മുടി തഴച്ചുവളരാൻ വെറും കുളി മാത്രം പോരാ..! ചില ഔഷധങ്ങൾ കൂടി പരീക്ഷിച്ചാലോ, ഇനി പാറിപറക്കും
മുടിയുടെ ആരോഗ്യം വളരെ പ്രാധാന്യത്തോടെ എല്ലാവരും നോക്കാറുണ്ട്. കാരണം മുടി നന്നായി തഴച്ചു വളരുന്നു എന്നത് നമ്മെ ആത്മവിശ്വാസത്തോടെ മുന്നോട്ട് നീങ്ങാൻ വളരെ അധികം സഹായിക്കും. പലപ്പോഴും മുടിക്കുണ്ടാവുന്ന ഏതൊരു ബുദ്ധിമുട്ടും നമ്മളെ പല രീതിയിൽ സ്വാധീനിക്കുക എന്നത് പതിവുള്ള കാര്യമാണ്. അതിനാൽ മുടി നന്നായി പരിപാലിക്കേണ്ടത് നമ്മുടെ കടമയായി മാറുകയും ചെയ്യുന്നു.
ഇന്നത്തെ കാലത്ത് മുടിയുടെ സ്വാഭാവിക ആരോഗ്യത്തെ ബാധിക്കുന്ന ഒട്ടേറെ വിഷയങ്ങളുണ്ട്. അതിൽ പ്രധാനപ്പെട്ടതാണ് മുടി കൊഴിച്ചിൽ. താരൻ പോലെയുള്ളവ. കൂടാതെ മറ്റ് ചില ആരോഗ്യ പ്രശ്നങ്ങളും ഭക്ഷണത്തിലെ പോരായ്മകളും അവയ്ക്ക് കാരണമാവുന്നുണ്ട്. കൂടുതലും പോഷക ഘടകങ്ങളുടെ അപര്യാപ്തതയാണ് അതിലേക്ക് വഴിയൊരുക്കുന്ന പ്രധാനപ്പെട്ട പ്രശ്നങ്ങളിൽ ഒന്ന്.
എന്നാൽ ഇത് മാത്രമല്ല നമ്മുടെ മുടിയെ പ്രധാനമായും ബാധിക്കുന്ന കാര്യങ്ങളിൽ ഉൾപ്പെടുന്നത്. അല്ലാതെ നമ്മളെ ബാധിക്കുന്ന മറ്റൊരു വിഷയമാണ് ബാഹ്യമായ സമ്മർദ്ദങ്ങളും മറ്റ് മാനസിക പ്രശ്നങ്ങളും. മാനസിക പിരിമുറുക്കം കടുത്ത വിഷാദത്തിലേക്കും അത് മുടി കൊഴിച്ചിലേക്കും എത്തിക്കുമെന്ന് പല കണ്ടുപിടിത്തങ്ങളും അവകാശപ്പെടുന്നു. ഇതിനെയൊക്കെ മറികടക്കാൻ നമ്മെ സഹായിക്കുന്ന ചില ഔഷധങ്ങൾ ചുറ്റുവട്ടത്ത് തന്നെയുണ്ട്.
സിന്തറ്റിക് ഉൽപ്പന്നങ്ങളുടെയും കെമിക്കലുകളുടെയും ഈ മാറി കാലഘട്ടത്തിൽ പലരും ദീർഘകാലം നിലനിൽക്കുന്ന മുടി സംരക്ഷണത്തിനായി പ്രകൃതിയിലേക്കും നാടൻ ചികിത്സയിലേക്കും ഒക്കെ തിരിയുകയാണ്. കഠിനമായ രാസവസ്തുക്കളല്ലാതെ ശക്തമായ ഗുണങ്ങൾ വാഗ്ദാനം ചെയ്യുന്ന ഔഷധങ്ങൾ ഏതൊക്കെ എന്ന് നമുക്ക് നോക്കാം.
