പേസ്-ഭൂപതി സഖ്യത്തിന് കിരീടം

ഹൂസ്റണ്‍ : ഇന്ത്യയുടെ ലിയാണ്ടര്‍ പേസ് - മഹേഷ് ഭൂപതി സഖ്യം യുഎസ് ക്ലേ കോര്‍ട്ട് ടെന്നീസ് ചാമ്പ്യന്‍ഷിപ്പില്‍ ഡബിള്‍സ് കിരീടം നേടി. ഫൈനലില്‍ അമേരിക്കന്‍ ജോഡിയായ കെവിന്‍ കിം- ജിം തോമസ് സഖ്യത്തെ നേരിട്ടുള്ള സെറ്റുകള്‍ക്കാണ് ഇവര്‍ തോല്പിച്ചത് (സ്കോര്‍: 7-6, 6-2 ).

ആദ്യ ഗെയിമില്‍ മാത്രമാണ് കെവിന്‍ കിമും ജിം തോമസും അല്പമെങ്കിലും ചെറുത്തുനിന്നത്. രണ്ടാം ഗെയിമില്‍ പേസ് - ഭൂപതി സഖ്യം അനായാസ ജയം നേടി. ഏകദേശം 1.57 കോടി രൂപ സമ്മാനത്തുകയുള്ള ടൂര്‍ണ്ണമെന്റില്‍ പേസ്- ഭൂപതി സഖ്യം രണ്ടാം സീഡുകാരായിരുന്നു.

കഴിഞ്ഞയാഴ്ച വെരിസോണ്‍ അറ്റ്ലാന്റ ടൂര്‍ണ്ണമെന്റില്‍ പേസ്- ഭൂപതി സഖ്യം കിരീടം നേടിയിരുന്നു. നേരത്തെ ലോകറാങ്കിങ്ങില്‍ ഒന്നാം സീഡായിരുന്ന ഇവര്‍ ഒരിടവേളയ്ക്കുശേഷം നഷ്ടപ്പെട്ട പ്രതാപം തിരിച്ചുപിടിക്കാനുള്ള ശ്രമത്തിലാണ്.