ഹിംഗിസ്, വീനസ് സഹോദരിമാര് ക്വാര്ട്ടറില്
മെല്ബണ്: ഒന്നാം സീഡ് മാര്ട്ടിനാ ഹിംഗിസ്, മൂന്നാം സീഡ് വീനസ് വില്യംസ്, ആറാം സീഡ് സെറീന വില്യംസ് എന്നിവര് ആസ്ത്രേലിയന് ഓപ്പണ് ടെന്നീസിന്റെ വനിതാവിഭാഗം ക്വാര്ട്ടര് ഫൈനലില് കടന്നു.
ഇറ്റലിയുടെ സീഡ് ചെയ്യപ്പെടാത്ത താരം റീത്ത ഗ്രാന്റെയെ നേരിട്ടുള്ള സെറ്റുകളില് തകര്ത്താണ് ഹിംഗിസ് ക്വാര്ട്ടറിലെത്തിയത്. സ്കോര്: 6-0, 6-3. ഹിംഗിസ് ക്വാര്ട്ടറില് സെറീന വില്യംസിനെ നേരിടും. ചെക്കോസ്ലോവാക്യയുടെ ദെജാ ബെഡോണോവയെ 6-2, 6-2 എന്ന സ്കോറിന് തോല്പിച്ചാണ് സെറീന ക്വാര്ട്ടറിലിടം കണ്ടത്.
ഹിംഗിസിന്റെയും സെറീനയുടെയും വിജയം എളുപ്പമായിരുന്നെങ്കില് മൂന്നാം സീഡ് വീനസ് വില്യംസിന് ക്വാര്ട്ടറിലെത്താന് ഒന്നേ മുക്കാല് മണിക്കൂറോളം വിയര്പ്പൊഴുക്കേണ്ടി വന്നു. 13ാം സീഡ് അമിലി മൊറീസ്മോയെ 6-2, 3-6, 6-3 എന്ന സ്കോറിനാണ് വീനസ് പരാജയപ്പെടുത്തിയത്. അര്ജന്റീനയുടെ പൗളാ സുറേസിനെ 6-1, 6-4ന് തകര്ത്ത അമാന്ഡ കോസ്ററാണ് ക്വാര്ട്ടറില് വീനസിന്റെ എതിരാളി.
പുരുഷവിഭാഗത്തില് അഞ്ചാം സീഡ് യെവ്ജെനി കാഫെല്നിക്കഫും 15ാം സീഡ് അര്നോള്ഡ് ക്ലമെന്റും ക്വാര്ട്ടറിലെത്തിയിട്ടുണ്ട്. സ്വീഡന്റ ആന്ഡ്രിയാ വിന്സിഗ്വരെയെ 7-5, 7-5, 6-1 എന്ന സ്കോറിന് പരാജയപ്പെടുത്തിയാണ് കാഫെല്നിക്കഫ് ക്വാര്ട്ടറില് കടന്നത്. ജര്മ്മനിയുടെ ഗ്രെഗ് റുസെദ്സ്കിയുടെ 6-3, 6-2, 7-5 എന്ന സ്കോറിന് ക്ലമെന്റ് തോല്പിച്ചു.