അനുഷ്‌ക: ചോദ്യം ചോദിക്കുന്നവര്‍ക്ക് കോമണ്‍സെന്‍സ് വേണമെന്ന് കോലി!

Published: Friday, November 21, 2014, 13:01 [IST]

മുംബൈ: വിരാട് കോലിയും അനുഷ്‌ക ശര്‍മയും തമ്മിലുള്ള ബന്ധം നാട്ടില്‍ പാട്ടാണ്. എന്നാലും എപ്പോഴും ആളുകള്‍ ചോദിച്ചുകൊണ്ടേയിരിക്കും. ശരിയാണോ. വിരാട് കോലിയും അനുഷ്‌കയും തമ്മില്‍ എന്തെങ്കിലുമുണ്ടോ. ഇരുവരുടെയും വീട്ടുകാര്‍ കണ്ട് സംസാരിച്ചു എന്ന റിപ്പോര്‍ട്ടുകള്‍ക്ക് ശേഷവും ആളുകളുടെ സംശയം അടങ്ങിയിട്ടില്ല.

എന്നാല്‍ കോലി തന്നെ എല്ലാം തുറന്നു സമ്മതിക്കുന്നു. വെറുതെ സമ്മതിക്കുകയല്ല, ഇങ്ങനെ ചോദിച്ചുകൊണ്ടിരിക്കുന്നവര്‍ കുറച്ച് കോമണ്‍സെന്‍സ് കാണിക്കണമെന്നും കോലി പറയുന്നു. സ്ഥിരമായി ഇത് തന്നെ ചോദിച്ചുകൊണ്ടിരുന്നാള്‍ കേള്‍ക്കുന്നവര്‍ക്കും അത് ശരിയായി തോന്നില്ല. തങ്ങളുടെ സ്വകാര്യത മാനിക്കണമെന്നും കോലി പറഞ്ഞു. കോലിയുടെ വാക്കുകളിലേക്ക്.

എല്ലാം പരസ്യമാണ്

എല്ലാവര്‍ക്കും അറിയാവുന്ന കാര്യമാണിത്. തങ്ങള്‍ ഒന്നും ഒൡക്കുന്നില്ല - അനുഷ്‌കയുമായുള്ള ബന്ധത്തെക്കുറിച്ച് കോലി പറയുന്നു.

വെറുതെ വിവാദമാക്കരുത്

ഞങ്ങള്‍ ഒന്നും മറച്ചുവെക്കുന്നില്ല. എന്നാല്‍ ഇത് തന്നെ ചോദിച്ചുകൊണ്ടിരുന്നാല്‍ അത് ചര്‍ച്ചയാകും, വിവാദമാകും.

സാമാന്യ മര്യാദ വേണം

രണ്ടുപേരുടെ സ്വാകാര്യതയെക്കുറിച്ചാണ് സംസാരിക്കുന്നത് എന്ന സാമാന്യ മര്യാദ എല്ലാവരും കാണിക്കണം. ഇത് തന്നെ ചോദിച്ചുകൊണ്ടിരുന്നാല്‍ ആര്‍ക്കും ഇഷ്ടമാകില്ല.