• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സിംഗപ്പൂര്‍ കപ്പ്: പാകിസ്ഥാന് 12 റണ്‍ ജയം

  • By Staff

സിംഗപ്പൂര്‍: മഴയില്‍ കുതിര്‍ന്ന മത്സരത്തില്‍ 12 റണ്ണിന്റെ വിജയത്തോടെ സിംഗപ്പൂര്‍ ത്രിരാഷ്ട്ര ഏകദിനക്രിക്കറ്റ് ടൂര്‍ണമെന്റില്‍ പാകിസ്ഥാന്‍െറ അരങ്ങേറ്റം. ന്യൂസിലാണ്ടിനെയാണ് 25 ഓവര്‍ മത്സരത്തില്‍ അവര്‍ തോല്പിച്ചത്.

മഴകാരണം 25 ഓവറാക്കി വെട്ടിക്കുറച്ച മത്സരത്തില്‍ ടോസ് നേടിയ ന്യൂസിലാണ്ട് പാകിസ്ഥാനെ ബാറ്റിംഗിനയക്കുകയായിരുന്നു. മുന്‍ മധ്യനിര ബാറ്റ്സ്മാന്മാരുടെ മികച്ച പ്രകടനത്തിന്റെ ബലത്തില്‍ പാകിസ്ഥാന്‍ 25 ഓവറില്‍ ആറു വിക്കറ്റിന് 191 റണ്ണെടുത്തു. ഓപ്പണര്‍ സയീദ് അഫ്രീദി (23 പന്തില്‍ 33), സയീദ് അന്‍വര്‍ (22 പന്തില്‍ 22), യൂസഫ് യൂഹാന (44 പന്തില്‍ 46), ഇജാസ് അഹ്മദ് (36 പന്തില്‍ 49) എന്നിവര്‍ പാകിസ്ഥാനുവേണ്ടി വെടിക്കെട്ട് ബാറ്റിംഗ് തന്നെ പുറത്തെടുത്തു.

ഒരോവറില്‍ എട്ടു റണ്‍ എന്ന ലക്ഷ്യത്തോടെ മറുപടി ബാറ്റിംഗിനിറങ്ങിയ ന്യൂസിലാണ്ട് ധീരതയോടെ പോരാടി. നഥാന്‍ ആസ്റിലും (12) ക്രിസ് കെയിന്‍സും (21) ചേര്‍ന്ന് സാമാന്യം നല്ല തുടക്കം നല്‍കുകയും ചെയ്തു. പിന്നീട് റോജര്‍ ടോസ് (34 പന്തില്‍ 35), ക്രിസ് ഹാരിസ് (27 പന്തില്‍ 40) എന്നിവരും മികച്ച ബാറ്റിംഗ് പുറത്തെടുത്തെങ്കിലും പാകിസ്ഥാന്‍ ബൗളര്‍മാര്‍ ചെലുത്തിയ സമ്മര്‍ദ്ദത്തെ അതിജീവിക്കാന്‍ ന്യൂസിലാണ്ട് വാലറ്റത്തിനായില്ല. 24.4 ഓവറില്‍ 179 റണ്ണിന് എല്ലാവരും പുറത്തായി.

ടൂര്‍ണമെന്റിലെ അടുത്ത മത്സരം ആഗസ്ത് 23-ന് ബുധനാഴ്ച പാകിസ്ഥാനും ദക്ഷിണാഫ്രിക്കയും തമ്മിലാണ്.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more