കാനഡ മാത്രമാണോ കുടിയേറ്റത്തിന് മികച്ചത്: അല്ലേയല്ല, ഇതാ ഈ ഏഴ് രാജ്യങ്ങളുടെ പട്ടിക പരിശോധിക്കൂ

പ്രവാസ ജീവിതം മലയാളികളെ സംബന്ധിച്ച് അന്യമല്ലെങ്കിലും അടുത്തകാലത്തായി വർധിച്ച് വന്നിരിക്കുന്ന പ്രവണതയാണ് കുടിയേറ്റം. നേരത്തെയൊക്കെ ജോലി തേടി പോവുന്ന പ്രവാസികള്‍ സ്വന്തം നാട്ടിലേക്ക് തിരിച്ച് വരുമായിരുന്നെങ്കിലും ഇപ്പോഴത്തെ രീതി മറ്റ് രാജ്യങ്ങളിലേക്കുള്ള സ്ഥിരമായ കുടിയേറ്റഴും അവിടുത്തെ ഒരു പൌരനമായി മാറുകയും ചെയ്യുക എന്നുള്ളതാണ്.

കാനഡ പോലുള്ള രാജ്യങ്ങളിലേക്ക് തുടക്കത്തില്‍ വിദ്യാഭ്യാസത്തിന് പോവുന്ന വിദ്യാർത്ഥികള്‍ പതിയെ അവിടെ പിആർ നേടിയെടുത്ത് ശേഷം അവിടെ സ്ഥിരതാമസമാക്കുന്നു. ഈ സാഹചര്യത്തിലാണ് ഇന്ത്യന്‍ വിദ്യാർത്ഥികള്‍ കുടിയേറ്റത്തിനായി ശ്രമിക്കേണ്ട ഏതാനും രാജ്യങ്ങളെക്കുറിച്ച് ഞങ്ങള്‍ ഇവിടെ പരിചയപ്പെടുത്തുന്നത്. ആ രാജ്യങ്ങളുടെ പട്ടികയിതാ...

1. കാനഡ

ഐക്യരാഷ്ട്രസഭയുടെ അഭിപ്രായത്തിൽ, കാനഡ ഏറ്റവും ഉയർന്ന ജീവിത നിലവാരമുള്ളതും കുടിയേറ്റക്കാരെ ഏറ്റവും സ്വാഗതം ചെയ്യുന്നതുമായ രാജ്യമാണ്. ലോകമെമ്പാടുമുള്ള നിരവധി കുടിയേറ്റക്കാരെ സർക്കാർ കാനഡയിലേക്ക് സ്വാഗതം ചെയ്യുന്നു. ഇംഗ്ലീഷിൽ സംസാരിക്കുന്ന ഉയർന്ന ജീവിത നിലവാരമുള്ള, സുഖകരവും സുരക്ഷിതവുമായ ഒരു രാജ്യത്തേക്ക് മാറുന്നതിനെക്കുറിച്ച് ചിന്തിക്കുന്ന ഏതൊരാൾക്കും അനുയോജ്യമായ ഒരു ലക്ഷ്യസ്ഥാനമാണ് കാനഡ.

കൂടാതെ, ആവശ്യമായ കോഴ്‌സ് വർക്ക് പൂർത്തിയാക്കാൻ ആഗ്രഹിക്കുന്ന കുടിയേറ്റക്കാർക്ക് സ്ഥിര താമസ സർട്ടിഫിക്കറ്റ് (പിആർ) വേഗത്തിൽ ലഭിക്കും. മാത്രമല്ല, കാനഡയിൽ പഠിക്കാൻ ആഗ്രഹിക്കുന്ന അന്തർദ്ദേശീയ വിദ്യാർത്ഥികൾക്ക് രാജ്യത്തിനുള്ളിൽ ഒരു നല്ല ജോലി ലഭിക്കുന്നതിനുള്ള സമയപരിധിക്ക് പുറമെ പഠനത്തോടൊപ്പം പാർട്ട് ടൈം ജോലിയും നല്‍കുന്നു.

2. ജർമ്മനി

ബിസിനസ്, വിദ്യാഭ്യാസം, തൊഴിൽ, കുടുംബ പുനരേകീകരണം എന്നിവയിൽ അവസരങ്ങൾ തേടുന്ന ആളുകളെ ആകർഷിക്കുന്നതിനായി ജർമ്മൻ സർക്കാർ കുടിയേറ്റം പ്രോത്സാഹിപ്പിക്കുന്നു. ഈ വിസ ഉടമകൾക്ക് ഒരു റസിഡൻസ് പെർമിറ്റ് (താൽക്കാലികമോ സ്ഥിരമോ) ലഭിക്കുന്നു, ഇത് മുൻകൂട്ടി നിശ്ചയിച്ച കാലയളവിലേക്ക് ജർമ്മനിയിൽ തുടരാൻ അവരെ പ്രാപ്തരാക്കുന്നു. മികച്ച ജീവിത നിലവാരവും ജർമ്മനി വാഗ്ദാനം ചെയ്യുന്നു.

