കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കേരളത്തിന് റെക്കൊഡോടെ രണ്ട് സ്വര്‍ണ്ണം

  • By Staff
Google Oneindia Malayalam News

ലുധിയാന: പഞ്ചാബിലെ ലുധിയാനയില്‍ നടക്കുന്ന ദേശീയഗെയിംസിന്റെ രണ്ടാംദിവസമായ നവമ്പര്‍ 21 ബുധനാഴ്ച കേരളം മീറ്റ് റെക്കോഡോടെ രണ്ടു സ്വര്‍ണ്ണം നേടി. ഹൈജമ്പില്‍ ബോബി അലോഷ്യസും പുരുഷന്മാരുടെ 800 മീറ്ററില്‍ കെ.എം.ബിനുവും പുതിയ ഗെയിംസ് റെക്കോഡോടെയാണ് സ്വര്‍ണ്ണം നേടിയത്. ഇതോടെ കേരളത്തിന് നാല് സ്വര്‍ണ്ണവും അഞ്ച് വെള്ളിയും മൂന്നുവെങ്കലവുമായി.

100 മീറ്ററില്‍ സര്‍വീസസിന്റെ മലയാളിതാരം പി. അനില്‍കുമാര്‍ നേടി. 10.52 സെക്കന്റിലാണ് അനില്‍കുമാര്‍ സ്വര്‍ണ്ണം നേടിയത്. 1.79 മീറ്റര്‍ ചാടിയാണ് ബോബി അലോഷ്യസ് സ്വര്‍ണ്ണവും റെക്കോഡും സ്വന്തമാക്കിയത്.

പുരുഷന്മാരുടെ 800 മീറ്ററില്‍ ഒരു മിനിറ്റ് 48.69 സെക്കന്റുകൊണ്ടാണ് ബിനു ഓടിയെത്തിയത്. ഇത് പുതിയ മീറ്റ് റെക്കോഡാണ്. ഒളിമ്പ്യന്‍ ബീനമോളുടെ സഹോദരനാണ് ബിനു. സൈക്ലിങ്ങില്‍ കേരളത്തിന്റെ വിഷ്ണുചന്ദ് വെങ്കലം നേടി.

സ്വര്‍ണ്ണമെഡല്‍ നേടുന്നവര്‍ക്ക് ഒരു ലക്ഷവും വെള്ളിമെഡല്‍ നേടുന്നവര്‍ക്ക് 50,000 രൂപയും സംസ്ഥാനസര്‍ക്കാര്‍ പ്രഖ്യാപിച്ചിട്ടുള്ളതിനാല്‍ കേരളാതാരങ്ങള്‍ കൂടുതല്‍ ആവേശത്തിലാണ്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X