• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അല്ല സഖാവെ ഈ എസ് എഫ് ഐ എന്ന് പറയുമ്പോള്‍....

  • By Aswathi

എസ് എഫ് ഐ- ഇടതുപക്ഷ അനുഭാവമുള്ള ഒരു സ്വതന്ത്ര വിദ്യാര്‍ത്ഥി സംഘടന. 1970-ല്‍ തിരുവനന്തപുരത്ത് വച്ച് രൂപീകൃതമാകുമ്പോള്‍ സ്റ്റുഡന്റ് ഫെഡറേഷന്‍ ഓഫ് ഇന്ത്യ എ ന്ന വിദ്യാര്‍ത്ഥി സംഘടനയ്ക്ക് കാതലായ ഒരു ലക്ഷ്യമുണ്ടായിരുന്നു. വിദ്യാഭ്യാസത്തില്‍ സ്വാതന്ത്ര്യും സമത്വവും ഉറപ്പുവരുത്തുക. എല്ലാവര്‍ക്കും വിദ്യാഭ്യാസം. പഠിപ്പ് മുടക്കി സമരം ചെയ്തു മറ്റും എസ് എഫ് ഐ അത് നേടിയെടുക്കുകയും ചെയ്തു.

കാലങ്ങള്‍ മറിഞ്ഞുവന്നപ്പോള്‍ ആവശ്യങ്ങളും മാറി. പക്ഷെ സമരമുറയ്ക്ക് മാത്രം മാറ്റമില. എ സ് എഫ് ഐ എന്ന് കേട്ടാല്‍ പഠിപ്പ് മുടങ്ങും. പഠിപ്പു മുടക്കല്‍ സമരം കാലഹരണപ്പെട്ടെന്ന് ഇ പി ജയരാജന്‍ സഖാവ് പറഞ്ഞാലൊന്നും കേള്‍ക്കില്ലെന്ന ഭാവമാണ് സംസ്ഥാന സെക്രട്ടറിയുള്‍പ്പടെയുള്ള എസ് എഫ് ഐ നേതാക്കള്‍. പഠിപ്പ് മുടക്കല്‍ സമരമില്ലെങ്കില്‍ എസ് എസ് എഫ് ഐ യില്‍ താനില്ലെന്ന് പറഞ്ഞ ഒരു വനിതാ സഖാവിനെയും ഫേസ്ബുക്കില്‍ കണ്ടിരുന്നു.

എസ് എഫ് ഐയുടെ ജില്ലാ സമ്മേളനം ഉദ്ഘാടനം ചെയ്ത ഇ പി ജയരാജന്‍ പറഞ്ഞ വാക്കുകളെയാണ് എസ് എഫ് ഐ നേതാവ് ഫേസ്ബുക്കിലൂടെ നിഷേധിച്ചിരിക്കുന്നത്. സമരസപ്പെടാന്‍ കഴിയില്ല, എസ് എഫ് ഐയ്ക്ക് ഇനിയും പഠിപ്പ് മുടക്കിയും അല്ലാതെയും ഒരുപാട് സമരം ഏറ്റെടുക്കേണ്ടി വരുമെന്നും എസ് എഫ് ഐ നേതാക്കള്‍ പറയുന്നു.

ഇ പി ജയരാജനും എസ് എഫ് ഐ അഖിലേന്ത്യ പ്രസിഡന്റ് വി ശിവദാസനും പഠിപ്പ് മുടക്കല്‍ സമരം ഉപേക്ഷിക്കുന്നു എന്ന് പറഞ്ഞപ്പോള്‍, അല്ല സഖാവെ ഈ എസ് എഫ് ഐ എന്ന് പറയുമ്പോള്‍.....എന്ന് പറഞ്ഞ് ചിലര്‍ നിര്‍ത്തി. ബാക്കി പറഞ്ഞത് നേതാക്കളാണ്. പഠിപ്പ് മുടക്കല്‍ സമരം എസ് എഫ് ഐയ്ക്ക് പൂര്‍ണമായും ഉപേക്ഷിക്കാന്‍ കഴിയില്ലെന്ന് സംസ്ഥാന സെക്രട്ടറി ടി പി ബിനീഷ് വ്യക്തമാക്കി. അതു തന്നെ കഥ, എസ് എഫ് ഐ എന്നാല്‍ പഠിപ്പു മുടക്കല്‍ സമരം മാത്രമോ എന്ന് ചോദിച്ചാലും തെറ്റ് പറയാന്‍ പറ്റില്ല.

കാലം മാറിയതൊന്നും എസ് എഫ് ഐ അറിഞ്ഞില്ലെ എന്ന് എ ഐ എസ് എഫ് ചോദിച്ചിരുന്നു. അതും ശരിയല്ലെന്ന് പറയാതിരിക്കാന്‍ വയ്യ. വിദ്യാഭ്യാസ രംഗത്തെ സ്വകാര്യവത്കരണ നയങ്ങളെ എതിര്‍ക്കുകയും വിദ്യാഭ്യാസ കച്ചവടം അവസാനിപ്പിക്കുകയുമാണ് എസ് എഫ് ഐ യുടെ പ്രഥമ ലക്ഷ്യം. പക്ഷെ നേതാക്കളുടെ മക്കള്‍ പണം കൊടുത്ത് വിദ്യാഭ്യാസം നേടുമ്പോള്‍ ഈ ആവശ്യം അപ്രസക്തമാകുന്നു.

പക്ഷെ പഴയ തലുമുറയ്ക്ക് ഇതേ കുറിച്ച് ബോധമുണ്ട്. അതുകൊണ്ട് തന്നെ ഇ പി ജയരാജന്‍ പറഞ്ഞതില്‍ ഉറച്ചു നില്‍ക്കുന്നു. പഠിപ്പു മുടക്കലല്ല, പഠിപ്പിക്കലാണ് പുതിയ സമര രീതി. സ്വതന്ത്ര സമരകാലത്തെ വിദ്യാര്‍ത്ഥി സമരങ്ങള്‍ പഠിപ്പുമുടക്കലായിരുന്നില്ല. അവധി ദിവസങ്ങളിലാണ് സമരം ചെയ്തതെന്നും ഇ പി ജയരാജന്‍ ഓര്‍മിപ്പിച്ചു. പഠിക്കുക പോരാടുക എന്നു തന്നെയല്ലേ എസ് എഫ് ഐ യുടെ മുദ്രാവാക്യം എന്നു ചോദിച്ചാല്‍ കൂടിപ്പോകുമോ എന്തോ...

English summary
SFI could not end-strikes
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more