കണ്ണൂര്‍ സഖാക്കളില്‍ ലൈംഗിക അരാജകത്വമോ?

സിപിഎമ്മിന്റെ ശക്തി കണ്ണൂര്‍ പാര്‍ട്ടിയാണെന്നാണ് പറയാറ്. അടുത്തിടെ ഒരു സിപിഎം സൈബര്‍ ഗുണ്ട ഇക്കാര്യം ആണയിട്ട് പറയുകയും ചെയ്തിരുന്നു. അപ്പോഴൊന്നും കരുതിയില്ല കണ്ണൂര്‍ പാര്‍ട്ടിയുടെ പ്രത്യേകത ഇമ്മാതിരി ലൈംഗിക അരാജകത്വമാണെന്ന്...

ആദ്യം ചീത്തപ്പേര് കേള്‍പിച്ചത് പഴയ ജില്ലാ സെക്രട്ടറി സഖാവ് പി ശശിയായിരുന്നു. സ്വന്തം പാര്‍ട്ടികാരനായ ഡിവൈഎഫ്‌ഐ നേതാവിന്റെ ഭാര്യയോടായിരുന്നു ശശി സഖാവിന്റെ പരാക്രമം. പിന്നെ കേട്ടത് പഴയ സിപിഎം കാരനും ഇപ്പോള്‍ കോണ്‍ഗ്രസ്സുകാരനും ആയ അത്ഭുതക്കുട്ടി അബ്ദുള്ളക്കുട്ടിയെ കുറിച്ചായിരുന്നു. സോളാര്‍ സുന്ദരി സരിതയെ ബലാത്സംഗം ചെയ്‌തെന്നാണ് കേസ്.

ഇപ്പോഴിതാ കണ്ണൂരിലെ പാര്‍ട്ടിയുടെ നാവായ ഒരു വിദ്വാനക്കെറിച്ചാണ് അപവാദം. ഇതെന്തുകഥയാണ്. ഒന്ന് തീരുമ്പോള്‍ ഒന്നായി പെണ്ണ് കേസിലാണല്ലോ സഖാക്കളെല്ലാം കുടുങ്ങുന്നത്.

ഇപ്പോള്‍ കുടുങ്ങിയ സഖാവിനെ പാര്‍ട്ടിക്കാര്‍ തന്നെയാണ് വളഞ്ഞിട്ട് പിടിച്ചതെന്നാണ് വിവരം. പോലീസ് സ്‌റ്റേഷന്‍ ഉപരോധിക്കാനും ജഡ്ജിമാരെ തെറിവിളിക്കാനും മുന്‍പന്തിയിലുള്ള നേതാവ് മറ്റ് 'ഏര്‍പ്പാടുകളിലും' മുമ്പന്‍ തന്നെയെന്നങ്ങ് തെളിയിച്ചതാണോ...

പാര്‍ട്ടി സെക്രട്ടറിയുടെ അടുത്ത ആളാണ് ഇപ്പോള്‍ പെണ്ണ് കേസില്‍ കുടുങ്ങിയ പ്രമാണി എന്നാണ് വിവരം. എന്തിനും ഏതിനും കേറി അഭിപ്രായം പറയാനുള്ള വൈദഗ്ധ്യമായിരുന്നു ഇദ്ദേഹത്തിന്റെ പ്രത്യേകത. മുമ്പ് ശശി സഖാവിനെ കുടുക്കി പുറത്താക്കിയതിലും ഇദ്ദഹമായിരുന്നു പ്രധാനപങ്ക് വഹിച്ചതെന്നും പറയുന്നുണ്ട്.

അങ്ങനെയെങ്കില്‍ ശശി സഖാവിന്റെ ശാപമായിരിക്കും കാര്യങ്ങള്‍ ഇത്രേടം വരെ എത്തിച്ചത്. ദ്വിഗ് വിജയ് സിങിന്റെ കാര്യത്തിലും സോളാര്‍ സരിതയുടെ കാര്യത്തിലും കോണ്‍ഗ്രസ്സുകാരുടെ മെക്കിട്ടുകേറാന്‍ ആവേശം കാണിച്ചവരൊക്കെ ഇപ്പോള്‍ മൂക്കത്ത് വിരലും വച്ചിരിക്കുകയാണത്രെ.

വിവരം പുറത്താരോടും പറയരുതെന്ന് പാര്‍ട്ടി കര്‍ശന നിര്‍ദ്ദേശം നല്‍കിയിട്ടുണ്ടത്രെ. എന്തായാലും നിര്‍ദ്ദേശം കൊടുത്തതോടെ ഇതുവരെ പുറത്ത് പറയാതിരുന്നവരൊക്ക വാര്‍ത്ത പരസ്യമാക്കിക്കൊണ്ടിരിക്കുകയാണെന്നാണ് വിവരം.

കണ്ണൂരിലെ നേതാക്കന്‍മാര്‍ക്ക് ബാധിച്ച ഈ ഞരമ്പ് രോഗം ഒരു പകര്‍ച്ച വ്യാധി ആകാതിരിക്കട്ടെ എന്ന പ്രാര്‍ത്ഥനയിലാണത്രെ സംസ്ഥാനത്തെ മറ്റ് ജില്ലകളിലെ സിപിഎം നേതാക്കള്‍.

English summary

Is there any sexual anarchy in Kannur CPM.