ഒളിംപിക്സ് കൊടിയിറങ്ങുന്നു ; അമേരിക്ക മുന്നില്
സിഡ്നി : ലോകത്തിലെ ഏറ്റവും വലിയ കായിക മാമാങ്കമായ ഒളിംപിക്സിന് ഒക്ടോബര് ഒന്ന് ഞായറാഴ്ച കൊടിയിറങ്ങുകയാണ്.
മെഡല് നിലയില് 38 സ്വര്ണ്ണവുമായി അമേരിക്ക മുന്നിലാണ്. അമേരിക്ക ആകെ 90 മെഡലുകള് നേടിയിട്ടുണ്ട്. 28 സ്വര്ണ്ണമടക്കം ആകെ 77 മെഡലുകള് നേടി റഷ്യ രണ്ടാമതും 28 സ്വര്ണ്ണം ഉള്പ്പടെ ആകെ 59 മെഡലുകള് നേടിയ ചൈന മൂന്നാമതും നില്ക്കുന്നു.
ഇനി പൂര്ത്തിയാകാനുള്ളത് മാരത്തോണും വോളി ബോള് മത്സരവും മാത്രമാണ്. അഞ്ച് സ്വര്ണ്ണം നേടി ചരിത്രം കുറിക്കാനെത്തിയ അമേരിക്കയുടെ മരിയന് ജോണ്സിന് മൂന്ന് സ്വര്ണ്ണം കൊണ്ട് തൃപ്തിപ്പെടേണ്ടി വന്നു. രണ്ട് വെങ്കലവും കൂടി നേടിയ മരിയന് തന്നെയാണ് സിഡ്നിയുടെ താരം.
ഒളിംപിക്സിലെ ഇന്ത്യന് താരം ഭാരദ്വഹനത്തില് വെങ്കലം നേടിയ കര്ണ്ണം മല്ലേശ്വരിയാണ്. പ്രതീക്ഷകളുടെ ഭാരമില്ലാതെ സിഡ്നിയിലെത്തിയ ബീനമോളുടെ പ്രകടനവും ശ്രദ്ധേയമായി. എന്നാല് കൊല്ലാനിറങ്ങിയ ഇന്ത്യന് ഹോക്കി ടീം കായികപ്രേമികളെ കുറച്ചൊന്നുമല്ല നിരാശപ്പെടുത്തിയത്.