ഡയറ്റും ചർമ്മത്തിന്റെ ആരോഗ്യവും തമ്മിൽ ഇത്രയും ബന്ധമോ? ഇനിയെങ്കിലും ഇക്കാര്യങ്ങൾ ശ്രദ്ധിക്കൂ..
പലപ്പോഴും നമ്മൾ ചർമ്മത്തിന്റെ ആരോഗ്യത്തെ കുറിച്ച് പറയുമ്പോൾ മനഃപൂർവം വിസ്മരിക്കുന്ന കാര്യമാണ് അതിന് ഭക്ഷണത്തിനുള്ള സ്വാധീനം. വെറും മരുന്നുകൾ കൊണ്ടോ മറ്റെന്തെങ്കിലും ചികിത്സകൾ കൊണ്ടോ മാത്രം ഒരിക്കലും നിങ്ങളുടെ ചർമ്മത്തെ മികച്ചതാക്കാനോ ഭംഗിയുള്ളതായി തീർക്കാനോ കഴിയില്ല. അതിന് ഭക്ഷണ കാര്യത്തിലും നമ്മൾ കാര്യമായ ശ്രദ്ധ പതിപ്പിക്കേണ്ടത് അനിവാര്യമായ സംഗതിയാണ്.
അല്ലായെങ്കിൽ നമ്മൾ ചെയ്യുന്ന എല്ലാ കാര്യങ്ങളും വെള്ളത്തിൽ വരച്ച വര പോലെയായി മാറുമെന്നതാണ് പ്രധാന കാര്യം.നമ്മൾ കഴിക്കുന്ന ഭക്ഷണത്തിന് നമ്മുടെ ചർമ്മത്തിൽ, പ്രത്യേകിച്ച് മുഖക്കുരുവും കറുത്ത പാടുകളും തടയുന്നതിൽ കാര്യമായ സ്വാധീനം ചെലുത്താൻ കഴിയുമെന്നാണ് ഈ രംഗത്ത് പ്രവർത്തിക്കുന്ന വിദ്ഗധർ പറയുന്നത്. അതിനാലാണ് മറ്റ് വിഷയങ്ങൾക്കൊപ്പം ഭക്ഷണവും ചർമ്മാരോഗ്യത്തിൽ പ്രധാന ഘടകമായി മാറുന്നത്.
സാധാരണയായി പഴങ്ങൾ, പച്ചക്കറികൾ, ധാന്യങ്ങൾ എന്നിവ അടങ്ങിയ സമീകൃതാഹാരം ശുദ്ധമായ ചർമ്മത്തിന് ശുപാർശ ചെയ്യുന്ന ഒന്നാണ്. എന്നാൽ ചില ഭക്ഷണങ്ങൾ ഒഴിവാക്കണമെന്നും ആരോഗ്യ വിദഗ്ധർ പറയാറുണ്ട്. ഇവയ്ക്ക് ചർമ്മത്തിലുള്ള മോശം സ്വാധീനം കണക്കിലെടുത്തു കൊണ്ടാണ് അങ്ങനെയുള്ള നിർദ്ദേശങ്ങൾ അവർ നൽകുന്നത്.
പഞ്ചസാരയുടെയും പാലുൽപ്പന്നങ്ങളുടെയും സ്വാധീനം
മുഖക്കുരു ഉണ്ടാകുന്നതിൽ പഞ്ചസാരയ്ക്കും പാലുൽപ്പന്നങ്ങൾക്കും പങ്കുണ്ടെന്നാണ് പോഷകാഹാര വിദഗ്ധർ എടുത്തുകാണിക്കുന്നു. ഉയർന്ന പഞ്ചസാര കഴിക്കുന്നത് ഇൻസുലിൻ അളവ് വർധിപ്പിക്കുന്നതിന് കാരണമാകും, ഇത് മുഖക്കുരുവിന് വഴിയൊരുക്കും. അതുപോലെ തന്നെ പാലിൽ അടങ്ങിയിരിക്കുന്ന ഹോർമോണുകൾ കാരണം പാലുൽപ്പന്നങ്ങൾ ചർമ്മ പ്രശ്നങ്ങൾക്ക് കാരണമാകുമെന്നും പഠനങ്ങൾ കണ്ടെത്തിയിട്ടുണ്ട്.
