ക്രാംനിക്കിന് ലോകചെസ് കിരീടം

ലണ്ടന്‍ :ഗാരി കാസ്പറോവിന്റെ 15 വര്‍ഷത്തെ കുത്തക അവസാനിച്ചു.നവംബര്‍ 2 വ്യാഴാഴ്ച നടന്ന നിര്‍ണ്ണായക മത്സരത്തില്‍ കാസ്പറോവുമായി സമനില പാലിച്ചതോടെ 25 കാരന്‍ വ്ലാഡിമിര്‍ ക്രാംനിക്കിന് ലോക ചെസ് കിരീടം സ്വന്തമായി.

ലോകചെസ് കിരീടത്തിന് 15 മത്സരങ്ങള്‍ കളിച്ചതില്‍ ക്രാംനിക്ക് 8.5 പോയിന്റ് നേടിയപ്പോള്‍ കാസ്പറോവിന് 6.5 പോയിന്റ് നേടാനേ കഴിഞ്ഞുള്ളൂ.

37-കാരനായ ഗാരി കാസ്പറോവ് 1985 മുതല്‍ തുടര്‍ച്ചയായി ലോകചാമ്പ്യനായിരുന്നു.ചെസിലെ ഈ കുത്തകയാണ് വ്യാഴാഴ്ച തകര്‍ന്നത്.