക് 200 രൂപയും. ആദ്യ വിഭാഗത്തില് പെടുന്നവര്ക്ക് പ്രതിമാസം ഇത്തരത്തില് ലഭിക്കുന്ന പരമാവധി തുക 1,250 രൂപയും രണ്ടാം വിഭാഗത്തില് പെടുന്നവര്ക്ക് 1,000 രൂപയും ആണെന്ന് കൂടി ഓര്ക്കണം.
ഇത് നീതിയാണോ...
തദ്ദേശ സ്ഥാപനങ്ങളിലെ ജനപ്രതിനിധികളുടെ പ്രതിഫലത്തുക സംബന്ധിച്ച് പലപ്പോഴും വലിയ ചര്ച്ചകള് ഉയര്ന്നുവന്നിട്ടുണ്ട്. പക്ഷേ, ഇക്കാര്യത്തില് നീതിയുക്തമായ ഒരു തീരുമാനം ഇതുവരെ ഉണ്ടായിട്ടില്ല എന്നതാണ് യാഥാര്ത്ഥ്യം. എഴുപതിനായിരം രൂപയാണ് കേരളത്തിൽ ഒരു എംഎൽഎയ്ക്ക് പ്രതിമാസം ലഭിക്കുന്ന പരമാവധി പ്രതിഫലം. ഇത് കൂടാതെ യാത്രബത്തയും അലവൻസുകളും ലഭിക്കും
-
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശമ്പളം 10 ശതമാനം കുറയും; സര്ക്കാര് ജീവനക്കാര്ക്ക് തിരിച്ചടി, എല്ലാവര്ക്കുമില്ല, നടപടിയുമായി തെലങ്കാന -
ശമ്പളവും പെൻഷനും മുടങ്ങുമോ? 3,700 കോടി രൂപ കൂടി കടമെടുത്ത് സർക്കാർ -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല'
Click it and Unblock the Notifications
Sign in with Google