Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില്‍ വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഐപിഎല്‍: ആ വെടിക്കെട്ട് താരം നേരത്തെ ഇറങ്ങും, മുന്നറിയിപ്പ്, 2019 52 സിക്‌സറടിച്ചെന്ന് ഓര്‍ക്കണം!!
ദുബായ്: കൊല്‍ക്കത്ത നൈറ്റ് റൈഡ് റൈഡേഴ്‌സ് ഇത്തവണ എല്ലാ ടീമുകളെയും ഞെട്ടിക്കുമെന്ന് പരിശീലകന്‍ ബ്രണ്ടന്‍ മക്കല്ലം. ടീമിന് ഫ്‌ളെക്‌സിബിലിറ്റി ഇത്തവണ നല്ല രീതിയില്‍ ഉണ്ട്. ബാറ്റിംഗ് നിരയില്‍ സര്‍പ്രൈസുകള്‍ ഉണ്ടാകും. വെടിക്കെട്ട് താരത്തെയാണ് മുന്‍നിരയില്‍ ഇറക്കാന്‍ പോകുന്നതെന്നും മക്കല്ലം പറഞ്ഞു. കൊല്‍ക്കത്തയ്ക്ക് വേണ്ടി ഐപിഎല്ലില്‍ ഏറ്റവും ഉയര്‍ന്ന സ്‌കോര്‍ നേടിയ താരമാണ് മക്കല്ലം. ന്യൂസിലന്‍ഡിനെ ലോകകപ്പ് ഫൈനലിലും എത്തിച്ചിട്ടുണ്ട്. മക്കല്ലത്തിന്റെ വാക്കുകള്‍ വെറുതെയാവില്ലെന്നാണ് കെകെആര്‍ ലൈനപ്പ് സൂചിപ്പിക്കുന്നത്.
കരിബീയന്‍ കരുത്തെത്തും
കെകെആര്‍ ലൈനപ്പില്‍ ആന്ദ്രേ റസ്സല്‍ വളരെ നിര്‍ണായകമാണ്. അദ്ദേഹത്തെ മത്സരത്തിന്റെ തന്ത്രങ്ങളുടെ ഭാഗമായി നേരത്തെ ഇറക്കാനാണ് തീരുമാനമെന്ന് മക്കല്ലം പറഞ്ഞു. ആന്ദ്ര റസ്സല്‍ കഴിഞ്ഞ ഐപിഎല്ലില്‍ 52 സിക്‌സറുകളാണ് അടിച്ചത്. അത്രയും വലിയ വെടിക്കെട്ട് താരത്തിന് മത്സരത്തില്‍ വലിയ സ്വാധീനമുണ്ടാക്കാന്‍ സാധിക്കും. അവസാന പത്തോവറില്‍ റസ്സലിന്റെ ഗെയിം സ്‌റ്റൈല്‍ ടീമിന് ഗുണം ചെയ്യും. ചില മത്സരങ്ങളില്‍ അദ്ദേഹത്തെ നേരത്തെയിറക്കുന്നത് ഗുണം ചെയ്യും. എന്നാല്‍ അത്തരമൊരു സാഹചര്യം ഉണ്ടെങ്കില്‍ മാത്രമേ അതുണ്ടാവൂ എന്നും മക്കല്ലം പറഞ്ഞു.
മധ്യനിര കരുത്തുറ്റത്
ടീമില്‍ ഒരുപാട് മികച്ച താരങ്ങളുണ്ട്. അതുകൊണ്ട് തിരഞ്ഞെടുപ്പ് വലിയ പ്രശ്‌നമല്ല. ഇംഗ്ലണ്ടിന് വേണ്ടി ലോകകപ്പ് നേടിക്കൊടുത്താണ് ഓയിന്‍ മോര്ഗന് കൊല്‍ക്കത്തയില്‍ എത്തുന്നത്. മധ്യനിര കരുത്തുറ്റതായി ഇതോടെ മാറിയെന്നും മക്കല്ലം പറഞ്ഞു. റസ്സലിനെ കരുത്ത് ഞങ്ങള്‍ക്ക് ആവശ്യമുണ്ട്. ദിനേഷ് കാര്‍ത്തിക്കില്‍ നിന്ന് കൂടുതല്‍ മികച്ച ക്യാപ്റ്റന്‍സി ആവശ്യമാണ്. മോര്ഗന് ലോകകപ്പിലെ ഏറ്റവും മികച്ച ക്യാപ്റ്റനായിരുന്നു. കാര്‍ത്തിക്കിന് കൂടുതല്‍ പിന്തുണ നല്‍കാന്‍ മോര്ഗന് സാധിക്കും. കാര്‍ത്തിക്കിനും റസ്സലിനുമൊപ്പം മോര്ഗന് കൂടി വരുന്നതോടെ മധ്യനിര അതിശക്തമാകുമെന്നും മക്കല്ലം പറഞ്ഞു.
ഓപ്പണര്‍ ഇന്ത്യന്‍ താരം
കെകെആറിന് വേണ്ടി ഐപിഎല്ലില്‍ മുഴുവനും ഇന്ത്യന്‍ താരം ശുഭ്മാന്‍ ഗില്‍ ഓപ്പണ്‍ ചെയ്യുമെന്ന് മക്കല്ലം വ്യക്തമാക്കി. യുഎഇയിലെ സാഹചര്യങ്ങളില്‍ കെട്ടുറപ്പ് നല്‍കാന്‍ ഗില്ലിനെ ഓപ്പണറാക്കുന്നതിലൂടെ സാധിക്കും. പേസ് ബൗളിംഗിനെ നന്നായി പിന്തുണയ്ക്കുന്ന പിച്ചായിരിക്കും യുഎഇയിലേത്. തുടക്കത്തില്‍ ഇത് ബാറ്റ്‌സ്മാന്മാരെ കുഴക്കുന്നതായിരിക്കും. അങ്ങനെയെങ്കില്‍ മികച്ച സാങ്കേതികത്വമുള്ള കളിക്കാരാണ് അവിടെ കളിക്കേണ്ടത്. ശുഭ്മാന്‍ ഗില്‍ അത്തരത്തിലുള്ള താരമാണെന്നും മക്കല്ലം പറഞ്ഞു.
എന്താണ് റോള്‍
ശുഭ്മാന്‍ ഗില്ലിന് ടീമില്‍ സ്വാതന്ത്ര്യമുണ്ട്. അദ്ദേഹം തന്നെയും ഒപ്പം ജൂനിയര്‍ താരങ്ങളെയും വളര്‍ത്തി കൊണ്ടുവരാന്‍ ശ്രമിക്കണം. ദിനേഷ് കാര്‍ത്തിക്ക് ഗില്ലിനെ വളരെയധികം ബഹുമാനിക്കുന്നുണ്ട്. ദിനേഷ് വളരെ പ്രതീക്ഷയോടെ കാണുന്ന താരമാണ് ശുഭ്മാന്‍. കഴിഞ്ഞ തവണത്തെ മോശം തവണ മികച്ച തുടക്കമായിരുന്നു കൊല്‍ക്കത്തയ്ക്ക് ലഭിച്ചത്. തുടക്കത്തില്‍ ആദ്യ നാല് മത്സരവും കെകെആര്‍ വിജയിച്ചിരുന്നു. എന്നാല്‍ പിന്നീട് ആറ് മത്സരങ്ങള്‍ തോറ്റ് കെകെആര്‍ സെമിയിലെത്താതെ പുറത്തായിരുന്നു.