3. ന്യൂസിലാൻഡ്

പ്രകൃതിരമണീയതയുടെയും ജീവിതനിലവാരത്തിന്റെയും കാര്യത്തിൽ ഏറ്റവുമധികം ശ്രദ്ധേയമായ രാജ്യങ്ങളിലൊന്നാണിത്. ന്യൂസിലാന്റിൽ ജോലി ചെയ്യാനും പഠിക്കാനും നിരവധി അവസരങ്ങളാണ് ഇപ്പോഴുള്ളത്. ന്യൂസിലാൻഡ് യൂറോപ്പിനേക്കാൾ മികച്ച ശമ്പളവും തൊഴിൽ അവസരങ്ങളും വാഗ്ദാനം ചെയ്യുന്നു. വിദഗ്ധ തൊഴിലാളികളുടെ കുറവുള്ളതിനാൽ ലോകമെമ്പാടുമുള്ള ആളുകൾ അവിടെ ജോലി ചെയ്യാനെത്തുന്നുണ്ട്.

4.യുകെ

ലോകത്തിലെ ഏറ്റവും വലിയ തൊഴിൽ വിപണിയാണ് യുണൈറ്റഡ് കിംഗ്ഡത്തിലാണ്. ഉയർന്ന വരുമാനവും ഗവേഷണ അധിഷ്ഠിത വിദ്യാഭ്യാസ സമ്പ്രദായവും കാരണം, ഇന്ത്യന്‍ വിദ്യാർത്ഥികളുടെ പ്രധാന ലക്ഷ്യ സ്ഥാനമാണ് യുകെ. മികച്ച പരിശീലനം ലഭിച്ച വ്യക്തികളെ ആവശ്യമുള്ളതിനാൽ അവിടെ ജോലി ചെയ്യാനും പഠിക്കാനും യുകെ അന്താരാഷ്ട്ര ഉദ്യോഗാർത്ഥികളെ സ്വാഗതം ചെയ്യുന്നു.

5. യുണൈറ്റഡ് സ്റ്റേറ്റ്സ് ഓഫ് അമേരിക്ക (യുഎസ്എ)

ഉന്നത വിദ്യാഭ്യാസത്തിന്റെ കാര്യത്തിൽ, യുഎസ്എ ഒരു ആഗോള നേതാവായി ഉയർന്നുവന്നുകൊണ്ടിരിക്കുകയാണ്. ഇംഗ്ലീഷ് സംസാരിക്കുന്ന രാജ്യമായതിനാൽ തന്നെ മറ്റ് രാജ്യങ്ങളിൽ നിന്നുള്ള ആളുകൾ വലിയതോ യുഎസിൽ പഠിക്കാനും ജോലി ചെയ്യാനുമായി എത്തുന്നു. ദേശീയതലത്തിൽ ഏറ്റവും കൂടുതൽ തൊഴിലവസരങ്ങൾ സൃഷ്ടിക്കുന്ന ഒരു രാഷ്ട്രമെന്ന നിലയിൽ, ഇത് വിദ്യാർത്ഥികൾക്കും പ്രൊഫഷണലുകൾക്കും നിരവധി അവസരങ്ങള്‍ വാഗ്ദാനം ചെയ്യുന്നു.

6. ഓസ്‌ട്രേലിയ

നല്ല ജീവിതനിലവാരവും അതിശയകരമായ തൊഴിലവസരങ്ങളും അതിശയിപ്പിക്കുന്ന പ്രകൃതിദൃശ്യങ്ങളുമുള്ള ഓസ്‌ട്രേലിയ വിദേശ കുടിയേറ്റം ആഗ്രഹിക്കുന്നവർക്കുള്ള മികച്ച ലക്ഷ്യസ്ഥാനമാണ്. വിദേശത്തേക്ക് താമസം മാറ്റാനുള്ള ആഗ്രഹം പിന്തുടരുമ്പോൾ, കണക്കിലെടുക്കേണ്ട ഒരു മികച്ച ഓപ്ഷനാണ് ഓസ്‌ട്രേലിയ. വിശാലമായ പ്രകൃതിദൃശ്യങ്ങൾ, സുഖകരമായ കാലാവസ്ഥ, അതിശയകരമായ ബീച്ചുകൾ, എന്നിവയോടൊപ്പം മികച്ച ശമ്പളും ഓസ്ട്രേലിയയില്‍ ലഭിക്കും.

7.ഫ്രാന്‍സ്

ടെക് ജീവനക്കാർ, നിക്ഷേപകർ, സംരംഭകർ എന്നിവരുള്‍പ്പടേയുള്ളവർക്ക് വലിയ അവസരങ്ങളാണ് ഫ്രാന്‍സിലുള്ളത്. ജീവിത നിലവാരം ഉയർന്നതിനാല്‍ തന്നെ ജീവിത ചിലവും കൂടിയ ഒരു രാജ്യമാണ് ഫ്രാന്‍സ്. എങ്കിലും വിദ്യാഭ്യാസത്തിനായി ഫ്രാന്‍സിനെ സമീപിക്കുന്ന വിദ്യാർത്ഥികളുടെ എണ്ണം കുറവല്ല.

English summary

Canada migration: Not only is Canada great for immigration, Best Countries to Migrate from India