വീനസ്, കപ്രിയാറ്റി സെമിയില്; സെറീന തോറ്റു
ലണ്ടന്: നിലവിലെ ചാമ്പ്യന് വീനസ് വില്യംസ്, നാലാം സീഡ് ജെന്നിഫര് കപ്രിയാറ്റി, എട്ടാം സീഡ് ജസ്റിന് ഹെനിന് എന്നിവര് വിംബിള്ഡണ് ടെന്നീസിന്റെ വനിതാ വിഭാഗം സെമിഫൈനലില് കടന്നു.
ഒമ്പതാം സീഡ് നതാലിയ തൗസിയത്തിനെ 7-5, 6-1 എന്ന സ്കോറിന് തകര്ത്താണ് ചാമ്പ്യന് വീനസ് സെമിയിലേക്ക് കുതിച്ചത്. എന്നാല് വീനസിന്റെ സഹോദരി സെറീനയ്ക്ക് ക്വാര്ട്ടറില് അടി തെറ്റി. ആസ്ത്രേലിയന് ഓപ്പണ്, ഫ്രഞ്ച് ഓപ്പണ് എന്നീ കിരീടങ്ങള് നേടി വിംബിള്ഡണിനെത്തിയ അമേരിക്കയുടെ തന്നെ ജെന്നിഫര് കപ്രിയാറ്റിയാണ് സെറീനയുടെ വിംബിള്ഡണ് മോഹങ്ങള് അവസാനിപ്പിച്ചത്. മൂന്നു സെറ്റ് നീണ്ട കടുത്ത പോരാട്ടത്തില് 6-7, 7-5, 6-3 എന്ന സ്കോറിനാണ് കപ്രിയാറ്റി സെറീനയെ മറികടന്നത്.
ഒമ്പതാം സീഡ് ബെല്ജിയത്തിന്റെ ജസ്റിന് ഹെനിനെയാണ് കപ്രിയാറ്റി സെമിയില് നേരിടുക. 1994ല് വിംബിള്ഡണ് നേടിയ 19ാം സീഡ് കൊഞ്ചിറ്റ മാര്ട്ടിനെസിനെ നിഷ്പ്രഭയാക്കിയാണ് ഹെനില് സെമിയിലേക്ക് ചീട്ട് വാങ്ങിയത്. സ്കോര്: 6-1, 6-0.
പുരുഷവിഭാഗത്തില് അഞ്ചാം സീഡ് ആസ്ത്രേലിയയുടെ ലെയ്ട്ടണ് ഹെവിറ്റിന് പ്രീ ക്വാര്ട്ടറില് അടിതെറ്റി. 24ാം സീഡ് നിക്കോളാസ് എസ്ക്യൂഡാണ് ഹെവിറ്റിനെ തോല്പിച്ച് ക്വാര്ട്ടറില് കടന്നത്. സ്കോര്: 4-6, 6-4, 6-3, 4-6, 6-4. ഒന്നാം സീഡും നിലവിലെ ചാമ്പ്യനുമായ പീറ്റ് സാംപ്രാസും പ്രീക്വാര്ട്ടറില് പുറത്തായിരുന്നു.