വിംബിള്ഡണ്: ഹിംഗിസ്, സെറീന വില്യംസ് രണ്ടാം റൗണ്ടില്
ലണ്ടന്: ഒന്നാം സീഡ് മാര്ട്ടിനാ ഹിംഗിസും എട്ടാം സീഡ് സെറീന വില്യംസും വിംബിള്ഡണിന്റെ വനിതാവിഭാഗം രണ്ടാം റൗണ്ടില് കടന്നു. ദുര്ബലരായ എതിരാളികള്ക്കെതിരെ അനായാസ വിജയമാണ് ഇരുവരും നേടിയത്.
ഹിംഗിസ് സ്പെയിനിന്റെ ആഞ്ചലസ് മൊന്റോളിയോയെ 6-1, 6-2 എന്ന സ്കോറിന് പരാജയപ്പെടുത്തി. സ്വീഡന്റെ ആസ കാള്സണെ 6-3, 6-2 എന്ന സ്കോറിന് പരാജയപ്പെടുത്തിയാണ് സെറീന വില്യംസ് രണ്ടാം റൗണ്ടില് കടന്നത്.
11-ാം സീഡ് ജര്മ്മനിയുടെ ആങ്കെ ഹ്യൂബര് ബ്രിട്ടന്റെ ജോ വാര്ഡിനെ 7-5, 6-2 എന്ന സ്കോറിന് പരാജയപ്പെടുത്തി. ജപ്പാന്റെ ആയ് സുഗിയാമ നാട്ടുകാരിയായ യൂക്കാ യോഷിദയെ 6-1, 6-3-ന് പരാജയപ്പെടുത്തി രണ്ടാം റൗണ്ടില് കടന്നു.
പുരുഷവിഭാഗത്തില് നെതര്ലന്റ്സിന്റെ റിച്ചാര്ഡ് ക്രായിച്ചെക്ക് രണ്ടാം റൗണ്ടില് കടന്നു. നാലു സെറ്റ് നീണ്ട പോരാട്ടത്തില് ജര്മ്മനിയുടെ മൈക്കള് കോള്മനെയാണ് ക്രായിച്ചെക്ക് പരാജയപ്പെടുത്തിയത്. സ്കോര്: 3-6, 6-1, 6-4, 7-6.