സൗന്ദര്യം ഇനി കവിഞ്ഞൊഴുകും, മുടിയും മുഖവും ഒരുപോലെ തിളങ്ങും; ഈ വഴികൾ ഒന്ന് പരീക്ഷിക്കൂ..!
സൗന്ദര്യം വർധിപ്പിക്കാൻ ഒരുപാട് വഴികൾ പരീക്ഷിക്കുന്ന തലമുറയാണ് ഇപ്പോഴത്തേത്. പിന്നെ അടച്ചാക്ഷേപിക്കുന്നതിൽ യാഥാർഥ്യമില്ല, എന്തെന്നാൽ ഇപ്പോഴത്തെ ജെൻ സീ പോലെ തന്നെ പഴയ തലമുറയും ഈയൊരു കാര്യത്തിൽ ഒട്ടും പിന്നിൽ അല്ല. പലവിധ ചികിത്സ വിധികളും മരുന്നുകളും ഒക്കെ പരീക്ഷിക്കുന്നതിന് ഒപ്പം സൗന്ദര്യവർധക കാര്യങ്ങളും പലരും ഇടയ്ക്ക് ചെയ്തു നോക്കാറുണ്ട്, അതിന് ഫലങ്ങളും നൽകാൻ കഴിയാറുണ്ട്.
എന്നാൽ എല്ലായ്പ്പോഴും മരുന്നുകൾ പോലെയുള്ളവ അല്ല ഇതിനായി നാം ഉപയോഗിക്കേണ്ടത് എന്നതാണ് പ്രധാന കാര്യം. ഒരുപാട് പാർശ്വഫലങ്ങൾ ഒക്കെ ഉണ്ടാവാൻ ഇടയുള്ള, മാത്രമല്ല വിലയേറിയ വസ്തുക്കൾ അടങ്ങിയ ഇതര ചികിത്സാ രീതികൾ പല വിധത്തിൽ നമ്മളെ ബുദ്ധിമുട്ടിലാക്കും. അതിനാൽ കഴിവതും അവ ഉപേക്ഷിച്ചുകൊണ്ട് നാടൻ അഥവാ പ്രകൃതിദത്തമായ രീതിയിൽ വേണം ഇക്കാര്യങ്ങൾ ചെയ്യാൻ എന്നതാണ് ചിന്തിക്കേണ്ട വിഷയം.
അത്തരത്തിൽ നിങ്ങൾ സൗന്ദര്യത്തിൽ ശ്രദ്ധ ചെലുത്തുന്ന ആളാണെങ്കിൽ, നിങ്ങൾക്ക് ഏറ്റവും അനുയോജ്യമായ ചില രീതികൾ നമ്മുടെ ദക്ഷിണേന്ത്യയിൽ തന്നെ നിലവിലുണ്ട്. എന്തുകൊണ്ടാണ് തെന്നിന്ത്യൻ പെൺകൊടികൾക്ക് ഇത്രയും ഭംഗി എന്ന് അവ അറിഞ്ഞാൽ നിങ്ങൾക്ക് മനസിലാവും. അവ കൂടുതലും പാരമ്പര്യമായി കൈമാറിവന്ന ചില രീതികളാണ്. എന്തൊക്കെയാണ് അവയൊന്നും എങ്ങനെയാണ് അവ ഉപയോഗിക്കേണ്ടത് എന്നും അറിയാം.
