പനീർ നല്ലതാണ്, രുചിയും ഗുണവും വേറെ ലെവൽ; പ്രോട്ടീൻ കിട്ടാൻ വേറൊന്നും വേണ്ട, പക്ഷേ ഇക്കാര്യം ശ്രദ്ധിക്കണം
ഇന്ത്യക്കാർക്ക് പ്രത്യേകിച്ച് വടക്കേ ഇന്ത്യയിൽ വളരെയധികം ജനപ്രിയമായ ഭക്ഷണങ്ങളിൽ ഒന്നാണ് പനീർ. അതിന്റെ പല വിഭാഗങ്ങൾ പല തരത്തിലുള്ള വിഭവങ്ങളായി അവർ ഉപയോഗിച്ചു പോരുന്നുണ്ട്. മികച്ച രുചിയും അതിനൊത്ത ഗുണവുമാണ് പനീറിനെ വേറിട്ട് നിർത്തുന്നത്. കാണാനുള്ള ഭംഗി മാത്രമല്ല പനീറിന്റെ ഗുണം. അതിന് നിങ്ങളിൽ പലർക്കും അറിയാത്ത ചില ആരോഗ്യ ഗുണങ്ങൾ ഒട്ടേറെയുണ്ട്. അതാണ് പനീറിനെ വേറിട്ട് നിർത്തുന്നത്.
സോയബിൻ പോലെയോ മറ്റോ വ്യാപകമായി ഉപയോഗിക്കുന്ന ഒരു ഭക്ഷ്യ വസ്തുവല്ല പനീർ എന്നത് നിങ്ങൾ ആദ്യം മനസിലാക്കണം. എന്തെന്നാൽ ഒരിത്തിരി വില കൂടുതലാണ് ഇതിന് എന്നതാണ് പ്രധാന കാര്യം. അതിന് അനുസരിച്ചുള്ള ഗുണങ്ങളുമുണ്ട് പനീറിന്. ഉത്തരേന്ത്യൻ തീൻ മേശകളിലെ പ്രധാന വിഭവമായി പനീർ എന്നും തല ഉയർത്തി നിൽക്കാറുണ്ട്.
നേരത്തെ പറഞ്ഞത് പോലെ പനീറിന് ഒട്ടനവധി ഗുണങ്ങൾ സ്വന്തമായുണ്ട്. പക്ഷേ ആ ഗുണങ്ങൾ ഒക്കെ നിരത്തി നിർത്തിയാലും തീരാത്ത അത്രയും വലിയൊരു ന്യൂനതയാണ് ഇതിന്റെ കാര്യത്തിൽ അടുത്ത കാലത്തായി റിപ്പോർട്ട് ചെയ്തത്. ഇന്ത്യയിൽ ഏറ്റവും കൂടുതൽ മായം ചേർക്കപ്പെടുന്ന ഭക്ഷ്യ വസ്തു എന്ന മോശം റെക്കോർഡാണ് പനീറിന് സ്വന്തമായുള്ളത്.
അത് വളരെയധികം ആരോഗ്യ പ്രശ്നങ്ങൾക്ക് കാരണമാവുന്നു എന്നാണ് ഗുരുതരമായ കണ്ടെത്തൽ. കാൻസർ അടക്കമുള്ള രോഗങ്ങൾക്ക് ഇത് വഴിയൊരുക്കും. അതിനാൽ തന്നെ പനീർ കഴിക്കുന്ന ആളുകൾ ആദ്യം ശ്രദ്ധിക്കേണ്ടത് അത് നല്ല ഗുണമുള്ളതാണോ? ഒറിജിനൽ ആണോ എന്നൊക്കെയാണ് നോക്കേണ്ടത്. ഇക്കാര്യത്തിൽ നിങ്ങൾ ജാഗ്രത പുലർത്തണം. എന്ന് കരുതി പനീർ കഴിക്കാതിരിക്കരുത്. അതിന്റെ ഗുണങ്ങൾ ഇവയൊക്കെയാണ്.
പ്രോട്ടീൻ കലവറ: ഉയർന്ന പ്രോട്ടീൻ കലവറയാണ് പനീർ. ശരീര കലകൾ വികസിപ്പിക്കുന്നതിനും പുനഃസ്ഥാപിക്കുന്നതിനും പരിപാലിക്കുന്നതിനും പ്രോട്ടീൻ ആവശ്യമാണ്. സസ്യാഹാരികൾക്ക് ഇത് പ്രത്യേകിച്ചും ആവശ്യമാണ്. ശരീരത്തിന് ഉത്പാദിപ്പിക്കാൻ കഴിയാത്ത എല്ലാ അവശ്യ അമിനോ ആസിഡുകളും പനീറിൽ അടങ്ങിയിരിക്കുന്നു. അതിനാൽ തന്നെ പ്രോട്ടീൻ സമ്പുഷ്ടമായ ഒരു ഭക്ഷണമാണ് പനീർ.
കാൽസ്യത്തിന്റെ ഉറവിടം: ആരോഗ്യമുള്ള അസ്ഥികളും പല്ലുകളും നിലനിർത്തുന്നതിന് കാൽസ്യം അത്യന്താപേക്ഷിതമാണ്, പനീർ കാൽസ്യത്തിന്റെ മികച്ച ഉറവിടമാണ്. പനീർ പോലുള്ള കാൽസ്യം അടങ്ങിയ ഭക്ഷണങ്ങൾ പതിവായി കഴിക്കുന്നത് ദുർബലവും പൊട്ടുന്നതുമായ അസ്ഥികളുടെ സ്വഭാവമുള്ള ഓസ്റ്റിയോപൊറോസിസ് പോലുള്ള അവസ്ഥകളെ തടയാൻ സഹായിക്കും.
ശരീരഭാരം കുറയ്ക്കാൻ ഫലപ്രദം: ഇതിലെ ഉയർന്ന പ്രോട്ടീൻ ഉള്ളടക്കം നിങ്ങളെ കൂടുതൽ നേരം വയറു നിറയ്ക്കാൻ സഹായിക്കുന്നു, ഭക്ഷണത്തിനിടയിൽ ലഘുഭക്ഷണം കഴിക്കാനുള്ള ആഗ്രഹം കുറയ്ക്കുകയാണ് ചെയ്യുന്നത്. ശരീരഭാരം കുറയ്ക്കാൻ ആവശ്യമായ കലോറി കുറയ്ക്കുന്നതിലേക്ക് നയിക്കുന്നു. പനീറിലെ ആരോഗ്യകരമായ കൊഴുപ്പുകൾ സ്ഥിരമായ ഊർജം നൽകുന്നു, അമിതമായി ഭക്ഷണം കഴിക്കുന്നത് തടയാൻ ഇത് കാരണമാവുന്നു.
ദഹനം മെച്ചപ്പെടുത്തും: കുടൽ ആരോഗ്യത്തിന് പനീർ ഏറ്റവും നല്ല ഭക്ഷണങ്ങളിൽ ഒന്നാണ്. പനീർ ദഹിക്കാൻ വളരെ എളുപ്പമാണ്, സാധാരണ ദഹന പ്രശ്നങ്ങൾ ഉള്ളവർക്ക് ഇത് നല്ലൊരു ഓപ്ഷനാണ്. ഇതിന്റെ നേരിയ രുചിയും ഘടനയും സെൻസിറ്റീവ് വയറുള്ള ആളുകൾക്ക് അനുയോജ്യമാണ് എന്നതും മറ്റൊരു കാര്യമാണ്.
ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്ധരുടെ ഉപദേശം സ്വീകരിക്കണം.
Click it and Unblock the Notifications
Sign in with Google