ഗ്യാസ് ട്രബിളും വയർ വീർക്കലും ഒക്കെ ഇനി വെറും ഓർമ്മ മാത്രം; ഈ ഭക്ഷണങ്ങൾ ഒഴിവാക്കണം! ഇനി എല്ലാം മാറും
വയറിന് എന്ത് അസുഖം വന്നാലും അത് നമ്മളെ വല്ലാതെ ബാധിക്കുക എന്ന പതിവുണ്ട്. കാരണം വയറിന് ബുദ്ധിമുട്ടുകൾ വന്നാൽ നമ്മുടെ മൊത്തം ദിനചര്യകളെയും ജീവിതത്തെയും അത് ബാധിക്കാറുണ്ട് എന്നതാണ് പ്രധാന വിഷയം. പലപ്പോഴും അടിക്കടിയുള്ള ബാത്റൂം സന്ദർശനവും യാത്രയ്ക്കിടയിലെ ബുദ്ധിമുട്ടുകളും ഒക്കെ പലരും അനുഭവിക്കേണ്ടി വരാറുണ്ട്. അതുകൊണ്ട് ഒരുപാട് പേരെ അലട്ടുന്ന ഈ പ്രശ്നം പരിഹരിക്കേണ്ടത് അത്യാവശ്യമാണ്.
കുടുംബത്തോടൊപ്പമോ അല്ലാതെയോ ഉണ്ടാവുന്ന നല്ല നിമിഷങ്ങൾ പോലും ഇത്തരം രോഗങ്ങളാൽ തകരുന്നത് പതിവ് കാഴ്ചയാണ്. ചിലർക്ക് വയർ വീർത്ത് വരികയും ഗ്യാസ് ട്രബിൾ പോലെയുള്ളവ അനുഭവപ്പെടുകയും ചെയ്യാറുണ്ട്. അതിനായി ചിലർ മരുന്നുകൾ കഴിയുകയും മറ്റ് ചില ദിനചര്യകൾ പരീക്ഷിക്കുകയും ഒക്കെ ചെയ്യുന്നത് നാം കാണാറുണ്ട്. എന്നാൽ അതുകൊണ്ട് മാത്രം ഇത് മാറുമോ എന്ന് ചോദിച്ചാൽ ഇല്ല.
എന്തെന്നാൽ ഭക്ഷണത്തിലെ നിയന്ത്രണവും ഇതിലൊരു വലിയ ഘടകമാണ്. അതുകൂടി ശ്രദ്ധിച്ചാൽ മാത്രമേ നമുക്ക് പൂർണമായി ഈ ആരോഗ്യ പ്രശ്നത്തെ മാറ്റി എടുക്കാൻ സാധിക്കുകയുള്ളൂ. അതിനായി നിങ്ങൾ ചില ഭക്ഷണങ്ങൾ ചിലപ്പോൾ ഒഴിവാക്കേണ്ടി വരും. അതിൽ ചിലപ്പോൾ നിങ്ങളുടെ ഇഷ്ടപ്പെട്ട ഭക്ഷണവും ഉണ്ടായേക്കാം. അത്തരത്തിൽ ഒഴിവാക്കേണ്ട ഭക്ഷണങ്ങൾ ഏതൊക്കെയെന്ന് നോക്കാം.
കാർബണേറ്റഡ് പാനീയങ്ങൾ: സോഡ, ബിയർ തുടങ്ങിയ ശീതളപാനീയങ്ങളിൽ കാർബൺ ഡൈ ഓക്സൈഡ് വാതകം അടങ്ങിയിട്ടുണ്ട്. നിങ്ങൾ അവ കുടിക്കുമ്പോൾ, ഈ വാതകം നിങ്ങളുടെ വയറ്റിൽ കുടുങ്ങി, അസ്വസ്ഥതയുണ്ടാക്കുകയും, വയർ വീർക്കുന്ന തോന്നൽ ഉണ്ടാക്കുകയും ചെയ്യും. ഇവ ഒഴിവാക്കുന്നതും ഉചിതമാണ്.