ഭൃംഗരാജ്: ആഴത്തിലുള്ള പോഷണ ഗുണങ്ങൾക്ക് പേരുകേട്ട ഒരു പരമ്പരാഗത ആയുർവേദ സസ്യമാണ് ഭൃംഗരാജ്. മുടി സംരക്ഷണത്തിന് 'ഔഷധസസ്യങ്ങളുടെ രാജാവ്' എന്നറിയപ്പെടുന്ന ഭൃംഗരാജ് വളരെയധികം ഗുണകരമാണ്. ഇത് നമ്മുടെ തലയോട്ടിയിലെ രക്തചംക്രമണം ഉത്തേജിപ്പിക്കുകയും, രോമകൂപങ്ങൾ സജീവമാകാനും വളരാനും പ്രോത്സാഹിപ്പിക്കുകയും ചെയ്യുന്നുവെന്നാണ് പറയപ്പെടുന്നത്.
നെല്ലിക്ക: മുടിയുടെ ഫോളിക്കിളുകളെ ശക്തിപ്പെടുത്താനും ആരോഗ്യകരമായ മുടി വളർച്ചയെ പ്രോത്സാഹിപ്പിക്കാനും സഹായിക്കുന്ന വിറ്റാമിൻ സി അടങ്ങിയ ശക്തമായ ആന്റിഓക്സിഡന്റാണ് നെല്ലിക്ക. മുടിയുടെ മോശം അവസ്ഥ മെച്ചപ്പെടുത്തുകയും തിളക്കം കൂട്ടുകയും ഒക്കെ ചെയ്യുന്ന അവശ്യ ഫാറ്റി ആസിഡുകളും നെല്ലിക്കയിൽ ധാരാളമായി അടങ്ങിയിട്ടുണ്ട്.
ഉലുവ: ഇന്ത്യൻ അടുക്കളകളിൽ ഒഴിച്ചുകൂടാനാവാത്ത സ്ഥാനമുള്ള വസ്തുവാണ് ഉലുവ. മുടി വളർച്ചയ്ക്ക് അവിശ്വസനീയമായ ഒരു പ്രതിവിധി കൂടിയാണ് ഇതെന്ന് പലർക്കും അറിയില്ല. പ്രോട്ടീനും നിക്കോട്ടിനിക് ആസിഡും കൊണ്ട് സമ്പന്നമായ ഉലുവ രോമകൂപങ്ങളെ പുനർനിർമ്മിക്കുന്നതിനും, കൊഴിച്ചിൽ കുറയ്ക്കുന്നതിനും, തലയോട്ടിയിലെ ആരോഗ്യം പുനഃസ്ഥാപിക്കുന്നതിനും ഗുണകരമാണ്.
റോസ്മേരി: അറിയപ്പെടുന്ന പാശ്ചാത്യ ഔഷധസസ്യമാണ് റോസ്മേരി. ആന്റിഓക്സിഡന്റുകളും ആന്റി-ഇൻഫ്ലമേറ്ററി സംയുക്തങ്ങളും കൊണ്ട് സമ്പന്നമായ റോസ്മേരി തലയോട്ടിയിലെ രക്തചംക്രമണം മെച്ചപ്പെടുത്തുകയും രോമകൂപങ്ങളെ ഉത്തേജിപ്പിക്കുകയും ചെയ്യുന്നു. അതിനാൽ തന്നെ ഇത് മുടി കൊഴിച്ചിലിനും മന്ദഗതിയിലുള്ള വളർച്ച ഇല്ലാതെയാവാനും നമ്മെ സഹായിക്കുന്നു.
ചെമ്പരത്തി: വെറുമൊരു ഭംഗിയുള്ള പൂവിനേക്കാൾ ഉപരി, മുടി സംരക്ഷണത്തിനുള്ള ഒരു നാടൻ പ്രതിവിധി തന്നെയാണിത്. വിറ്റാമിൻ എ, സി, അമിനോ ആസിഡുകൾ, ആന്റിഓക്സിഡന്റുകൾ എന്നിവയാൽ സമ്പന്നമായ ചെമ്പരത്തി മുടിയുടെ വേരുകളെ പുനരുജ്ജീവിപ്പിക്കാനും കട്ടിയുള്ളതും നീളമുള്ളതുമായ മുടിയിഴകളെ സൃഷ്ടിക്കുകയും ചെയ്യുന്നു. നമ്മുടെ നാട്ടിൽ സുലഭമായി കിട്ടുന്ന ചെടികളിൽ ഒന്ന് കൂടിയാണ് ചെമ്പരത്തി.
ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്ധരുടെ ഉപദേശം സ്വീകരിക്കണം.
Click it and Unblock the Notifications
Sign in with Google