ബിജെപിയുടെ പുതിയ സൂപ്പര്സ്റ്റാര്; ആരാണ് രൂപ ഗാംഗുലി?
കൊല്ക്കത്ത: സെലിബ്രിറ്റികളും സിനിമാതാരങ്ങളും രാഷ്ട്രീയത്തില് ചേരുന്നത് പുതുമയുള്ള കാര്യമല്ല. ബോളിവുഡില് നിന്നും ക്രിക്കറ്റില് നിന്നും ഇഷ്ടം പോലെ താരങ്ങള് വിവിധ പാര്ട്ടികളിലെത്തിയിട്ടുണ്ട്. പലരും ജയിച്ച് ലോക്സഭയിലും നിയമസഭയിലും എത്തി. ബി ജെ പി അധ്യക്ഷന് അമിത് ഷായ്ക്കും ഈ തന്ത്രത്തില് വലിയ മതിപ്പാണ്.
കേരളത്തില് സുരേഷ് ഗോപി, ലാലു അലക്സ് തുടങ്ങിയ താരങ്ങള് ബി ജെ പി പാളയത്തിലേക്കാണ് എന്നാണ് കേള്വി. ബാബു നമ്പൂതിരിയെപ്പോലെ ചിലര് പാര്ട്ടിയില് എത്തിക്കഴിഞ്ഞു. പശ്ചിമ ബംഗാളില് ഓളമുണ്ടാക്കാന് കച്ച കെട്ടിയിറങ്ങിയിരിക്കുന്ന ബി ജെ പി ഏറ്റവും ഒടുവില് തങ്ങളുടെ പാളയത്തില് എത്തിച്ചിരിക്കുന്നത് ദേശീയ അവാര്ഡ് ജേതാവും നടിയും ഗായികയുമായ രൂപ ഗാംഗുലിയെ ആണ്.
ബംഗാളില് 'ക്ലച്ച്' പിടിക്കാനുള്ള ശ്രമങ്ങള്ക്ക് രൂപ ഗാംഗുലിയുടെ പാര്ട്ടി പ്രവേശനം ഒരു 'ബൂസ്റ്റ്' ആകും എന്നാണ് ബി ജെ പി കരുതുന്നത്. ആരാണ് രൂപ ഗാംഗുലി? വായിക്കൂ.
രൂപ 'ദ്രൗപദി' ഗാംഗുലി
മഹാഭാരതം സീരിയലില് ദ്രൗപദിയുടെ വേഷമിട്ട രൂപ എന്ന് തന്നെ വേണം രൂപ ഗാംഗുലിയെക്കുറിച്ച് ആദ്യമായി പറയാന്. 1988 മുതല് സംപ്രേക്ഷണം ആരംഭിച്ച ഈ ബി ആര് ചോപ്ര സീരിയല് കുടുംബസദസ്സുകളില് വന് ഹിറ്റായിരുന്നു.
വംഗനാടിന്റെ സൗന്ദര്യം
ഹിന്ദി, കന്നഡ ഭാഷകളില് അഭിനയിച്ചിട്ടുണ്ടെങ്കിലും ബംഗാളിയാണ് രൂപ ഗാംഗുലിയുടെ തട്ടകം. മൃണാള് സെന്നിന്റെയും ഋതുപര്ണ ഷോഷിന്റെയും ചിത്രങ്ങളുടെ ഭാഗമായിട്ടുണ്ട് 48കാരി.
ജനിച്ചത് കൊല്ക്കത്തയില് തുടക്കം കന്നഡയില്
1966 നവംബര് 25 ന് കൊല്ക്കത്തയിലാണ് രൂപ ഗാംഗുലിയുടെ ജനനം. എന്നാല് സിനിമാ അഭിനയത്തില് ഹരിശ്രീ കുറിച്ചത് പി വാസുവിന്റെ കന്നഡ ചിത്രമായ കദനയിലൂടെയാണ്.
നടിയും ഗായികയും
ബംഗാളിയിലെ നായികാ പട്ടത്തിനൊപ്പം ഗായിക എന്ന നിലയിലും പ്രശസ്ത. 2012 ല് മികച്ച ഗായികയ്ക്കുള്ള ദേശീയ അവാര്ഡ് കിട്ടിയിട്ടുണ്ട്.
ബോളിവുഡില് ബര്ഫി
2012 ല് ത്തന്നെ പുറത്തിറങ്ങിയ ബര്ഫിയാണ് രൂപ ഗാംഗുലിയുടെ അവസാനത്തെ ബോളിവുഡ് ചിത്രം. അനുരാഗ് ബസുവാണ് ഈ ചിത്രം സംവിധാനം ചെയ്തത്. ബംഗാളിയില് പിന്നീടും സജീവമാണ്.
വിവാഹം, വിവാഹ മോചനം
1992 ല് ധ്രുബോ മുഖര്ജിയുമായി വിവാഹം. 2006 ല് വിവാഹ മോചനം. താന് നടിയെന്ന നിലയില് പേരെടുക്കുന്നതില് ഭര്ത്താവ് അസ്വസ്ഥനായിരുന്നു എന്നാണ് പിന്നീട് ഒരു അഭിമുഖത്തില് രൂപ ഗാംഗുലി ഇതേക്കുറിച്ച് പറഞ്ഞത്.
സ്മൃതി ഇറാനിക്ക് പിന്നാലെ
സ്മൃതി ഇറാനിക്ക് ശേഷം ബി ജെ പിയിലെത്തുന്ന പ്രമുഖ ടി വി സീരിയല് നടിയാണ് രൂപ ഗാംഗുലി. സ്മൃതി ഇറാനി രാജ്യസഭാംഗവും കേന്ദ്രമന്ത്രിയുമായി.
-
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ -
ത്രിഗ്രഹി യോഗം വരുന്നു; ഈ രാശിക്കാർക്ക് ശത്രുക്കളുടെ മേൽ ജയം, പുതിയ കാറും വീടും..! മാർച്ച് 15 മുതൽ -
'മന്ത്രിയെ ഭാര്യ കൈയോടെ പൊക്കിയത് അറിഞ്ഞില്ലെ? സ്റ്റാഫ് മർദ്ദിച്ചു', ഗണേഷ് കുമാറിനെതിരെ കെ എസ് യു -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
പ്രണയിക്കുന്നത് തെറ്റല്ല, തുടരും; ആരും വ്യക്തിപരമായ കാര്യങ്ങളിൽ ഇടപെടേണ്ടെന്നും ഗണേഷ് കുമാർ -
കേരളത്തിൽ പാമ്പ് ശല്യം രൂക്ഷം; ജീവൻ രക്ഷിക്കാൻ ഈ മുൻകരുതലുകൾ അറിയുക -
ഇറാന്റെ ഡ്രോണുകളെയും മിസൈലുകളെയും തകർത്ത് യുഎഇ; ഞെട്ടിക്കുന്ന ദൃശ്യങ്ങൾ -
'വീട്ടിലെ കക്കൂസ് മാലിന്യം പുറത്തേക്ക് ഒഴുക്കി, പ്രതിഷേധിച്ചു', മമ്മൂട്ടിക്കെതിരെ ചാനലിൽ വിളിച്ച് ആരോപണം
Click it and Unblock the Notifications
Sign in with Google