സെറീന പുറത്ത്, ഹിംഗിസ്-കപ്രിയാറ്റി സെമിഫൈനല്‍

പാരീസ്: ഒന്നാം സീഡ് സ്വിറ്റ്സര്‍ലാണ്ടിന്റെ മാര്‍ട്ടിനാ ഹിംഗിസും നാലാം സീഡ് അമേരിക്കയുടെ ജെന്നിഫര്‍ കപ്രിയാറ്റിയും ഫ്രഞ്ച് ഓപ്പണ്‍ ടെന്നീസ് വനിതാവിഭാഗം സിംഗിള്‍സിന്റെ സെമിഫൈനലില്‍ ഏറ്റുമുട്ടും.

ജൂണ്‍ അഞ്ച് ചൊവാഴ്ച നടന്ന ക്വാര്‍ട്ടര്‍ ഫൈനലില്‍ ഹിംഗിസ് ഇറ്റലിയുടെ ഫ്രാന്‍സെസ്ക ഷിയാവോണിനെ നേരിട്ടുള്ള സെറ്റുകള്‍ക്ക് കീഴടക്കി. സ്കോര്‍: 6-1, 6-4. എന്നാല്‍ കപ്രിയാറ്റിയുടെ സെമിപ്രവേശം അത്ര എളുപ്പത്തിലായിരുന്നില്ല. ആറാം സീഡ് സെറീന വില്യംസിന്റെ കടുത്ത എതിര്‍പ്പിനെ മറികടന്നാണ് കപ്രിയാറ്റി സെമിയിലെത്തിയത്. മൂന്നു സെറ്റ് നീണ്ട പോരാട്ടത്തില്‍ 6-2, 5-6, 6-2 എന്ന സ്കോറില്‍ കപ്രിയാറ്റി വിജയം കണ്ടു.

നാട്ടുകാരാണ് രണ്ടാം സെമിഫൈനലില്‍ ഏറ്റുമുട്ടുക. 12ാം സീഡ് ജിം ക്ലിജ്സ്ററും 14ാം സീഡ് ജസ്റിന്‍ ഹെനിനും ബെല്‍ജിയംകാരാണ്. എതിരാളികളെ പെട്ടെന്നുതന്നെ കീഴടക്കിയാണ് ഇരുവരും സെമിയിലെത്തിയത്. ഹംഗറിയുടെ പെട്ര മാന്‍ഡുലയെ 6-1, 6-3ന് ക്രിജ്സ്റര്‍ തകര്‍ത്തപ്പോള്‍ റഷ്യയുടെ ലിനാ ക്രസ്നറോസ്കയെ 6-1, 6-2നാണ് ഹെനിന്‍ തോല്പിച്ചത്.

കേര്‍ട്ടന്‍-ഫെരേരോ സെമിഫൈനല്‍

പുരുഷവിഭാഗത്തില്‍ ഒന്നാം സീഡും ഇപ്പോഴത്തെ ചാമ്പ്യനുമായ ബ്രസീലിന്റെ ഗസ്റാവോ കേര്‍ട്ടന്‍ സെമിഫൈനലില്‍ കടന്നു. ഏഴാം സീഡ് റഷ്യയുടെ യെവ്ജനി കാഫെല്‍നിക്കഫിനെ നാലു സെറ്റ് നീണ്ട പോരാട്ടത്തിലാണ് കേര്‍ട്ടന്‍ കീഴടക്കിയത്. സ്കോര്‍: 6-1, 3-6, 7-6, 6-4.

നാലാം സീഡ് സ്പെയിനിന്റെ ജുവാന്‍ കാര്‍ലോസ് ഫെരേരോയെയാണ് കേര്‍ട്ടന്‍ സെമിയില്‍ നേരിടുക. ആറാം സീഡ് ആസ്ത്രേലിയുടെ ലെയ്റ്റണ്‍ ഹെവിറ്റിനെയാണ് ഫെരേരോ ക്വാര്‍ട്ടറില്‍ തോല്പിച്ചത്. സ്കോര്‍: 6-4, 6-2, 6-1.