Click it and Unblock the Notifications
Just In
Don't Miss
-
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഇന്ത്യന്‍ ക്രിക്കറ്റില്‍ വിവാദമായി മാറിയ ചില വിവാഹങ്ങള്‍
ക്രിക്കറ്റില്‍ വിവാദങ്ങള്‍ പുതുമയുള്ള കാര്യമല്ല. ക്രിക്കറ്റര്‍മാരുടെ ജീവിതത്തിലും സ്ഥിതി ഇത് തന്നെ. ക്രിക്കറ്റിനെ മതം പോലെയും താരങ്ങളെ ദൈവങ്ങളെ പോലെയും കരുതുന്ന നാട്ടില്‍ കളിക്കാരുടെ സ്വകാര്യതയ്ക്ക് ആരാധകര്‍ അത്രയധികം വിലയൊന്നും കൊടുക്കാറില്ല.
അതുകൊണ്ട് തന്നെ കളിക്കാരുടെ വിവാഹവും വിവാഹ മോചനവും കുഞ്ഞ് പിറക്കുന്നതുമെല്ലാം ഇവിടെ വലിയ ചര്‍ച്ചാ വിഷയങ്ങളാണ്. എം എസ് ധോണിക്ക് നാലോ അഞ്ചോ തവണയെങ്കിലും കുഞ്ഞ് പിറക്കുന്നു എന്ന് വാര്‍ത്തകള്‍ വന്നതിന് ശേഷമാണ് സാക്ഷി ധോണി ഒരു പെണ്‍കുഞ്ഞിന് ജന്മം നല്‍കിയത്. അതുപോലെ തന്നെ വിരാട് കോലിയുടെയും അനുഷ്‌ക ശര്‍മയുടെയും കാര്യം.
ഇന്ത്യന്‍ ക്രിക്കറ്റില്‍ വിവാദങ്ങളുണ്ടാക്കിയ ചില വിവാഹങ്ങള്‍ കാണൂ.
എസ് ശ്രീശാന്ത്
കോഴ വിവാദത്തില്‍ വിലക്ക് കിട്ടിയതിന് ശേഷമായിരുന്നു ശ്രീയുടെ വിവാഹം. എന്നാല്‍ ഈ വിവാഹത്തെ വാര്‍ത്തയാക്കിയത് കോഴയല്ല. ബി ജെ പി നേതാവ് നരേന്ദ്ര മോദി ശ്രീയുടെ വിവാഹത്തിനെത്തും എന്ന അഭ്യൂഹമാണ് പരന്നത്. ശ്രീ ബി ജെ പിയില്‍ ചേരാന്‍ പോകുന്നു എന്നും ഇടക്കാലത്ത് കേട്ടിരുന്നു. എന്നാല്‍ ശ്രീശാന്തിന്റെ വിവാഹക്കാര്യം അറിഞ്ഞിട്ടേയില്ല എന്നായിരുന്നു മോദിയുടെ ഓഫീസിന്റെ വിശദീകരണം
ദാദയുടെ കഥ ഇങ്ങനെ
ഇംഗ്ലണ്ടുമായുള്ള അരങ്ങേറ്റ പരമ്പരയ്ക്ക് ശേഷം നാട്ടിലെത്തിയ ഗാംഗുലി വിവാഹിതനായത് അക്കാലത്ത് വന്‍ വാര്‍ത്തയായി. ബാല്യകാല സഖിയായ ഡോണയ്‌ക്കൊപ്പം ഒളിച്ചോടി രജിസ്റ്റര്‍ വിവാഹം കഴിക്കുകയായിരുന്നു ദാദ. അടുത്തടുത്ത വീട്ടുകാരായിട്ടും ഇരുവരുടെയും മാതാപിതാക്കള്‍ കാര്യമറിയുന്നത് ഏറെ വൈകി. അപ്പോഴേക്കും കാര്യങ്ങള്‍ കൈവിട്ടുപോയിരുന്നു.
മുരളി വിജയ് സ്മാര്‍ട്ട്
ഐ പി എല്ലിന്റെ അഞ്ചാം സീസണിടെയാണ് ഇന്ത്യന്‍ ഓപ്പണര്‍ മുരളി വിജയ് സഹതാരം ദിനേശ് കാര്‍തികിന്റെ മുന്‍ ഭാര്യയുമായി അടുക്കുന്നത്. ഇവരുടെ വിവാഹവും കഴിഞ്ഞു. നികിതയുടെ മുന്‍ ഭര്‍ത്താവായ ദിനേശ് കാര്‍തിക്കാകട്ടെ പിന്നീട് മലയാളി സ്‌ക്വാഷ് താരം ദീപിക പള്ളിക്കലിനെ വിവാഹം ചെയ്തു.
ശിഖര്‍ ധവാന് പറ്റിയത്
ബെംഗാളിയാണ് ശിഖര്‍ ധവാന്റെ ഭാര്യ ആയിഷ മുഖര്‍ജി. പക്ഷേ സ്ഥിരതാമസം ഓസ്‌ട്രേലിയയില്‍. പ്രായവും ധവാനെക്കാള്‍ വളരെ കൂടുതല്‍. സ്വാഭാവികമായും യാഥാസ്ഥിതികരായ ആളുകള്‍ ഇതില്‍ വിവാദം കണ്ടെത്തി. സോഷ്യല്‍ നെറ്റ് വര്‍ക്കിംഗ് സൈറ്റായ ഫേസ്ബുക്കാണ് ധവാനെയും ആയിഷയെയും അടുപ്പിച്ചത്.
അഹ്‌സറുദ്ദീന്‍ കഥാനായകന്‍
ഭാര്യ നൗറീന് കനത്ത നഷ്ടപരിഹാരം നല്‍കി വിവാഹമോചനം നേടിയാണ് മുന്‍ ഇന്ത്യന്‍ ക്യാപ്റ്റന്‍ മുഹമ്മദ് അസ്ഹറുദ്ദീന്‍ മോഡലായ സംഗീത ബിജ്‌ലാനിയെ വിവാഹം ചെയ്തത്. 90കളില്‍ വളരെ വലിയ ചര്‍ച്ചാ വിഷയമായിരുന്നു അസ്ഹര്‍ - സംഗീത പ്രണയകഥകള്‍.
