ചരിത്രം വഴിമാറും ചിലർ വരുമ്പോൾ; ഐപിഎൽ ലേലം നിയന്ത്രിക്കുന്ന ആദ്യ വനിത, ആരാണ് മല്ലിക സാഗർ..?
ഐപിഎൽ താര ലേലത്തിന് ഇനി മണിക്കൂറുകൾ മാത്രമാണ് ശേഷിക്കുന്നത്. വരാനിരിക്കുന്ന സീസണിൽ ശക്തമായ സാന്നിധ്യമാവാൻ കെൽപുള്ള ഒരുപിടി താരങ്ങളാണ് ലേലത്തിൽ പങ്കെടുക്കാൻ കാത്തിരിക്കുന്നത്. ടീമുകളാവട്ടെ പണപ്പെട്ടിയുമായി താരങ്ങളെ റാഞ്ചാൻ പിന്നാലെ തന്നെയുണ്ട്. ഇന്ന് ഉച്ചയ്ക്ക് ഒരു മണി മുതൽ ദുബായിൽ വച്ചാണ് താരലേലം നടക്കുക.
ആകെ 333 താരങ്ങൾ ലേലത്തിൽ രജിസ്റ്റർ ചെയ്തിട്ടുണ്ട്. പത്ത് ഫ്രാഞ്ചൈസികളാണ് ഇവരിൽ നിന്ന് എഴുപത് പേരെ സ്വന്തമാക്കാനായി രംഗത്തുള്ളത്. കഴിഞ്ഞ ഒന്നര പതിറ്റാണ്ട് കാലത്തെ ഐപിഎൽ ചരിത്രത്തിൽ ആദ്യമായി ഇക്കുറി ഒരു വനിതയാണ് താരലേലം നിയന്ത്രിക്കാൻ എത്തുന്നത് എന്ന പ്രത്യേകത കൂടിയുണ്ട്. മല്ലിക സാഗറാണ് ഇത്തവണ ലേല നടപടികൾക്ക് നേതൃത്വം നൽകുന്നത്.
ഐപിഎല്ലിലെ നാലാമത്തെ ഓക്ഷണർ കൂടിയാവും മല്ലിക. ആദ്യ സീസണുകളിൽ റിച്ചാർഡ് മാഡ്ലിയായിരുന്നു താര ലേലം നിയന്ത്രിച്ചതും വലിയ കൈമാറ്റങ്ങൾക്ക് സാക്ഷിയായതും. 2018ൽ ഹ്യൂഗ് എഡ്മീഡ്സ് ഓക്ഷണറായി എത്തി. 2022ൽ ആദ്യ ഇന്ത്യൻ ഓക്ഷണറായത് ചാരു ശർമ്മയായിരുന്നു. ഇതിന് ശേഷമാണ് ലേലത്തിന് മല്ലിക സാഗറിന്റെ ഊഴമെത്തുന്നത്.
ആരാണ് മല്ലിക സാഗർ..?
വനിതാ പ്രീമിയർ ലീഗ് ലേലത്തിൽ ഗവേൽ മാസ്റ്ററായി സേവനമനുഷ്ഠിച്ച മല്ലിക സാഗർ ഹഗ് എഡ്മീഡ്സിന് പകരക്കാരിയാകുമെന്നാണ് ബിസിസിഎ അടുത്ത വൃത്തങ്ങൾ അറിയിച്ചിരിക്കുന്നത്. ഫിലാഡൽഫിയയിലെ ബ്രൈൻ മാവർ കോളേജിൽ നിന്ന് ആർട്ട് ഹിസ്റ്ററിയിൽ പഠനം പൂർത്തിയാക്കിയ മല്ലിക. 2001ൽ ക്രിസ്റ്റീസിൽ തന്റെ കരിയർ ആരംഭിച്ചപ്പോൾ അവിടുത്തെ ആദ്യ ഇന്ത്യൻ വനിതാ ലേലക്കാരിയായിരുന്നു.
വനിതാ പ്രീമിയർ ലീഗ് ലേലത്തിന്റെ അവസാന പതിപ്പ് ക്രിക്കറ്റിലെ തന്റെ ആദ്യത്തേതായിരുന്നുവെങ്കിലും മല്ലിക ഇതിന് മുൻപും കായിക മേഖലയിൽ ലേലം നടത്തിയിട്ടുണ്ട്. 2021ൽ പ്രോ കബഡി ലീഗിന്റെ ലേലം നടത്തി, ലീഗിലെ ആദ്യത്തെ വനിതാ ഓക്ഷണർ എന്ന നിലയിൽ ചരിത്രം കുറിച്ചിരുന്നു.
മഹാരാഷ്ട്രയിലെ ഒരു ബിസിനസ്സ് കുടുംബത്തിലാണ് മല്ലിക സാഗർ ജനിച്ചത്. ഇപ്പോൾ മോഡേൺ ആർട്ടിൽ സ്പെഷ്യലിസ്റ്റും, മുംബൈ ആസ്ഥാനമായുള്ള ഒരു സ്വകാര്യ ഉടമസ്ഥതയിലുള്ള സ്ഥാപനത്തിലെ ലേലക്കാരിയുമാണ് അവർ. ഏതാണ്ട് 23 വർഷത്തോളമായി ഈ മേഖലയിൽ മികവ് തെളിയിച്ച അവർക്ക് ഐപിഎൽ താരലേലം തന്റെ കിരീടത്തിലെ പൊൻതൂവലായിരിക്കും എന്നുറപ്പാണ്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google