സച്ചിന് ലോക റിക്കാര്‍ഡ്

നൈറോബി: അന്താരാഷ്ട്ര ഏകദിനക്രിക്കറ്റില്‍ ഏറ്റവും കൂടുതല്‍ റണ്‍സെടുത്ത ബാറ്റ്സ്മാന്‍ എന്ന റിക്കാര്‍ഡ് ഇനി ഇന്ത്യയുടെ സച്ചിന്‍ ടെണ്ടുല്‍ക്കറിന് സ്വന്തം. നൈറോബിയില്‍ നടക്കുന്ന ഐസിസി അന്താരാഷ്ട്ര നോക്കൗട്ട് ക്രിക്കറ്റ് ടൂര്‍ണമെന്റിന്റെ ഫൈനലില്‍ ന്യൂസിലാണ്ടിനെതിരെ 15 റണ്ണെടുത്തതോടെയാണ് സച്ചിന് ഈ റിക്കാര്‍ഡ് സ്വന്തമായത്.

ഇന്ത്യയുടെ മുന്‍ ക്യാപ്റ്റന്‍ മുഹമ്മദ് അസ്ഹറുദ്ദീന്‍ നേടിയ 9378 റണ്‍സ് മറികടന്നാണ് സച്ചിന്‍ ഈ ബഹുമതി കരസ്ഥമാക്കിയത്. 253-ാമത്തെ മത്സത്തിലാണ് സച്ചിന്‍ ഇത്രയും റണ്‍സ് സ്വന്തമാക്കിയത്. ന്യൂസിലാണ്ടിനെതിരെ 83 പന്തുകളില്‍ നിന്നും സച്ചിന്‍ 69 റണ്ണെടുത്തു.

ഏകദിനത്തില്‍ ഏറ്റവും കൂടുതല്‍ സെഞ്ച്വറി നേടിയ കളിക്കാരന്‍ എന്ന റിക്കാര്‍ഡ് സച്ചിന്‍ നേരത്തെ സ്വന്തമാക്കിയിരുന്നു. ഏകദിനത്തില്‍ 25-ഉം ടെസ്റില്‍ 22-ഉം സെഞ്ച്വറികളാണ് ഈ 27കാരന്‍ ഇതിനകം കരസ്ഥമാക്കിയിരിക്കുന്നത്. ഇതു കൂടാതെ ഏകദിനത്തില്‍ 47 അര്‍ദ്ധ സെഞ്ച്വറികളും സച്ചിന്‍ നേടിയിട്ടുണ്ട്.

1999ല്‍ ന്യൂസിലാണ്ടിനെതിരെ പുറത്താകാതെ എടുത്ത 186 റണ്ണാണ് സച്ചിന്റെ ഏകദിനത്തിലെ മികച്ച സ്കോര്‍.