വിംബിള്‍ഡണ്‍: റാഫ്റ്റര്‍, ഇവാനിസെവിച്ച് സെമിയില്‍

ലണ്ടന്‍: കഴിഞ്ഞ തവണത്തെ റണ്ണറപ്പായ ആസ്ത്രേലിയയുടെ പാട്രിക് റാഫ്റ്ററും ക്രൊയേഷ്യയുടെ ഗൊരാന്‍ ഇവാനിസെവിച്ചും വിംബിള്‍ഡണ്‍ ടെന്നീസ് ചാമ്പ്യന്‍ഷിപ്പിന്റെ പുരുഷവിഭാഗം സെമിഫൈനലില്‍ കടന്നു.

ജൂലായ് നാല് ബുധനാഴ്ച നടന്ന മത്സരത്തില്‍ 10ാം സീഡ് സ്വീഡന്റെ തോമസ് എന്‍ക്വിസ്റിനെയാണ് റാഫ്റ്റര്‍ തോല്പിച്ചത്. സ്കോര്‍: 6-1, 6-3, 7-6.

നാലാം സീഡ് റഷ്യയുടെ മാരത് സഫിനെ അട്ടിമറിച്ചാണ് ഗൊരാന്‍ സെമിയിലേക്കുള്ള പാത വെട്ടിത്തുറന്നത്. നാലു സെറ്റ നീണ്ട കടുത്ത പോരാട്ടത്തില്‍ 7-6, 7-5, 3-6, 7-6 എന്ന സ്കോറിനായിരുന്നു ഇവാനിസെവിച്ചിന്റെ വിജയം.