സൺറൈസേഴ്സിനോട് തോറ്റ് നാണംകെട്ടത് 118 റൺസിന്... വിരാട് കോലി ഐപിഎൽ ക്യാപ്റ്റൻ സ്ഥാനം രാജിവെച്ചു!!
ബാംഗ്ലൂർ: ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോലി ഐ പി എല്ലിലെ ക്യാപ്റ്റൻ സ്ഥാനം രാജിവെച്ചു. ഐ പി എല്ലിൽ റോയൽ ചാലഞ്ചേഴ്സ് ബാംഗ്ലൂരിനെയാണ് വിരാട് കോലി വർഷങ്ങളായി നയിക്കുന്നത്. ഐ പി ൽ 2019 സീസണിലെ നിരാശജനകമായ പ്രകടനങ്ങളുടെ പശ്ചാത്തലത്തിലാണ് വിരാട് കോലിയുടെ രാജി. ഈ സീസണിൽ വിരാട് കോലിയുടെ കീഴിൽ കളിച്ച മൂന്ന് മത്സരങ്ങളിൽ മൂന്നിലും റോയല് ചാലഞ്ചേഴ്സ് ബാംഗ്ലൂർ തോറ്റിരുന്നു. ഇതിൽ ഏറ്റവും നാണക്കേടായത് കഴിഞ്ഞ കളിയിൽ സൺറൈസേഴ്സ് ഹൈദരബാദിനോട് തോറ്റതാണ്. 118 റൺസിനായിരുന്നു ഈ തോൽവി.
ഉദ്ഘാടന മത്സരത്തിൽ ചെന്നൈ സൂപ്പർ കിംഗ്സിനോടാണ് ബാംഗ്ലൂർ തോറ്റത്. ആദ്യം ബാറ്റ് ചെയ്ത ബാംഗ്ലൂർ ഐ പി എല്ലിലെ ഏറ്റവും ചെറിയ സ്കോറുകളിലൊന്നിന് ഓളൗട്ടായി. രണ്ടാമത്തെ മത്സരത്തിൽ അവസാന ഓവർ വരെ പൊരുതിയെങ്കിലും മുംബൈ ഇന്ത്യൻസിനോട് തോറ്റു. അവസാന പന്തിലെ നോ ബോൾ അനുവാദിക്കാത്തതിന് വിരാട് അംപയറെ രൂക്ഷമായി വിമർശിക്കുകയും മാച്ച് റഫറിയോട് പോലും തട്ടിക്കയറുകയും ചെയ്തതായി റിപ്പോർട്ടുകൾ ഉണ്ടായിരുന്നു.
നേരത്തെ വിരാട് കോലിയുടെ ക്യാപ്റ്റൻസിയെ വിമർശിച്ച് മുൻ ഇന്ത്യൻ താരമായ ഗൗതം ഗംഭീറും മുൻ ഓസ്ട്രേലിയൻ താരമായ മിച്ചൽ ജോൺസനും രംഗത്ത് വന്നിരുന്നു. ഏഴ് വർഷം ക്യാപ്റ്റനായിട്ടും ഒരു ഐ പി എൽ കിരീടം പോലും നേടാനാകാത്ത കോലി ക്യാപ്റ്റൻ സ്ഥാനത്ത് തുടരുന്നത് ഭാഗ്യം കൊണ്ടാണ് എന്നായിരുന്നു ഗംഭീറിന്റെ പരിഹാസം. രോഹിത് ശർമയും ധോണിയും കോലിയെക്കാൾ മികച്ച ക്യാപ്റ്റന്മാരാണ് എന്നും ഗംഭീർ പറഞ്ഞു. ഗംഭീറിന് ചുട്ട മറുപടി നൽകിയെങ്കിലും കളിക്കളത്തിൽ ഗംഭീറിന്റെ വാക്കുകൾ ശരിവെക്കുന്നതായി കോലിയുടെ ഈ സീസണിലെയും പ്രകടനം.
എ ബി ഡിവില്ലിയേഴ്സിനെയും ഷിരോൺ ഹെറ്റ്മെയറിനെയും പോലുള്ള വെടിക്കെട്ട് താരങ്ങള് ഉണ്ടായിട്ടും ബാംഗ്ലൂരിന് ബാറ്റിംഗിൽ തിളങ്ങാനാകുന്നില്ല. മൂന്ന് കളിയിൽ മൂന്ന് വട്ടമാണ് വിരാട് കോലി ഓപ്പണർമാരെ മാറ്റി പരീക്ഷിച്ചത്. മൂന്നും ദയനീയമായി പരാജയപ്പെടുകയും ചെയ്തു. ആര് സി ബിയുടെ ബൗളിംഗ് ആകട്ടെ ഐ പി എൽ ചരിത്രത്തിൽ തന്നെ കുപ്രസിദ്ധമായ ഒന്നാണ്. രാജസ്ഥാൻ റോയൽസിനെതിരായ അടുത്ത മത്സരത്തിന് മുമ്പായി ആര് സി ബി പുതിയ ക്യാപ്റ്റനെ പ്രഖ്യാപിക്കും.
(വിഡ്ഡിദിനമായ ഏപ്രിൽ 1 പ്രമാണിച്ചുള്ള സ്പെഷൽ സ്റ്റോറിയാണിത്. ഐ പി എല്ലിലെ വിലപിടിപ്പുള്ള താരങ്ങളിൽ ഒരാളായ വിരാട് കോലിയുടെ ക്യാപ്റ്റൻസിയെക്കുറിച്ച് യാതൊരുവിധ സംശയവും വൺഇന്ത്യയ്ക്കില്ല. വരും മത്സരങ്ങളിൽ മികച്ച രീതിയിൽ തിരിച്ചുവരാൻ ഇന്ത്യന് ക്യാപ്റ്റന് കൂടിയായ വിരാട് കോലിക്കും റോയൽ ചാലഞ്ചേഴ്സ് ബാംഗ്ലൂർ ടീമിനും സാധിക്കട്ടെ എന്ന് ആശംസിക്കുന്നു)
-
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി
Click it and Unblock the Notifications
Sign in with Google