കുടിക്കാൻ തോന്നിയാൽ അങ്ങ് കുടിക്കണം; കൊഴുപ്പ് കളയാൻ ബെസ്റ്റ് ഇവ, പക്ഷേ ഇത് മാത്രം കുടിക്കരുത്
തടി കുറയ്ക്കുക എന്നത് പലരുടെയും അഭിമാന പ്രശ്നമായി മരുന്നൊരു കാലഘട്ടത്തിലൂടെയാണ് നാം കടന്നുപോവുന്നത്. എന്നാൽ ശരിക്കും തടി കൊണ്ട് വന്നുചേരുന്ന ആരോഗ്യ പ്രശ്നങ്ങൾ പലരും പരിഗണിക്കാറില്ല എന്നതാണ് പ്രധാന കാര്യം. കൂടുതൽ പേരും സൗന്ദര്യപരമായ കാരണങ്ങളാൽ തടി കുറയ്ക്കാൻ ആഗ്രഹിക്കുന്നവരാണ് എന്ന് ചുരുക്കം. പക്ഷേ തടിയുടെയും ശരീരത്തിലെ കൊഴുപ്പിന്റെയും പ്രശ്നം അത്ര ലളിതമല്ല.
ഒട്ടേറെ ആരോഗ്യ പ്രശ്നങ്ങൾക്ക് കൊഴുപ്പ് അടിഞ്ഞുകൂടുന്നത് കാരണമാവും. അത് പലപ്പോഴും നമ്മുടെ ശരീരത്തിൽ അമിതമായ വണ്ണമായും തടിയായും ഒക്കെ പ്രകടമാകും. ഈ സമയത്ത് ശ്രദ്ധിച്ചില്ലെങ്കിൽ വലിയ ദോഷമാവും നിങ്ങളെ കാത്തിരിക്കുക. അത് കുറയ്ക്കാൻ പലപ്പോഴും ഡയറ്റ് മാത്രം മതിയാവില്ല. അതിന് ഉപകരിക്കുന്ന ചില പാനീയങ്ങളും കുടിക്കുന്നത് നന്നാവും. അതും ഉറക്കത്തിന് മുൻപ് ആണേൽ നല്ലതാണു. ഏതൊക്കെയാണ് അവയെന്ന് നോക്കാം.
കറുവപ്പട്ട ചായ
ഉറങ്ങുന്നതിനുമുമ്പ് ആസ്വദിക്കാൻ കഴിയുന്ന കൊഴുപ്പ് ഇല്ലാതാക്കുന്ന പാനീയമാണ് ഇത്. ഇതിലെ സിന്നമാൽഡിഹൈഡ് മെറ്റബോളിസത്തെ ഉത്തേജിപ്പിക്കുകയും ഇൻസുലിൻ സംവേദനക്ഷമത വർദ്ധിപ്പിക്കുകയും ഗ്ലൂക്കോസ് ആഗിരണം, കൊഴുപ്പ് തകരൽ എന്നിവ പ്രോത്സാഹിപ്പിക്കുകയും ചെയ്യുന്ന ഘടകങ്ങളാണ്. നിങ്ങൾ ഉറങ്ങുമ്പോൾ, കറുവപ്പട്ട ചായ കൊഴുപ്പ് ഇല്ലാതാവുന്നത് വേഗത്തിലാക്കാൻ പ്രവർത്തിക്കുന്നു.
ഉലുവ കുതിർത്ത വെള്ളം
ഉലുവ കുതിർത്ത വെള്ളം ഉറങ്ങാൻ പോകുന്നതിനു മുമ്പ് കുടിക്കുന്നത് നല്ലതാണു. സ്വാഭാവിക കൊഴുപ്പ് ഇല്ലാതാക്കുന്ന പാനീയമാണ്. ഇതിലെ ലയിക്കുന്ന നാരുകളും ഗാലക്ടോമന്നനും ദഹനത്തെ മന്ദീഭവിപ്പിക്കുകയും പഞ്ചസാരയുടെ ആസക്തിയും ഇൻസുലിൻ പ്രതിരോധവും കുറയ്ക്കുകയും ചെയ്യുന്നു. ഇത് മെറ്റബോളിസം വർധിപ്പിക്കാനും വിശപ്പ് അടിച്ചമർത്താനും കൊഴുപ്പ് കത്തുന്നതിനെ പ്രോത്സാഹിപ്പിക്കാനും സഹായിക്കും.
ഗ്രീൻ ടീ
ഗ്രീൻ ടീ ഉറങ്ങാൻ പോകുന്നതിനു മുമ്പ് കഴിക്കേണ്ട ഒരു തെർമോജനിക് പാനീയമാണ്. ഇതിലെ സജീവ സംയുക്തമായ കാറ്റെച്ചിൻ ശരീരത്തിന്റെ ഊർജ്ജ ഉപഭോഗം ഉപാപചയ പ്രവർത്തനങ്ങളെ ത്വരിതപ്പെടുത്തുന്നു. കൂടാതെ കൊഴുപ്പ് ഓക്സിഡേഷൻ വർധിപ്പിക്കാനും വിശപ്പ് അടിച്ചമർത്താനും ശരീരഭാരം കുറയ്ക്കാനും ഗ്രീൻ ടീ നിങ്ങളെ സഹായിക്കും.
മുന്തിരി ജ്യൂസ്
കിടക്കുന്നതിന് മുമ്പ് കുടിക്കാൻ പറ്റിയ മറ്റൊരു മികച്ച പാനീയമാണ് മുന്തിരി ജ്യൂസ്. ഇതിലെ പോളിഫെനോളുകളും റെസ്വെറാട്രോളും മെറ്റബോളിസത്തെ വർധിപ്പിക്കുകയും കൊഴുപ്പ് സംഭരണത്തെ അടിച്ചമർത്തുകയും കൊഴുപ്പിനെ ഇല്ലാതാക്കുകയും ചെയ്യുന്നു. ഇത് ഇൻസുലിൻ സംവേദനക്ഷമത വർധിപ്പിക്കാനും സഹായിക്കുന്നതിലൂടെ ശരീരഭാരംനിയന്ത്രിക്കാനുള്ള ഉത്തമ മാർഗമായി നില കൊള്ളുന്നു.
എന്നാൽ ഒരു കാരണവശാലും നിങ്ങൾ ഉറക്കത്തിന് മുൻപ് കുടിക്കാൻ പാടില്ലാത്ത ഒരു പാനീയം കൂടിയുണ്ട്. അതാണ് ബിയർ. പലരും രാത്രികാലങ്ങളിൽ പതിവായി ബിയർ കഴിക്കുന്ന ശീലം വച്ച് പുലർത്തുന്ന ആളുകൾ ആയിരിക്കും. എന്നാൽ ഒരു കാരണവശാലും ഉറങ്ങും മുൻപ് ബിയർ കുടിക്കരുത്, അത് നിങ്ങളുടെ കൊഴുപ്പ് അലിയിക്കാനുള്ള സാധ്യതകൾ ഇല്ലാതാക്കുകയാണ് ചെയ്യുക.
ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺ ഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്ധരുടെ ഉപദേശം സ്വീകരിക്കണം.
Click it and Unblock the Notifications
Sign in with Google