കേരളത്തിന് രണ്ട് വെള്ളിയും മൂന്ന് വെങ്കലവും

ലുധിയാന: ദേശീയഗെയിംസില്‍ നവംബര്‍ 28 ബുധനാഴ്ച കേരളം രണ്ട് വെള്ളിയും മൂന്ന് വെങ്കലവും നേടി. പുരുഷന്മാരുടെ കനായിംഗിലും കയാക്കിംഗിലുമായാണ് കേരളം മെഡലുകള്‍ നേടിയത്.

100 മീറ്റര്‍ കയാക്കിംഗ് ഡബിള്‍സില്‍ പ്രശാന്ത്-നെഗി സഖ്യം വെള്ളി നേടി. നാല് പേരുള്ള ഇനത്തില്‍ പ്രശാന്ത്, നെഗി, ജയേഷ്, ജയന്‍ എന്നിവര്‍ വെങ്കലം നേടി. കനോയിംഗ് സിംഗിള്‍സില്‍ കെ. ബിനുവും ഡബിള്‍സില്‍ ബിനു-ചെറി ജോണ്‍ സഖ്യവും വെങ്കലം നേടി.

ഗെയിംസിന് അന്ത്യം കുറിക്കാന്‍ മൂന്ന് ദിവസം കൂടി ബാക്കി നില്‍ക്കെ 18 വെള്ളിയും 18 വെങ്കലവുമായി കേരളം ആറാം സ്ഥാനത്ത് തന്നെ തുടരുകയാണ്. ആതിഥേയരായ പഞ്ചാബ് ഒന്നാം സ്ഥാനത്തു തന്നെ. സര്‍വീസസ് രണ്ടാം സ്ഥാനത്തെത്തിയിട്ടുണ്ട്.