വെളിച്ചെണ്ണ: ദക്ഷിണേന്ത്യൻ വീടുകളിൽ സാധാരണയായി കാണപ്പെടുന്ന ഒന്നാണ് ഇത്. കാരണം ഇത് നീളമുള്ളതും ആരോഗ്യകരവും തിളക്കമുള്ളതുമായ മുടിയെ പ്രോത്സാഹിപ്പിക്കുന്ന ഒന്ന് തന്നെയാണ്. തലയിൽ കാച്ചിയ വെളിച്ചെണ്ണ പുരട്ടുന്നത് രക്തയോട്ടം വർധിപ്പിക്കുകയും, വരണ്ട അവസ്ഥ ഒഴിവാക്കുകയും, താരൻ കുറയ്ക്കുകയും ചെയ്യും. മുടി പൊട്ടുന്നത് തടയുന്നതിലൂടെ ഇത് മുടിയെ ശക്തിപ്പെടുത്തുകയും മുടിക്ക് നല്ല പോഷണവും തിളക്കവുമുള്ള രൂപം നൽകുകയും ചെയ്യുന്ന ഗുണങ്ങളും ഇതിനുണ്ട്.
മഞ്ഞൾ: ആൻറി ബാക്റ്റീരിയൽ, ആന്റി-ഇൻഫ്ലമേറ്ററി ഗുണങ്ങൾ ഉള്ളതിനാൽ മഞ്ഞൾ ഒരു നിത്യ ചർമ്മ സംരക്ഷണ പ്രതിവിധിയായായി ഇവിടുത്തുകാർ കണക്കാക്കുന്നു. മഞ്ഞൾ പേസ്റ്റ് പാലിലോ തേനിലോ ചേർത്ത് ഒരു ഫേസ് പായ്ക്ക് ഉണ്ടാക്കുന്നത് ചർമ്മത്തിന് ആശ്വാസം നൽകുന്നതും തിളക്കം നൽകുന്നതും മുഖക്കുരു കുറയ്ക്കുന്നതുമാണ്. ദക്ഷിണേന്ത്യയിൽ വ്യാപകമായി ലഭിക്കുന്ന, കൃഷി ചെയ്യുന്ന ഒന്ന് കൂടിയാണിത്.
ചെമ്പരത്തി ഇല, പൂക്കൾ: നമ്മുടെ നാട്ടിലെ സൗന്ദര്യ സംരക്ഷണത്തിലെ വിലപ്പെട്ട കാര്യങ്ങളാണ് ചെമ്പരത്തി ഇലകളും പൂക്കളും. ഹെയർ മാസ്കായി ഉപയോഗിക്കുന്ന ചെമ്പരത്തി പേസ്റ്റ് മുടിയെ പരിപോഷിപ്പിക്കുകയും കട്ടിയാക്കുകയും ചെയ്യുന്നു, ഒപ്പം അകാല നര കുറയ്ക്കുന്നു. ഇത് ചർമ്മത്തിന് തിളക്കം നൽകുകയും ചെയ്യുന്നു, ഇത് മൊത്തത്തിലുള്ള ചർമ്മ സംരക്ഷണവും മുടി സംരക്ഷണവും വർധിപ്പിക്കാൻ സഹായിക്കുന്നതാണ്.
കറിവേപ്പില: ഇതിൽ ആന്റിഓക്സിഡന്റുകൾ, പ്രോട്ടീൻ, ബീറ്റാ കരോട്ടിൻ എന്നിവ ധാരാളമായി അടങ്ങിയിട്ടുണ്ട്, ഇത് മുടിയുടെ വളർച്ചയെ പിന്തുണയ്ക്കുന്നു. കൂടാതെ മുടി കൊഴിച്ചിലും നരച്ച മുടിയും സ്വാഭാവികമായി തടയാനും ഇത് സഹായിക്കും. കറിവേപ്പില വെളിച്ചെണ്ണയിൽ തിളപ്പിച്ച് തലയിൽ പുരട്ടുന്നത് മുടിയുടെ ഫോളിക്കിളുകളെ ശക്തിപ്പെടുത്തുന്നതിന് പോഷകങ്ങളും പ്രോട്ടീനും നൽകാൻ സഹായിക്കുന്നതാണ്.
ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്ധരുടെ ഉപദേശം സ്വീകരിക്കണം.
Click it and Unblock the Notifications
Sign in with Google