ഓസ്ട്രേലിയയില് ആഡംബര വീട്, ഐപിഎല്ലില് കിട്ടുന്നത് 8 കോടി; ശിഖര് ധവാന്റെ ആസ്തി എത്രയെന്നറിയുമോ?
മുംബൈ: ഇന്ത്യന് ക്രിക്കറ്റിലെ എക്കാലത്തെയും മികച്ച ഓപ്പണറായ ശിഖര് ധവാന് വിരമിക്കല് പ്രഖ്യാപിച്ചു. കുറച്ചുകാലമായി ധവാന് ടീമിന് പുറത്തായിരുന്നു. ഇന്ത്യന് ടീമിലേക്ക് മറ്റ് യുവതാരങ്ങള് ഓപ്പണറായി വന്നതും ധവാന്റെ ഫോമൗട്ടുമായിരുന്നു പ്രധാന കാരണം. പക്ഷേ രോഹിത് ശര്മയ്ക്കൊപ്പമുള്ള ധവാന്റെ ഓപ്പണിംഗ് ഇന്ത്യയുടെ എക്കാലത്തെയും മികച്ച ഓപ്പണിംഗുകളില് ഒന്നായിരുന്നു.
വമ്പന് ടൂര്ണമെന്റുകളില് തിളങ്ങുന്നതായിരുന്നു ധവാന്റെ ശൈലി. ഐസിസി ട്രോഫികളില് അതുകൊണ്ട് ധവാന് എപ്പോഴും താരമായിരുന്നു. ഐപിഎല്ലില് സജീവമായി തന്നെ ധവാന് കളിക്കുന്നുണ്ടായിരുന്നു. അതുകൊണ്ട് പെട്ടെന്നുള്ള ഈ വിരമിക്കല് പലരെയും ഞെട്ടിച്ചിരുന്നു.
2010ലാണ് താരം അന്താരാഷ്ട്ര ക്രിക്കറ്റില് അരങ്ങേറുന്നത്. പക്ഷേ 2013ലെ ഐസിസി ചാമ്പ്യന്സ് ട്രോഫിയാണ് ധവാനെ താരമാക്കുന്നത്. ഇന്ത്യ കിരീടം നേടുന്നതിന് പ്രധാന കാരണക്കാരന് ധവാനായിരുന്നു. 167 ഏകദിനങ്ങള്, 68 ടി20 മത്സരങ്ങള്, 34 ടെസ്റ്റ് മത്സരങ്ങള് എന്നിവയാണ് ധവാന്റെ കരിയറിലുള്ളത്.
അന്താരാഷ്ട്ര ക്രിക്കറ്റില് 24 സെഞ്ച്വറികളാണ് താരത്തിനുള്ളത്. ഇതില് 17 എണ്ണം ഏകദിനത്തിലും ഏഴെണ്ണം ടെസ്റ്റിലുമാണ്. മൊത്തം 269 അന്താരാഷ്ട്ര മത്സരങ്ങളാണ് ദവാന് കളിച്ചത്. നാല്പ്പതിന് മുകളില് ശരാശരിയും, 90ന് മുകളില് സ്ട്രൈക്ക് റേറ്റുമായി 5000 റണ്സിന് മുകളില് നേടിയ എട്ട് ഏകദിന ബാറ്റ്സ്മാന്മാരുടെ നിരയിലാണ് ധവാന്റെ സ്ഥാനം.
ക്രിക്കറ്റില് അരങ്ങേറിയ കാലം മുതല് ധവാന് വാര്ത്തകളില് നിറഞ്ഞിരിക്കാറുണ്ട്. ആഡംബര ജീവിതം, വിവാഹ മോചനം, എന്നിങ്ങനെ ധവാന്റെ വ്യക്തി ജീവിതത്തിലെ പല കാര്യങ്ങളും മാധ്യമശ്രദ്ധ നേടാറുണ്ടായിരുന്നു. അതേസമയം ധവാന് കളത്തില് ഇല്ലെങ്കിലും ആഡംബര ജീവിതമാണ് നയിക്കുന്നത്. 2022ലാണ് താരം അവസാനമായി ഏകദിന മത്സരം കളിച്ചത്.
താരത്തിന്റെ ആസ്തി 15 മില്യണ് യുഎസ് ഡോളറാണ്. ഇത് 125 കോടി രൂപ വരും. ബിസിസിഐയുടെ വാര്ഷിക കരാറില് എ ഗ്രേഡിലായിരുന്നു ധവാന്. ഇതിലൂടെ വര്ഷത്തില് അഞ്ച് കോടി രൂപ പ്രതിഫലമായും താരത്തിന് ലഭിച്ചിരുന്നു. ഇതിന് പുറമേ മാച്ച് ഫീയായിട്ടും വലിയൊരു തുക തന്നെ താരത്തിന് ലഭിക്കാറുണ്ടായിരുന്നു.
ഒരു ടെസ്റ്റ് മത്സരത്തിന് 15 ലക്ഷവും, ഏകദിനത്തിന് ആറ് ലക്ഷവും, ടി20ക്ക് മൂന്ന് ലക്ഷവുമാണ് ധവാന് മാച്ച് ഫീയായി ലഭിക്കാറുള്ളത്. 2015ല് ഓസ്ട്രേലിയയില് ഒരു വീടും ധവാന് വാങ്ങിയിരുന്നു. 7.3 ലക്ഷം ഡോളറിനാണ് ഈ വീട് വാങ്ങിയത്. ഡല്ഹിയിലും താരത്തിന് ആഡംബര വീടുണ്ട്. അഞ്ച് കോടി രൂപയ്ക്കാണ് ഈ വീട് വാങ്ങിയത്.
ആഡംബര വാച്ചുകളുടെ വലിയ ശേഖരവും ധവാനുണ്ട്. കോറം, ടാഗ് ഹിയര്, എന്നിവ ധവാന്റെ കളക്ഷനിലുണ്ട്. വജ്രം പതിപ്പിച്ച ഓഡേമാര്സ് പിക്വെറ്റ് റോയല് ഓക് ഓഫ്ഷോര് വാച്ചും ധവാനുണ്ട്. 72 ലക്ഷമാണ് ഇതിന്റെ വില.
മേഴ്സിഡസ് ജിഎല്350 സിഡിഐ, ഓഡി, ഹാര്ലി ഡേവിഡ്സണ് ഫാറ്റ് ബോയ്, സുസുക്കി ഹയാബൂസ, റോയല് എന്ഫീല്ഡ് ഹിമാലയന് കവാസാക്കി നിഞ്ച സെഡ്എക്സ് 14ആര് എന്നിവയും താരത്തിനുണ്ട്. ഐപിഎല്ലില് പഞ്ചാബ് കിംഗ്സ് 8.25 കോടിയാണ് ധവാന് പ്രതിഫലമായി നല്കുന്നത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google