ഇഷാൻ കിഷന്റെ ഭാവി തുലാസിൽ..? ദ്രാവിഡിന്റെ ആ നിർദ്ദേശത്തിന് പുല്ലുവില, മടങ്ങിവരവ് എളുപ്പമാവില്ല...
ഇന്ത്യയുടെ പ്രതീക്ഷയുള്ള ഭാവി ക്രിക്കറ്റ് താരങ്ങളിൽ ഒരാളാണ് ഇഷാൻ കിഷൻ. മധ്യനിരയിൽ ഭേദപ്പെട്ട പ്രകടനം തന്നെയാണ് ഈ വിക്കറ്റ് കീപ്പർ ബാറ്റർ നടത്താറുള്ളത്. എന്നാൽ അടുത്തിടെ നടന്ന ഒന്നിലധികം പരമ്പരകളിൽ കിഷന്റെ അസാന്നിധ്യം വലിയ രീതിയിൽ ചർച്ചയായിരുന്നു. ഇതിനിടെ അഫ്ഗാൻ പരമ്പരയ്ക്കുള്ള ടീം പ്രഖ്യാപിച്ച ശേഷം കിഷൻ ആഭ്യന്തര ക്രിക്കറ്റിൽ കളിക്കണമെന്ന സൂചന രാഹുൽ ദ്രാവിഡും നൽകിയിരുന്നു.
എന്നാൽ ദ്രാവിഡിന്റെ നിർദ്ദേശത്തിന് യാതൊരു വിലയും കൽപ്പിക്കാതെ കിഷൻ കഴിഞ്ഞ ദിവസം നടന്ന രഞ്ജി മത്സരത്തിലും കളിച്ചില്ല. ജാർഖണ്ഡ് ടീം ജനുവരി 12 മുതൽ പൂനെയിൽ രഞ്ജി മത്സരം കളിക്കുന്നുണ്ട്. എന്നാൽ ഇഷാൻ ടീമിൽ ഇല്ല. കൂടാതെ അടുത്ത മത്സരങ്ങളിൽ താരം ഇറങ്ങുമോ എന്ന കാര്യത്തിലും ധാരണയില്ല.
അഫ്ഗാനിസ്ഥാനെതിരായ പരമ്പരയിൽ ഇഷാന് ഇടം കിട്ടിയിരുന്നില്ല. പകരം ജിതേഷ് ശർമ്മയെയും സഞ്ജു സാംസണെയും ടീമിൽ ഉൾപ്പെടുത്തി. ദക്ഷിണാഫ്രിക്കയ്ക്കെതിരായ ഏകദിന പരമ്പരയിൽ സെഞ്ച്വറി നേടിയാണ് സഞ്ജു സാംസൺ തന്റെ മികവ് കാട്ടിയത്. ജിതേഷ് ശർമ്മയും കിട്ടിയ അവസരങ്ങളിൽ ഭേദപ്പെട്ട പ്രകടനം പുറത്തെടുത്ത് മാനേജ്മെന്റിനെ തൃപ്തിപ്പെടുത്തി.
ഈ സാഹചര്യത്തിൽ 25കാരനായ ഇഷാൻ കിഷന്റെ ഭാവി തുലാസിലാണ്. മാനസിക ക്ഷീണം ചൂണ്ടിക്കാട്ടി കഴിഞ്ഞ മാസം തുടർച്ചയായ ക്രിക്കറ്റ് ഷെഡ്യൂളിൽ നിന്ന് താരം ഇടവേള എടുത്തിരുന്നു. ഇടവേളയ്ക്ക് ശേഷം ഇഷാൻ 'കോൻ ബനേഗാ ക്രോർപതി' എന്ന ടെലിവിഷൻ പരിപാടിയിൽ പങ്കെടുകയും, അവധിക്കാലം ആഘോഷിക്കാൻ ദുബായിലേക്ക് പോവുകയും ചെയ്തിരുന്നു.
ഈ കാലയളവിൽ ജാർഖണ്ഡ് ടീം ഒഫീഷ്യലുമായും അദ്ദേഹം ബന്ധം പുലർത്തിയിരുന്നില്ല. ഇതിന് പിന്നാലെയാണ് ഇഷാന്റെ നിലപാടിനെക്കുറിച്ച് നിരന്തരം ചോദ്യങ്ങൾ ഉയരുന്നത്. കഴിഞ്ഞ വർഷം നടന്ന വെസ്റ്റ് ഇൻഡീസ് പര്യടനം, ഏഷ്യാ കപ്പ്, ഏകദിന ലോകകപ്പ്, ഓസ്ട്രേലിയയ്ക്കെതിരായ ടി20 പരമ്പര, ദക്ഷിണാഫ്രിക്കൻ പര്യടനം എന്നിവയുടെ ഭാഗമായതിന് ശേഷമുള്ള ക്ഷീണം ചൂണ്ടിക്കാട്ടിയാണ് ഇഷാൻ ഇടവേള തിരഞ്ഞെടുത്തത്.
കിഷനെതിരെ അച്ചടക്ക നടപടി എടുത്തിട്ടില്ലെന്ന് അഫ്ഗാനിസ്ഥാനുമായുള്ള മത്സരത്തിന് മുമ്പ് ടീം ഇന്ത്യയുടെ മുഖ്യ പരിശീലകൻ രാഹുൽ ദ്രാവിഡ് വ്യക്തമാക്കിയിരുന്നു. എങ്കിലും താരം ആഭ്യന്തര ക്രിക്കറ്റിൽ ഫിറ്റ്നസ് തെളിയിക്കേണ്ടതുണ്ട് എന്നായിരുന്നു ദ്രാവിഡ് വ്യക്തമാക്കിയത്. എന്നാൽ ഈ നിർദ്ദേശവും ഇഷാൻ കിഷൻ അവഗണിച്ച സാഹചര്യത്തിൽ താരത്തിന്റെ ഭാവിയെ കുറിച്ചുള്ള ചോദ്യങ്ങളും പലയിടത്തുനിന്ന് ഉയർന്നുവരുന്നുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google