ദുബായ് ഗ്ലോബൽ വില്ലേജ് മെയ് 31 വരെ തുറന്നിരിക്കും; പ്രവാസികൾക്കും അവധിക്കാലം ആഘോഷമാക്കാൻ അവസരം
ദുബായ്: നഗരത്തിലെ പ്രധാന വിനോദസഞ്ചാര കേന്ദ്രങ്ങളിലൊന്നായ ഗ്ലോബൽ വില്ലേജ് അതിന്റെ 30-ാമത്തെ സീസൺ മെയ് 31 വരെ നീട്ടിയിരിക്കുകയാണ്. ഇതോടെ, ദുബായിലെ താമസക്കാർക്കും സന്ദർശകർക്കും ഈ ആകർഷനീയമായി ഈ ഇടം ആസ്വദിക്കാൻ 10 ദിവസം കൂടി ലഭിക്കുമെന്നതാണ് പ്രധാന കാര്യം. ഈ സീസൺ നീട്ടിയതോടെ, ഈദ് അൽ അദ്ഹ അവധിക്കാലത്ത് മുഴുവൻ ഭക്ഷണശാലകളും വിവിധ രാജ്യങ്ങളുടെ പവലിയനുകളും മറ്റ് ആകർഷണങ്ങളും ആസ്വദിക്കാൻ സന്ദർശകർക്ക് അവസരമൊരുങ്ങും.
ഈ വർഷം ഇറാൻ യുദ്ധത്തെ തുടർന്ന് 51 ദിവസത്തോളം ഗ്ലോബൽ വില്ലേജ് അടച്ചിട്ടിരുന്നു. ഏപ്രിൽ 20-നാണ് ഇത് വീണ്ടും തുറന്നത്. വേനൽ അവധിക്കായി ഗ്ലോബൽ വില്ലേജ് അടക്കുന്നതിന് മുൻപ്, സീസൺ 30-ന്റെ അവസാന 10 ദിവസങ്ങളിൽ സന്ദർശകർക്ക് പ്രത്യേക ഓഫറുകളും കുടുംബ വിനോദപരിപാടികളും അവസാന സീസൺ ആസ്വാദനവും അനുഭവിക്കാൻ ഒരവസരം കൂടിയുണ്ട്.
പരിമിതകാലത്തേക്കുള്ള ഫാമിലി സ്പെഷ്യൽ ഓഫറിലൂടെ 30 ദിർഹത്തിന് നാല് പ്രവേശന ടിക്കറ്റുകൾ സ്വന്തമാക്കാം. യുഎഇയുടെ 'കുടുംബ വർഷം' എന്നതിന് അനുസരിച്ച്, അധിക ടിക്കറ്റുകൾ 7.5 ദിർഹം നിരക്കിൽ ലഭിക്കും, ഇത് കൂട്ടായ സന്ദർശനങ്ങൾ ലാഭകരമാക്കുന്നു. ഈ ഓഫർ ഞായർ മുതൽ വ്യാഴം വരെ സൈറ്റിലെ ടിക്കറ്റ് കൗണ്ടറുകളിൽ മാത്രം, വാരാന്ത്യങ്ങളിൽ ലഭ്യമല്ല എന്നതാണ് ശ്രദ്ധിക്കേണ്ട പ്രധാന കാര്യങ്ങളിൽ ഒന്ന്.
നിലവിലെ സാഹചര്യത്തിൽ ഈദ് അൽ അദ്ഹ ആഘോഷങ്ങൾ വേറിട്ടതാക്കാൻ ഗ്ലോബൽ വില്ലേജ് ഒരുങ്ങിക്കഴിഞ്ഞു. വിളക്കുകളുടെയും സംസ്കാരത്തിന്റെയും ആഘോഷങ്ങളുടെ മായാലോകമായി മാറുന്ന ഇവിടം, ഈദ് ഷോപ്പിംഗിനും കുടുംബത്തോടൊപ്പമുള്ള വിനോദയാത്രകൾക്കും പ്രത്യേക വിരുന്നുകൾക്കും അവസരമൊരുക്കും.
പരമ്പരാഗത അബായകൾ മുതൽ വീട്ടുപകരണങ്ങളും കൈകൊണ്ട് നിർമ്മിച്ച സമ്മാനങ്ങളും വരെ, യുഎഇ, സൗദി അറേബ്യ, കുവൈറ്റ്, ടർക്കി പവലിയനുകളിൽ ഈ ഈദ് ആഘോഷങ്ങൾക്ക് ആവശ്യമായതെല്ലാം ലഭ്യമാണ്. ഹാപ്പിനസ് സ്ട്രീറ്റിലോ കൾച്ചറൽ ഗേറ്റിന് സമീപമോ വൈവിധ്യമാർന്ന വിഭവങ്ങൾ ആസ്വദിക്കാം.
ഈദിന്റെ ആദ്യ മൂന്ന് ദിവസങ്ങളിൽ, തിരഞ്ഞെടുക്കപ്പെട്ട 100 കുട്ടികൾക്ക് പ്രത്യേക ഈദ് സമ്മാനങ്ങൾ ലഭിക്കും.
ഇത് അവരുടെ ആഘോഷങ്ങളെ കൂടുതൽ മനോഹരമാക്കും. വിനോദത്തിനായി, മെയ് 27-നും 28-നും രാത്രി 9 മണിക്ക് പ്രധാന വേദിയിൽ അബ്ദുള്ള ഇസ്മയിൽ അവതരിപ്പിക്കുന്ന അൽ മന്ദൂസ് ലൈവ് ഗെയിം ഷോ നടക്കും. ഗെയിമുകളിലൂടെയും വിനോദങ്ങളിലൂടെയും കുടുംബങ്ങളെ ഒന്നിപ്പിക്കുന്ന ഈ പരിപാടി, ഗ്ലോബൽ വില്ലേജിൽ ഈദ് അൽ അദ്ഹയുടെ ആഘോഷം കൊണ്ടാടാൻ സഹായിക്കും.
ഗ്ലോബൽ വില്ലേജിന്റെ കാർണിവലിൽ 99 ദിർഹത്തിന് 31 റൈഡുകളിലേക്ക് പരിധിയില്ലാത്ത പ്രവേശനം ആസ്വദിക്കാൻ സന്ദർശകർക്ക് അവസരമുണ്ട്. എല്ലാ പ്രായക്കാർക്കും അനുയോജ്യമായ ഈ പ്രത്യേക ഓഫർ, ഒരു ദിവസത്തേക്ക് ഇഷ്ടാനുസരണം റൈഡുകൾ ആസ്വദിക്കാനുള്ള സ്വാതന്ത്ര്യം നൽകുന്നു. സീസൺ 30 അവസാനിക്കുന്നത് വരെ ഈ ഓഫർ എല്ലാ ദിവസവും ലഭ്യമാണ്.
ഈദ് അൽ അദ്ഹ അവധി ഫലപ്രദമായി വിനിയോഗിച്ച് ഗ്ലോബൽ വില്ലേജിലെ ഭക്ഷണങ്ങൾ പരീക്ഷിക്കുക, ലൈറ്റ് ആൻഡ് സൗണ്ട് ഷോകൾ കാണുക, പ്രധാന വേദിയിലെ പ്രകടനങ്ങൾ ആസ്വദിക്കുക. സമയം തീരുന്നതിന് മുൻപേ ഈ സുവർണ്ണാവസരം പ്രയോജനപ്പെടുത്താൻ ഇന്ത്യൻ പ്രവാസികൾക്കും അവസരമുണ്ട് എന്നതാണ് പ്രത്യേകത.
Click it and Unblock the Notifications
Sign in with Google