മണിച്ചനെ വിജിലന്സിന് കൈമാറി
തിരുവനന്തപുരം: മദ്യദുരന്തക്കേസിലെ മുഖ്യപ്രതിയായ അബ്കാരി കോണ്ട്രാക്ടര് മണിച്ചനെ രണ്ടു മാസത്തേക്ക് വിജിലന്സിന് കൈമാറി.
അബ്കാരി മാസപ്പടി കേസിലെ 15-ാം പ്രതി കൂടിയാണ് മണിച്ചന്. വിജിലന്സ് കോടതി സ്പെഷ്യല് ജഡ്ജി എന്.കെ.ബാലകൃഷ്ണന്റെ ഉത്തരവിനെ തുടര്ന്ന് ഏപ്രില് 30 തിങ്കളാഴ്ച ഉച്ചയോടെയാണ് മണിച്ചനെ വിജിലന്സിന് കൈമാറിയത്.
മാസപ്പടി കേസില് മണിച്ചനെ ചോദ്യം ചെയ്യാന് വിട്ടുകിട്ടണമെന്ന് വിജിലന്സ് എസ്പി നിതിന് അഗര്വാള് വിജിലന്സ് കോടതിയോട് അഭ്യര്ഥിച്ചിരുന്നു. മദ്യദുരന്തക്കേസില് ജുഡീഷ്യല് കസ്റഡിയില് കഴിയുന്ന മണിച്ചനെ ചോദ്യം ചെയ്യാന് വിജിലന്സിന് ജയിലധികൃതര് അനുവാദം നല്കുന്നില്ലെന്നും ഇതിനാലാണ് കോടതിയെ സമീപിക്കുന്നതെന്നും എസ്പി ബോധിപ്പിച്ചു.
അഞ്ചു മാസമായി ജുഡീഷ്യല് കസ്റഡിയില് കഴിഞ്ഞ മണിച്ചനെ വിജിലന്സിന് കൈമാറേണ്ടതില്ലെന്ന് മണിച്ചന്റെ അഭിഭാഷകന് ബോധിപ്പിച്ചു. എന്നാല് ചോദ്യം ചെയ്യലിന്റെ ഭാഗമായി ശാരീരിക പീഡനം ഉണ്ടാവില്ലെന്നും ജുഡീഷ്യല് കസ്റഡിയില് കഴിയുന്ന പ്രതിയെ ശാരീരികമായി പീഡിപ്പിച്ചാലുണ്ടാകുനന ഭവിഷ്യത്തിനെപ്പറ്റി എസ്പിക്ക് ബോധ്യമുണ്ടായിരക്കുമെന്നും കോടതി ഓര്മിപ്പിച്ചു. തുടര്ന്ന് വിജിലന്സ് ഡിവൈഎസ്പി ക്രിസ്റ് ബാസ്റില് മണിച്ചനെ ഏറ്റുവാങ്ങി.