നായരെ പറയാം, പക്ഷേ ബിഷപ്പിനോട് കളിക്കരുത്

ഈ കോണ്‍ഗ്രസ് എന്തൊരു പാര്‍ട്ടിയാണ്. ഓരോ ജാതിക്കാരോട് ഓരോ രീതിയിലാണോ പെരുമാറ്റം. പണ്ട് ജാതിക്കൊക്കെ എതിരായി നിലപാടൊക്കെ എടുത്തിട്ടുള്ള കൂട്ടരാണെന്നാണ് ചരിത്രത്തിലൊക്കെ പറയുന്നത്.

നായന്‍മാരാണെങ്കില്‍ പണ്ടുമുതലേ കോണ്‍ഗ്രസിന്റെ ഒപ്പമാണ്. പണ്ട് മന്നം ഉണ്ടായിരുന്ന കാലത്തും ഏതാണ്ട് അങ്ങനെയൊക്കെ തന്നെയായിരുന്നു. കമ്യൂണിസ്റ്റ് വിരോധം മൂത്ത് നില്‍ക്കുന്നതുകൊണ്ട് കോണ്‍ഗ്രസ്സല്ലാതെ തങ്ങള്‍ക്ക് വേറെ വഴിയില്ലെന്നായിരുന്നു കുറേ കാലം പറഞ്ഞിരുന്നത്.

പക്ഷേ നായന്‍മാരുടെ പടത്തവന്‍, നായന്‍മാരുടെ പോപ്പ് എന്നൊക്കെ അറിയപ്പെടുന്ന ശ്രീമാനെ ഒരു കോണ്‍ഗ്രസ് യുവ രക്തം കോപ്പ് എന്ന് വിളിച്ചപ്പോള്‍ കേരളത്തിലെ വെളുത്തതോ കറുത്തതോ ആയ നായര്‍ കോണ്‍ഗ്രസ്സുകാരൊന്നും അന്ന് ഒരു വാക്ക് പോലും മിണ്ടിയില്ല.

ഇപ്പോ ഇതാ അതേ യുവരക്തം ഏതോ ഒരു ബിഷപ്പിനെ നികൃഷ്ട ജീവി എന്ന് വിളിച്ചപ്പോള്‍ കോണ്‍ഗ്രസിലെ ജാതി സ്‌നേഹികളൊക്കെ കടന്നലുപോലെ ഇളകി വന്നിരിക്കുന്നു. താക്കോല്‍ സ്ഥാനം വാങ്ങിച്ചുകൊടുത്തവര്‍ക്ക് പോലും ഇപ്പോള്‍ ബിഷപ്പിനെയാണ് താത്പര്യം.

കേരളത്തില്‍ നായന്‍മാരുടെ അത്രയും ക്രിസ്ത്യാനികളുണ്ടോ. അല്ലെങ്കില്‍ നായന്‍മാരുടെ വോട്ടിനെന്താ വിലയില്ലേ....

നികൃഷ്ട ജീവി എന്നൊരു പദം കോണ്‍ഗ്രസിന്റെ നിഘണ്ടുവില്‍ ഇല്ലെന്നാണത്രെ ചില കോണ്‍ഗ്രസ് നേതാക്കള്‍ പറയുന്നത്. അപ്പോള്‍ 'കോപ്പ്' എന്ന വാക്ക് കോണ്‍ഗ്രസിന്റെ നിഘണ്ടുവില്‍ ഉണ്ടോ എന്ന് സംശയം ചോദിച്ചാല്‍ കുറ്റം പറയാന്‍ പറ്റില്ല.

English summary

Congress revoked only when bishop criticised.