കൊറിയൻ ഗ്ലാസ് സ്‌കിൻ വേണോ? മരുന്നും മന്ത്രവും ഒന്നും വേണ്ട, ഈ വിത്തുകൾ കഴിക്കുന്നത് ശീലമാക്കൂ..!

Updated: Sunday, December 21, 2025, 15:30 [IST]

സോഷ്യൽ മീഡിയയിൽ തരംഗമായ ഒന്നാണ് കൊറിയൻ ഗ്ലാസ് സ്‌കിൻ. മിനുസവും വ്യക്തതയുമുള്ള തിളങ്ങുന്ന ചർമ്മമാണിത്. പലരും ഇതിനായി വിലകൂടിയ ഉത്പന്നങ്ങൾ തേടാറുണ്ട്. എന്നാൽ, ഇന്ത്യൻ അടുക്കളകളിലെ അഞ്ച് സാധാരണ വിത്തുകൾക്ക് ഉള്ളിൽ നിന്ന് ചർമ്മത്തിന് ആരോഗ്യം നൽകാൻ കഴിഞ്ഞേക്കും. ചണവിത്ത്, ചിയാ വിത്ത്, സൂര്യകാന്തി വിത്ത്, മത്തങ്ങാക്കുരു, എള്ള് എന്നിവയാണിവ.

ഈ വിത്തുകളിൽ നല്ല കൊഴുപ്പുകൾ, നാരുകൾ, സസ്യാധിഷ്ഠിത പ്രോട്ടീൻ, ധാതുക്കൾ എന്നിവ അടങ്ങിയിട്ടുണ്ട്. കോശങ്ങളുടെ സമ്മർദ്ദം കുറയ്ക്കാൻ സഹായിക്കുന്ന ആന്റിഓക്‌സിഡന്റുകളും ഇവയിലുണ്ട്. ദിവസവും ചെറിയ അളവിലെ ഉപയോഗം ചർമ്മത്തിന്റെ സംരക്ഷണ പാളിയെ പിന്തുണയ്ക്കും. സമീകൃതാഹാരത്തിനൊപ്പം ചർമ്മത്തിലെ വരൾച്ച, മങ്ങിയ നിറം, ചുളിവുകൾ എന്നിവ മാറ്റാൻ സഹായകമാകും.

ചണ വിത്ത്: ഒമേഗ-3 കൊഴുപ്പുകളാൽ സമ്പന്നമാണ് ചണവിത്ത്. ഈ കൊഴുപ്പുകൾ ചർമ്മത്തിലെ അസ്വസ്ഥതയും വരൾച്ചയും പരുപരുത്ത പാടുകളും കുറയ്ക്കാൻ സഹായിക്കും. വറുത്ത ചണവിത്ത് തൈര്, പോഹ, സാലഡ് എന്നിവയിൽ ചേർക്കാം. ദിവസവും ഒരു ടേബിൾസ്‌പൂണിലധികം കഴിക്കരുത്, കൂടാതെ ആവശ്യത്തിന് വെള്ളം കുടിക്കുക.

ചിയ: വെള്ളത്തിൽ കുതിർക്കുമ്പോൾ ജെൽ പോലെ രൂപപ്പെടുന്ന ചിയാ വിത്തുകൾ (Chia seeds) ഈർപ്പം നിലനിർത്തി ചർമ്മത്തിന് ജലാംശം നൽകും. ഇതിൽ പ്രോട്ടീനും മഗ്നീഷ്യവും ധാരാളമായി ഉണ്ട്. പലരും ചിയാ വിത്തുകൾ രാത്രി വെള്ളത്തിലോ പാലിലോ കുതിർത്തശേഷം സ്മൂത്തികൾ, ഓട്‌സ്, നാരങ്ങ വെള്ളം എന്നിവയിൽ ചേർക്കാറുണ്ട്.

സൂര്യകാന്തി വിത്ത്: വിറ്റാമിൻ ഇ-യുടെ മികച്ച ഉറവിടമാണ് ഇത്. സൂര്യപ്രകാശത്തിൽ നിന്നും മലിനീകരണ സമ്മർദ്ദത്തിൽ നിന്നും ചർമ്മത്തെ സംരക്ഷിക്കുന്നു. ഒപ്പം, ചർമ്മത്തിന്റെ കേടുപാടുകൾ പരിഹരിച്ച് ആരോഗ്യകരമായ പുനരുജ്ജീവനത്തെ പിന്തുണയ്ക്കാനും സഹായിക്കുന്നു. അൽപം വറുത്തതോ സാധാരണയോ ആയ ഒരു പിടി വിത്തുകൾ കഴിക്കാം. ചിവാഡ, കഞ്ഞി, വെജിറ്റബിൾ ഫ്രൈ എന്നിവയിലും ഇവ ചേർക്കാം.

മത്തങ്ങാക്കുരു: ഇതിൽ അടങ്ങിയിരിക്കുന്ന സിങ്ക് ചർമ്മത്തിന്റെ മുറിവുകൾ കരിയാൻ സഹായിക്കും. ഇത് ചെറിയ മുഖക്കുരു പാടുകളും മറ്റ് അടയാളങ്ങളും കുറയ്ക്കാൻ പ്രയോജനപ്പെട്ടേക്കാം. ഇരുമ്പ്, പ്രോട്ടീൻ എന്നിവയും മത്തങ്ങാക്കുരുവിലുണ്ട്. ഉപ്പും മുളകും ചേർത്ത് വറുത്തെടുത്ത മത്തങ്ങാക്കുരു ചാട്ട്, സൂപ്പ്, മില്ലറ്റ് ബൗൾ എന്നിവയിൽ രുചികരമായ ഒരു ചേരുവയാണ്.

എള്ള്: മിക്ക ഇന്ത്യൻ അടുക്കളകളിലെയും സാധാരണ സാന്നിധ്യമാണ്. കാൽസ്യം, നല്ല കൊഴുപ്പുകൾ, ആന്റിഓക്‌സിഡന്റുകൾ എന്നിവ ഇവയിലുണ്ട്. പരമ്പരാഗത ശൈത്യകാല മധുരപലഹാരങ്ങളിൽ എള്ള് ഉപയോഗിക്കുന്നു. ശരീരത്തിന് കരുത്തും ചർമ്മത്തിന് തിളക്കവും നൽകാൻ ഇത് ഉപയോഗിക്കുന്നു. വെളുത്തതോ കറുത്തതോ ആയ എള്ള് ചമ്മന്തികൾ, ലഡ്ഡു, പറാത്ത, നാരങ്ങാച്ചോറ് എന്നിവയിൽ ചേർക്കാം.

നിങ്ങൾ ഗ്ലാസ് സ്‌കിന്നിനായി കഴിക്കേണ്ട വിത്തുകളുടെ പ്രധാന ചർമ്മ പോഷകങ്ങൾ ഏതൊക്കെയെന്ന് നോക്കാം. ചണവിത്ത്: ഒമേഗ-3 കൊഴുപ്പും നാരുകളും. ചിയാ വിത്ത്: ഒമേഗ-3 കൊഴുപ്പും മഗ്നീഷ്യവും. സൂര്യകാന്തി വിത്ത്: വിറ്റാമിൻ ഇയും സെലിനിയവും. മത്തങ്ങാക്കുരു: സിങ്കും ഇരുമ്പും. എള്ള്: കാൽസ്യവും ആരോഗ്യകരമായ കൊഴുപ്പുകളും.

ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്‌ധരുടെ ഉപദേശം സ്വീകരിക്കണം.