ഐ സി സി സമീപനം മയപ്പെടുത്തിയേക്കും

ദില്ലി : വീരേന്ദ്ര സേവാഗ് വിവാദത്തില്‍ ഇന്ത്യയോടുള്ള സമീപനം ഐ സി സി മയപ്പെടുത്തിയേക്കും. ഇന്ത്യയെ കൂടുതല്‍ പ്രകോപിപ്പിക്കേണ്ടെന്നാണത്രേ ഐ സി സി യുടെ തീരുമാനം. കടുത്ത നടപടിയില്‍ നിന്നും അന്താരാഷ്ട്ര ക്രിക്കറ്റ് കൗണ്‍സില്‍ പിന്‍വാങ്ങാനാണ് സാദ്ധ്യതയെന്ന് ബ്രിട്ടീഷ് മാദ്ധ്യമങ്ങള്‍ നവംര്‍ 26 വ്യാഴാഴ്ച റിപ്പോര്‍ട്ടു ചെയ്തു.

ദക്ഷിണാഫ്രിക്കയുമായുള്ള മൂന്നാം ടെസ്റില്‍ കളിക്കാതിരുന്നതോടെ ഒരു മത്സരത്തില്‍ നിന്നുമുള്ള സെവാഗിന്റെ വിലക്ക് തങ്ങള്‍ അംഗീകരിച്ചുവെന്നാണ് ഇന്ത്യയുടെ വാദം. എന്നാല്‍ ഈ മാച്ച് അനൗദ്യോഗികമായി പ്രഖ്യാപിച്ചതിനാല്‍ അടുത്ത മത്സരത്തിലും സെവാഗിനു കളിക്കാനാവില്ലെന്നാണ് ഐ സി സിയുടെ നിലപാട്. ഇന്ത്യയും ഐ സി സിയുമായുള്ള മറ്റൊരു വടംവലിയായി ഈ വിവാദം വളരുകയാണ്.

സെവാഗിനെ അടുത്ത മത്സരത്തില്‍ പുറത്തിരുത്തിയില്ലെങ്കില്‍ ഇന്ത്യ പങ്കെടുക്കുന്ന എല്ലാ മത്സരങ്ങളും അനൗദ്യോഗികമാക്കാനാണ് പുതിയ നീക്കം. ടെസ്റ് മത്സരങ്ങളില്‍ നിന്നും ഇന്ത്യയെ വിലക്കാനായിരുന്നു നേരത്തെയുള്ള ആലോചന.