ധാന്യങ്ങൾ: ഗോതമ്പ്, ബാർലി, റൈ തുടങ്ങിയ ധാന്യങ്ങൾ വയറു വീർക്കാൻ കാരണമാകും. ഇത് പലപ്പോഴും ഈ ധാന്യങ്ങളിലെ ഗ്ലൂറ്റൻ എന്ന പ്രോട്ടീനാണ് ഉണ്ടാക്കുന്നത്. ഇത് സെൻസിറ്റിവിറ്റി അല്ലെങ്കിൽ സീലിയാക് രോഗം പോലുള്ള അവസ്ഥയുള്ള ആളുകളിൽ രോഗപ്രതിരോധ പ്രതികരണത്തിന് കാരണമാകും. ഗ്യാസ്, വയറു വീർക്കൽ തുടങ്ങിയ ദഹന പ്രശ്നങ്ങൾ എന്നിവയ്ക്ക് ഇത് കാരണമാകും.
ആർട്ടിഫിക്കൽ മധുരപലഹാരങ്ങൾ: സോർബിറ്റോൾ, മാനിറ്റോൾ, സൈലിറ്റോൾ തുടങ്ങിയ കൃത്രിമ മധുരപലഹാരങ്ങൾ പലപ്പോഴും ചില മധുരപലഹാരങ്ങൾ, ഡയറ്റ് ഭക്ഷണങ്ങൾ എന്നിവയിൽ കാണപ്പെടുന്നു, നമ്മുടെ ശരീരം അവ പൂർണ്ണമായി ആഗിരണം ചെയ്യുന്നില്ല. പകരം, അവ നമ്മുടെ കുടലിൽ വച്ച് പുളിപ്പിക്കുകയും വാതകം അടിഞ്ഞുകൂടുകയും വയർ വീർക്കലിന് കാരണമാവുകയും ചെയ്യും.
ക്രൂസിഫറസ് പച്ചക്കറികൾ: ഇതിൽ പ്രധാനമായും കാബേജ്, ബ്രൊക്കോളി, കോളിഫ്ളവർ തുടങ്ങിയ പച്ചക്കറികളിൽ അവശ്യ പോഷകങ്ങൾ അടങ്ങിയിട്ടുണ്ടെങ്കിലും ഇവ മറ്റൊരു തരത്തിൽ വില്ലനാണ്. അവ ചിലപ്പോൾ നമ്മുടെ വയറിന് ബുദ്ധിമുട്ടുണ്ടാക്കും. അവയിൽ ദഹിക്കാൻ പ്രയാസമുള്ള ഒരു പ്രത്യേക പഞ്ചസാര അടങ്ങിയിട്ടുണ്ട്, ഇത് ഗ്യാസ് ഉണ്ടാക്കാൻ കാരണമാകും.
ഉള്ളിയും വെളുത്തുള്ളിയും: ഉള്ളിയുടെയോ വെളുത്തുള്ളിയുടെയോ രുചിയില്ലാത്ത ഒരു ഭക്ഷണം സങ്കൽപ്പിക്കാൻ പോലും പലർക്കും പ്രയാസമാണ്. എന്നാൽ ഉള്ളിയിലും വെളുത്തുള്ളിയിലും ഫ്രക്ടാനുകൾ അടങ്ങിയിരിക്കുന്നതിനാൽ, ഇവ ചിലരിൽ വയറു വീർക്കാൻ കാരണമാകും. ലയിക്കുന്ന ഒരു തരം നാരാണിത്, ഇത് അസ്വസ്ഥത, ഗ്യാസ് എന്നിവ അനുഭവപ്പെടാൻ കാരണമാകും. ഇവയുടെ ഉപയോഗവും കുറയ്ക്കുന്നത് ആവും ചിലർക്ക് നല്ലത്.
ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്ധരുടെ ഉപദേശം സ്വീകരിക്കണം.
Click it and Unblock the Notifications
Sign in with Google