അസ്ഹറിനും ജഡേജയ്ക്കും വിലക്ക്
മുംബൈ: ക്രിക്കറ്റ് കോഴയിടപാടുകളില് സി ബി ഐ കുറ്റക്കാരെന്നു കണ്ടെത്തിയ മുഹമ്മദ് അസ്ഹറുദ്ദീന്, അജയ് ജഡേജ, നയന് മോംഗിയ, മനോജ് പ്രഭാകര്, അജയ് ശര്മ എന്നിവര്ക്ക് ഒന്നാം ക്ലാസ് ക്രിക്കറ്റുമായി ബന്ധപ്പെട്ട എല്ലാ പ്രവര്ത്തനങ്ങളില് നിന്നും ബി സി സി ഐ വിലക്കേര്പ്പെടുത്തി.
നവംബര് മൂന്ന് വെള്ളിയാഴ്ച ബി സി സിഐ പ്രസിഡന്റ് എ സി മുത്തയ്യയാണ് അഞ്ചു കളിക്കാരെയും സസ്പെന്ഡ്് ചെയ്യണമെന്നു നിര്ദ്ദേശിച്ചു കൊണ്ട് സംസ്ഥാന ക്രിക്കറ്റ് അസോസിയേഷനുകള്ക്ക് കത്തയച്ചിരിക്കുന്നത്.
എന്നാല് ഇപ്പോള് ഏര്പ്പെടുത്തിയിരിക്കുന്നത് താത്കാലിക വിലക്കാണ്. സി ബി ഐ റിപ്പോര്ട്ടിന്റെ ചുവട് പിടിച്ച് കോഴവിവാദത്തെക്കുറിച്ച് ബി സി സി ഐ നടത്തുന്ന അന്വേഷണം പൂര്ത്തിയാകുന്നതു വരെയാണ് ഇവര്ക്കെതിരായ ഈ നടപടി.
കോഴയിടപാടുകളെക്കുറിച്ചന്വേഷിക്കാന് മുന് സിബി ഐ ഡയറക്ടര് കെ മഹാദേവനെ ബി സി സി ഐ ചുമതലപ്പെടുത്തിയിട്ടുണ്ട്.
രണ്ടാഴ്ചയ്ക്കകം മഹാദേവന് റിപ്പോര്ട്ട് സമര്പ്പിക്കും. അതിന്റെ വെളിച്ചത്തിലായിരിക്കും അടുത്തനടപടിയെന്ന് ബി സി സി ഐ വൃത്തങ്ങള് അറിയിച്ചു.