സംസ്കരിച്ച ഭക്ഷണങ്ങൾ ഒഴിവാക്കുക
സംസ്കരിച്ച ഭക്ഷണങ്ങളിൽ പലപ്പോഴും മുഖക്കുരുവിനെ വർധിപ്പിക്കുന്ന അനാരോഗ്യകരമായ കൊഴുപ്പുകളും പഞ്ചസാരയും അടങ്ങിയിട്ടുണ്ട്. ചർമ്മത്തിന്റെ തിളക്കം നിലനിർത്താൻ ഈ ഭക്ഷണങ്ങൾ പരിമിതപ്പെടുത്താൻ പോഷകാഹാര വിദഗ്ധർ ശുപാർശ ചെയ്യുന്നു. പകരം പുതിയതും പൂർണവുമായ ഭക്ഷണങ്ങൾ തിരഞ്ഞെടുക്കുന്നതാണ് ഉചിതം.
കൂടുതലായി കഴിക്കേണ്ട ഭക്ഷണങ്ങൾ
ആന്റി ഓക്സിഡന്റുകൾ കൂടുതലുള്ള ഭക്ഷണങ്ങളായ സരസഫലങ്ങൾ, പച്ച ഇലക്കറികൾ എന്നിവ കഴിക്കുന്നത് ചർമ്മത്തിന് ഗുണം ചെയ്യും. സാൽമൺ പോലുള്ള മത്സ്യങ്ങളിൽ കാണപ്പെടുന്ന ഒമേഗ-3 ഫാറ്റി ആസിഡുകളും അവയുടെ ഘടകങ്ങളാൽ ഉത്തമമാണ്. ഈ പോഷകങ്ങൾ തടിപ്പ് കുറയ്ക്കുകയും ആരോഗ്യകരമായ ചർമ്മം നിലനിർത്താൻ സഹായിക്കുന്നു.
ശരീരത്തിലെ ജലാംശം
ചർമ്മത്തിന്റെ ആരോഗ്യത്തിന് ജലാംശം നിലനിർത്തേണ്ടത് അത്യാവശ്യമാണ്. ധാരാളം വെള്ളം കുടിക്കുന്നത് ശരീരത്തിൽ നിന്ന് വിഷവസ്തുക്കളെ പുറന്തള്ളാൻ സഹായിക്കുന്നു, അതുവഴി ചർമ്മം വൃത്തിയായി സൂക്ഷിക്കുന്നു. മികച്ച ഫലങ്ങൾക്കായി ദിവസവും കുറഞ്ഞത് എട്ട് ഗ്ലാസ് വെള്ളമെങ്കിലും കുടിക്കമെന്നാണ് വിദഗ്ധർ നിർദ്ദേശിക്കുന്നത്.
വിദഗ്ധരുടെ ഉപദേശം തേടുക
ഇത്രയൊക്കെ ആണെങ്കിലും വ്യക്തിഗത ഉപദേശത്തിന്, ഒരു പോഷകാഹാര വിദഗ്ധനെയോ ചർമ്മരോഗ വിദഗ്ധനെയോ സമീപിക്കുന്നത് ഗുണം ചെയ്യും. വ്യക്തിഗത ആവശ്യങ്ങളും ചർമ്മ തരവും അടിസ്ഥാനമാക്കി അവർക്ക് അനുയോജ്യമായ ഭക്ഷണക്രമ നിർദ്ദേശങ്ങൾ നൽകാൻ അവർക്ക് കഴിയും. ഇല്ലങ്കിൽ പോഷകാഹാര കുറവ് പോലെയുള്ള വെല്ലുവിളികൾ നേരിടേണ്ടി വരും.
സാധാരണഗതിയിൽ കാലാവസ്ഥ, ജീവിതശൈലി എന്നിവയെയാണ് നാം കൂടുതലായി ചർമ്മത്തിന്റെ കാര്യത്തിൽ കുറ്റപ്പെടുത്താറുള്ളത്. എന്നാൽ ഭക്ഷണത്തിനും ഇതിൽ വലിയൊരു പങ്ക് വഹിക്കാനുണ്ടെന്നതാണ് പ്രധാനമായ കാര്യം. അതിനാൽ തന്നെ മുഖക്കുരു പോലെയുള്ളവ തടയാൻ ഡയറ്റിൽ പ്രത്യേക ശ്രദ്ധിക്കേണ്ടതുണ്ട്.
ഡിസ്ക്ലെയിമർ- ഗൂഗിളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ തയ്യാറാക്കിയതാണ് ഈ ലേഖനം. വൺഇന്ത്യ മലയാളത്തിന് ഇത് സംബന്ധിച്ച് ശാസ്ത്രീയ അറിവുകൾ ഇല്ല. അതിനാൽ ഇവ പിന്തുടരുന്നതിന് മുൻപ് ആരോഗ്യവിദഗ്ധരുടെ ഉപദേശം സ്വീകരിക്കണം.
Click it and Unblock the Notifications
Sign in with Google